بسم الله الرحمن الرحيم

ياجماعه ساعدوني احتاج حل احتاج احد ينورني ويدلني عالصواب بعد الله
انا الحمدلله متزوجه من رجل طيب محافظ على صلاته وبار بوالديه بس فيه كم حاجة منه مضايقتني حاولت اتأقلم ماني قادره وكل ما كلمته يقول هذا طبعي وما بغيره

1)ساكت .. صامت .. جامد ..
يعني ينرفزني ويتكلم بشيء عارف اني بتضايق او يسوي شيء ما ابغاه يسويه بعدين اعصب واتكلم وابكي مايرد ولا بكلمه ولا بحرف يعني كاني جالسه اعاتب الجدر والله انقهر من صمته اكثر من قهري من الهرجه الاصليه ..
حتى اذا فهمته غلط ما يبرر هو اش يقصد خلاص يسكت ..

2)ما يرضيني ابداً ..
يعني ازعل وارضى لحالي ما يفكر يتنزل يرضيني والله ماعمره رضاني ..
بالنقطه الاولى قلت ما يبرر مره تزاعلنا على كلمه قالها وانا على طول انفجرت عصبت عليه وكالعاده اخذ وضعية الميت وانا ماخذه وضعية المجنون ولا فتح فمه بكلمه كل اللي قاله قصري صوتك الجيران لا يسمعون قلتله ماني مقصره صوتي وش بتسوي يعني ابغاه ينطق يتحرك اي تفاعل بالحياه مافيه ..
ثاني يوم وداني لاهلي من دون ما اطلبه اروح لهم وخلاني عندهم ولا كلمني ولا ارسلي الا بعد شهرين وبعد الشهرين قال انا ما قصدت كذا كذا كان قصدي كذا .. بالله وش تفسرون هالتصرف ؟ موت مشاعر ناحيتي؟ ولا ماني مهمه بالنسبه له ؟ ما ادري وقتها حسيت اني حزنت على نفسي وعليه ..
يعني بالله لو يحبني يطنش الوقت ذا كله وكمان وانا فاهمه غلط لو انسان ما تعرفه وفهمك غلط لازم توضحله عاد خلي زوجتك بالله مو شيء يقهر ؟!

3)كلام الحب والهدايا والحركات كلها حركات مسلسلات..
بداية زواجنا كنت احتاج اسمع منه كلمات حلوه زي كل الاوادم كان يقول لي هذي حركات مسلسلات مالها داعي بلعتها وسكت بعدين قال انا اصلاً حاط ببالي عادي لو اني تزوجت وحده ما احبها اهم شيء هي تكون تحبني!!!!!!!!!
يعني ترا انتي تحبيني انا ما احبك وكالعاده حطيتها بالدرج مع خواتها وسكت بعد فتره لقيته مصور تعليقه ما ادري ميداليه عليها حرفه وحرف مجهول وتتبعت الهرجه من مصادر موثوقه لين عرفت انه كان يحب وحده قبل نتزوج وهذا الشيء خلاني افسر بعض كلام وتصرفات ان قلبه لسى معاها ..

4)سكت دهراً ثم نطق فكفر ..
كل عصبيتي وهواشي وبكاي كنت ابغاه يعبرني بس ويبررلي تصرفاته وكلامه ويهتم فيني ..
اخر مره عصبت عليه فيها قبل كم يوم
قلتله لو ما اطفالي لسى صغار كان اتطلق قال يالله تجهزي اوديهم لهلي واوديك لاهلك...
وقتها جاني حالة صمت غريبه تاكدت انه بايعني ولا اني هامته ابداً..
وجلستت ابكي كالعاده بس وقتها مو عشان الفت انتباهه او احرك مشاعره لا والله صعب عليه حالي حتى لو انه افضل من حال الكثير بس مو هذي المعامله اللي اتمناها اتمنى انسان يحس فيني لا اكثر ولا اقل..
قررت احفظ بيتي عشان خاطر اشياء كثير اهمها اطفالي لسى بحاجتي وملزومه اتحمل عشانهم لين ما كل واحد يعتمد على نفسه وماعاد يحتاجوني..قررت اتوظف عشان ماعاد اعتمد عليه بأي شيء..شوي شوي ابغى اطلعه من حياتي ..

لا تقولون دخلي الاهل او شيء زي كذا لانها اشياء بالنظره العامه تافهه وبسيطه بس مهمه بالنسبه لي لاني انا بس اللي عايشتها وحاسه فيها
كنت اشتكي لامي عشان ترشدني بس كل العائله تدري صرت اسكت وماعاد اقولها شيء..


.. وجهوني وانصحوني وعلموني بقبل كل شيء وكل نقد وتعليق ..

شوفي ياقلبي لو بتصيرين كذا بتجيبين لنفسك الجلطة .
.
مالنا قدرة على تغيير الاشخاص ..لكن لنا قدرة على تغيير انفسنا واسعادها من غير منة هالازواج


بتقولين حاجات عاطفيه وغرائز بداخلنا نحتاجها

ادري

بس هالحاجات بتجينا وراء شحاذه وتعب نفسي مانبغاها ..

بعض الاوقات اعطي نفسك وضعية البرود والبلادة
ريحي اعصابك ونفسك وذاتك ...

ذكرتيني با اول زواجي لما قلتي زوجي ماخذ وضعية الميت وانا ماخذة وضعية المجنون
كنت مثلك اصارخ ابغاه يحس فيني وهو على الصامت
بس لما تنتهي الهوشه واجلس مع نفسي
اتخيل لو فيه كاميرا واحد جالس يصورني
وانا اصارخ وشكلي يسد النفس
وامي وأبوي شافوا المقطع وش شعوري !!!
من جد رحمت نفسي
الحل اللي اتخذته بحياتي واحسه نفع معاي
لما زوجي ينرفزني أتكلم معاه بهدوء واوضح له وجهة نظري
بكلام جدا جدا مختصر
الله يعينك وربي حاسة فيكي كلك طاقة ومشاعر
واخذتي زومبي بس ايش نقول الدنيا حظوظ

جربتي تسكتين مثله؟ وتتصرفين كانه مو فارق معاك؟

ما اقصد انك تمثلين.. اقصد فعلا انك تتعايشين ويصير فعلا مو فارق معاك؟؟

هو بسذاجة فضح شي لا تستهينين فيه.. هو ضامن ان في وحدة مهما كان ماراح تتركه وهذا اللي كان يبيه

حتى وهو عارف ان هي مضطرة..

وحدة تتعب عليه بدون هو مايتعب عليها.. وحدة تصرخ بدون مايتاثر..

لان لو حبها بيحاول يرضيها وهو نفس ماقلت مايبي يتعب

معليش اضغطي على نفسك واكتمي مشاعرك.. الطاقة اللي تطلعينها بالصراخ استغليها وحوليها للكتمان والهدوء..

لا تبطلين

حتى لو طول الموضوع معاك..

لو سألك مجرد سؤال من بعيد عن تغيرك.. فهذي ردة فعل ايجابية..

__________________

اختلافي عنك لا يعني اختلافي معك

سبحان الله احب الناس الغامضه عشان اكتشفهم واقدر بجد اسيطر عليهم ويكون لي مكانه عندهم ☺️

المهم أختي زوجك تصرفاته صح تقهر لكن انتي تصرفي معاه ببرود تام مع الاهتمام بمشاعره لاتقولي هو جماد بالعكس هما يحملو كثير في قلوبهم فالواجب عليك تسيحي الثليج الي داخله ومارح يسيح الا لما يحبك ورح يجي اليوم الي يحبك لما تعرفي تدخلي له اقرأي عن الشخصيات وغالباً الرجل الي زي زوجك يهمه انك تعوديه كل ليله تتقربي منه وتغازليه وتلامسيه وتتكلمي بهمس طبعاً بعد نوم الاطفال والجو هادي ولا تنتظري منه مقابل وانتبهي لا تحضنيه فقط كلام غزلي ولمسات خفيفه وبوسه ع الجبهه ونامي وطول اليوم مو تضلي ساكته لكن لا تتكلمي كلام متواصل وبكثره لا كلامك اختصريه ومهما زعلك خليك بارررده يارب يذوب الثلج ويفهمك ويتجاوب معاك

نسيت اقولك لا تقولي له احبك أبداً أبداً امدحي فيه لليل حسسيه انه مرغوب لكن ابتعدي عن كلمة احبك حتى يخرج من صمته ويقولها لك

انتي لأنش متخذه وضعية الميت المجنون اضطريتيه يتخذ وضعية العاقل الساكت وقريب بيتخذ

وضعية الميت المحنط ,,, الله يكون بعونه

اختي انتي ثقافتك ثقافة مسلسلات ,,, ومسلسلات مو رومانس تركي,, لا مسلسل اكشن على دراما

اثقلي وارزني ,,,, لو تستميتين دهر على حركات لفت الاهتمام الي فاهمتها غلط

ما راح يتغير الموضوع غير لأسوء

__________________
وهل من مصير اخر ؟

سلام عليكم ورحمة الله وبركاته
صبحكم الله بالخير جميع
صدقيني أختي صاحبة اسم أنا كنت أحبه، بأني أقرأ في بداية الاسطر قلت نفسي هذا الرجل عاشق إمرأة، وأتاني الجواب سريعاً حين قلتِ أنه كان يحب وحدة.
زوجكِ ربما يعيش حالة سخط وعدم رضا بقضاء الله وقدره وهو يتوهم ان تلك المرأة لم يخلق الله مثلها أحد.
أختي الكريمة اذا كان هو طيب ولا ينقصه شيء سوى هذا البرود فتحملي ولا تديري اهتمام لبروده، ولا تضغطي عليه فصديقني سينفر منكِ اذا كررتي في كل مرة الإلحاح على هذه الاشياء التي تم تذكرها.
لا تحمليه فوق طاقته فربما هو يعيش صراع عنيف بينه وبين نفسه، واراد يعيش معكِ بسلام وأمان ومادام هو طيب معكِ ويحترمكِ ولم يقصر بشيء فأنتِ قدري هذا الأمر واحترميه أيضاً ولا تضخمي المواضيع وتعاملي معه ببرود أعصاب، وتعلمي التغافل، واذا تكلم بشيء لا تحبينه اسكتي واستعملي نفس الاسلوب الذي يستعمله ، ليس انتقاماً منه، وانما هو اسلوب ممتاز لتخفيف الغضب.
ملاحظة أخيرة أختي: الرجل أحياناً ينقهر من زوجته ويطفش ولايعة كبده ويريد ينفجر عليها من حلطمتها وبربرتها ولكن حتى لا تصبح مشاكل ولا تكبر المشكلة يبقى صامت ويحاول يمتص غضبه ويتغافل حتى يخفف الوضع. فلا تتوقعي أختي ان صمت الرجل لأجل يقهركِ أو ينرفزكِ وانما الصمت باب من أبواب الحكمة لإخماد نيران الغضب.