مشكلتي مع خطيبتي " محتاج نصيحتكم "
السلام عليكم .. بدخل في الموضوع علطول
انا لي سنه خاطب ولي 8 شهور اكلمها على " الواتس فقط " والملكه بعد 4 شهور اذا الله يسر وتمم على خير ..
بذكر لكم بعض الاشياء عشان تساعدكم في النصيحه لهذه المشكلة ..
حالتي المادية الحمدلله كويسه " لا ثري ولا فقير ( مع انه افضل مني واقرب الى الله مني ) " وهي حالتهم المادية كويسه وعينها مليانه .
خلال الـ 8 شهور اهديت لها هدايا في المناسبات واخرها عيد الفطر ..
اخر ايام رمضان جبت لها هدية وجبت هدية للوالد ولاحظتها بعد فتره تقول كيف قدرت تشتري للوالد الهدية هذي بالمبلغ الفلاني ! مع انها كانت قبل تقول هدية الوالد فيها شي شدني ومتحمسه له ممكن تصورها ! قلت ايش هو قالت صوره الهدية واخبرك وتراه شي عادي بس تحمست له ! يوم صورة الهدية حصلت انها مجهزة لي السيناريو هذا ! كيف اخذتها ومن هالكلام ! ما احب اذكر الهدية لانها شي عادي وما تتعدى 35 الف واول مره اهدي لاحد بالمبلغ هذا لاني قربت اتزوج و مرتاح في وظيفتي ولا هي قدر الناس اللي نغليهم حتى وضحت لها ترا الواحد مو كل مناسبة يهدي مثل كذا او كل سنة !! مع اني مهدي ابوي مو شخص عادي ...
المشكلة تبدأ من هنا عندما قالت لي " لا نريد ان نبدأ حياتنا بمبالغات " هذا الكلمة خلتني اولع بعد ما قالت كيف شريتها و استنكرت من كلمتها وقلت وش تقصدين بكلمتك هذي اني كذاب ولا كيف .. قالت انا استفسر عن الموضوع قلت هذا مو استفسار هذا استفزاز لو انك قلتي مانبدا حياتنا بمبالغات في وقت ثاني كان تفهمت عليك مو تقولينها في نفس اللحظه اللي كنتي تسألين فيها عن هدية الوالد ومستنكره كيف اخذتها وو ... الخ وتختمينها بكلمة " مانبي نبدأ حياتنا بمبالغات "
ماعرفت تتكلم قلت لها اللي بيتفاخر بشي غير دينه واخلاقه هذا نقص في العقل ولا توقعت انك تشكين فيني اني شخص مبالغ خصوصاً اني كنت حريص عليك اكثر من نفسي ( ماحبيت اقولها وش حصلت منك ) هديه ماجبتي لي كلمة احبك ما قلتيها مع انتي رددت لها كلمة احبك " ليل نهار " !
فقمت استرتسل بالكلام وقالت انت ضخمت الموضوع اخليك تهدئء وقلت لا ما احب اكتم شي في قلبي وبديت اكمل بعض الكلام من كيف تشكين فيني وكأني اتباهى قدامك ! انتي خطيبتي مو وحده متعرف عليها من السوق كان نقول علاقة 5 شهور وسلام عليكم .. اللي بينا بيكون ابناء وقرابه ووو ... الخ وبعدين قلت تبين تبين توضحين شي قبل لا اطلع قالت لا تصبح على خير .
جلست يوم ما كلمتها ومن بكره كلمتها في الواتس واوضحت لها اني طلعت اللي في خاطري وانك ما قلتي وش اللي في خاطرك قالت انا قلت اللي في خاطري وانت هاجمتني قلت انا ما هاجمتك كانت ردة فعل اوضح لك بعض الاشياء مو معقولة يكون في بالك عني شي غير صحيح واسكت ما اوضحه لك .. خصوصاً اننا متفقين اي احد في خاطره على الثاني شي نتواجه ونتفاهم باللتي هي احسن ..
بعدها قلت لها الاعتذار ما ينزل من كرامة الواحد ومن شيم الاقوياء " الاعتذار " لذلك وش رايك كلنا نعتذر لبعض وننهي الموضوع لان خلاص انهينا نقاشه ! قالت اعتذر على ايش انا ماقلت شي الا اذا انت تشوف شي ثاني ! يوم شفتها كذا قلت في نفسي الرجل اقوى ومتزن دايم اكثر واكبر منها في السن بلطلف الموضوع ولازم الحياة يكون فيها تضحيات وو ... الخ قلت لها خلاص انا اعتذر ...
قالت لي انها متضايقه ومرهقه وتبي ترتاح وتنام قلت لها خلاص ما يحتاج تتضايقين انا اعتذرت قالت اعتذارك وصل وقالت افضل حل اننا ننسى الموضوع هذا هو نترك بعض لمدة يومين كل واحد يراجع نفسه !
قلت لها اوكي ولكن تفاجأت من بكره حصلت اخر ظهور لها في الواتس يوم اكلمها وهو شي مو من عادتها فاتصلت على جوالها حصلته يرن ! ارسلت لها SMS طمنيني فقط انك بخير شفت اخر ظهور لك امس خصوصاً انك عارفه ان الواتس هو الوسيلة الوحيدة اللي اطمن عليك فيها واعرف انك تواصلين يومك بشكل طبيعي ... ومع ذلك ماردت علي ..
جلست بعدها ساعتين واتصلت مره ثانيه ويرن وارسلت لها هذا المسج الاخير :
" من تغلى تخلا " وانا اخاف عليك من نفسي ان قلبي يقسى عليك ويكون المثل واقعي لان كل اللي طلبته كلمه انك بخير ترا انا ماشتمت ولا سبيت والموضوع وقفلناه واعتذرت لك ..
بعد ساعة ارسلت لي مسج " انا بخير "
واليوم كله الان مادخلت الواتس ولا ارسلت لها شي من امس بعد ما قالت " انا بخير " .
هل تنصحوني اثقل واسحب لحد ما يطيح اللي في راسها ولا وش رايكم ؟ هل هي متضايقه اني اخذت موقفه منها على كلامها ( بمعنى زعلت من نفسها اني شفت ردة فعلها وتفكيرها كذا ) ؟ وش تنصحوني بالخطوة القادمة وآسف على الاطاله لكنها ضرورية عشان يتضح الموضوع . واحد يحط نفسه مكاني هدايا ودلع وفي الاخير تقول مثل الكلمة هذي وعلى انها مو غلطانه وتسحب 3 ايام بالطريقة هذي !
24-07-2015, 09:40 PM
ضوابط المشاركة
العرض العادي
