السلام عليكم ورحمة الله
مدري من وين ابدأ لكن حياتي مع زوجي شبه متعبه وتصير بينا مشاكل كثيره مره احسه قريب مني ومره احسه بعيد عني كأني من اعدائه طبعا هوو كان بداية زواجنا حليم معاي ومو عصبي وبعد ماجبت اطفالي بدأ يميل للعصبيه ويتعذر بالظروف والديون وقل الماده وكنت صابره ومتحمله بسبيل اني احبه ايه كنت احبه والحين احس قل مقدار الحب والسبب منه .. ياما اهملني ياما خاني وعرفت وجرحني واسامحه وصار يستهين فيني ... عمري مارحت بيت اهلي وخليته عشاني زعلانه بالعكس كان هو يمكر لي يوديني بيت اهلي ويرميني بالاشهر ولايسأل واذا اتصلت مايرد ويقرأ كلامي بالواتس ويطنش طبعا هذا قبل سنه واكثر .... ماودي ادخل بمواضيع سابقه ابي اقولكم اخر مشكله بينا بس... زوجي كان عازم اخوياه وقمت انا طبخت له انواع كثيره وتعبت ويشهد علي ربي اني من الفجر اجهز الحلويات واذن وانا ماتسحرت ولا شربت المويه قلت لجل ابيض وجهه قدام اخوياه طبعا اجهز من الفجر عشان ما انضغط بالوقت وللاسف نوم نمت بس ثلاث ساعات وصحيت وكملت طبخ ونفخ والحمدلله طلع كل شي جميل وشكرني وارسل لي رساله يبي الجننسس طبعا انا كنت منهكه وتعبانه تعذرت منه وان يوم ثاني واعوضك وطبعا هو برا كان عند اخوياه والحين مصدعه انا اعذرني قال خير ان شاءالله وانتهى الموضوع جا بعد الفجز معصب ويصارخ علي وينافخ وانا ماسكه نفسي يشهد علي ربي مارفعت صوتي ويشهد علي ربي ماتلفظت بس ساكتهه وكلمه ورد غطاها ببرود قالي انتي منتي انثى انتي رجال تدرون ليش قالي رجال لانه يقول المفروض تجين تضميني تبوسين يدي يبي انا اذا شفته ابوسه اضمه طيب وانا ابي بعد اللي اعرفه الرجال هو يدلع زوجته الحمدلله انا جميله وانيقه ومهتمه بشكلي وهو عارف هالشي يقول بوسي يدي حبي راسي غسلي رجولي عايش زمان الجاريات انا بعد ابي من يهتم فيني ... وصار نقاش حاد من جهته هو مافيه كلمه سيئه ماقالها ويتهدد فيني ويتوعد ويقول بتزوج ومدري ايشش .. وقالي سكري على رجولك ماعاد ابي منك شي انتي اصلاااا ماتنفعين بشي .. انا انقهرت قلت مو هذا جزا المعروف متعبه نفسي واطبخ لك قال لاعاد تطبخين ولا ابي منك شي الله اكبر عاد قمت انا من العصبيه بطلع من الغرفه بروح الحمام مابي النقاش يكبر قالي تعالي تعالي تمشين وتخليني رجعت قلت خلاص حتى الحمام مابيه قالي يالله روحي قلت مابي خلاص وعطيته ظهري وقام هو يتقلب بعدين اخذ جواله وطلع تحت لاهله سكت ماقلت شي عارفه انه يخون وتصبرت واحتسبتها لله ... ونمت صحيت وجلست مع عيالي وانا مصدعه من قل نوم ومن قبلها ولدي تعبان نزله معويه بعدها عزيمة زوجي يعني كان اسبوع كامل متعب بالنسبه لي .. مر اليوم وانا بين اطفالي جاء هو وكنت حاطه قهوه وشاي وسلم عادي وانا رديت السلام وضمني قالي تعبانه قلت لا قال تبون شي وطلع لاخوياه ... مع العلم يطلع قبل الفطور يفطر مع اهله ثم يطلع لاخوياه بالاستراحه للفجر .. المهم طلع وانا جلست احوس بالشقه من ترتيب وتنظيف جا الفجر تاخر ما جا قلت براحته ماني متصله فيه اذا بغا يجي يجي وجا الساعه 9 ماكلمني ابد انسدح على السرير يتقلب يتقلب وكالعاده انا حاسه فيه ومسويه نفسي نايمه ثم اخذ جواله ونزل انا انقهرت مو لهدرجه ايش الذنب اللي سويته انا .. اتصلت فيه وقلت له ايش هالوضع وانا ماعاد اتحمل انت مايبين فيك شي انت كنت تقولي اللي مايحصل اليوم يحصل بكره واذا مامعانا اليوم معانا بكره ايش معنى ماتطبق هالكلامعلى نفسك ان ماصار الجنسسس اليوم يحصل بكره مو انت تقول تحبني مو عشان الجنسس ليش متناقض جلس يصارخ وينافخ فكيني انت مو ناقصك اللي عندي كافيني طبعا هذا عذره اذا يبي يتهرب وجلس يصارخ وقال جاي جاي واسمعه فتح باب المجلس بالمفتاح معناته كان قافل على نفسه اعرف انه يخون واعرفه اذا كان عنده شي لأنه راعي سوابق كان عنده جوال ايفون بالسياره وانا حاطلي نوكيا واكتشفته وسامحته وهذا اكبر غلط .. وجا فوق وكمل صراخ وهواش ويتهزا فيني طفح الكيل معاي وجلست ابكي وقلت بينا ربي قال ايه بالضبط خلاص لو انا اكلم وش بتسوين قلت اجل مالك حكم على قلبي لك الاحترام وقلبي مالك شغل فيه جلس يتهزا ويقولي نكديه واقسم بالله هو النكدي وصرت اكره الجلسه معاه استانس اذا طلع.. قلت له اسمع يا ابن الناس انا قادره اسوي مثلك واخون لانك مو مهتم فيني لكن انا ساكته واللي تسويه انت كل انسان قادر يسويه لكن فيه ناس تخاف ربهاا وطريق الحرام سهل بس فيه ناس تحط اله بعينهاا قال عارف عارف بتخونين خوني ورقتك توصلك قلت ماشي .. والحين مابي منك حب ولا اهتمام اصلا ماعاد احبك ابي منك احترام ماتحط يدك قدام وجهي وانت تتناقش معاي ماتصارخ وتقولي لاحول ولاقوة الا بالله ... احترمني انا الله كرمني وعزني قال انا نسيت انتي زوجي وانا زوحتك يقصد انت اتحكم فيه ويقولي انتي مزاجيه وتبيني على كيفك وتبين كل شي بكيفك ،،، وهذا الشي والله مو صحيح ... وقالي قبل فتره بيساقر كع خويه للهند عشان خويه عقيم لكن مادخل هالكلام مزاجي وسكت .. وطبعا نام هو وانا مانمت من البكي والقهر والعجز اللي فيني .... قام المغرب قلت له عندي موعد وقال طيب ووداني وهو بالطريق قلت له بعد الطبيب نزلني للسوق بشتري للعيد قال ليه وين بتعيدين قلت طبعا عند اهلي قلتها بعفويه قال بعد تقولين طبعا لاتخليني احلف ماتعيدين عندهم قلت مو مشكله لو بعيد هنا بالشارع خلاص بس فكني من المشاكل وشرك قال بكره يمكن اسافر مع خويي قلت ليش قال عندي شغل قلت انت مو مضبوط وانا تعبت معاك قام قالي انتي تبين تحكميني انتي تبين تربطيني بمزاجي اسافر مالك شغل بروح مع خويي يجيب سيارته مع العلم خويه هذا تاجر ومتزوج ومطلق ومتزوج ثانيه والحين ملك على الثالثه ومن تعرف عليه زوجي وزوجي صاير عصبي ولا يطاق والرجال هذا شاري لزوجي سياره انا ما اعرف شالسر يقول خويي وشرالي سياره ومسلف زوجي مليون انا حاسه فيه شي مو طبيعي بس ايش هو مدري ؟؟ طبعا سلف زوجي مليون وزوجي ماسدد ديونه راح شرا ارض ... وطبعا يوم شفته كذا يصارخ وينافخ قلت له انا بعد بمنافخ خلاص انتهى النقاشش الحوار معاك عقيم وانا ماتفرق معاي تساوت عندي واحنا مانصلح لبعض تحملتك لين قلت بس قال مانصلح لبعض اجل خلاص سكري الموضوع واذا وديتك لاهلك اجلسي مع نفسك وشوفي ايش تبين واتصلي فيني وقولي اللي تبين بكلمتين قلت هذا اذا لقيت مني اتصال ونزلني للمستشفى وراح .. الحين مو عارفه ايش اسوي هل اروح لاهلي واطلب الطلاق لاني ماعاد اتحمل او اسكت واجلس بشقتي واشوف ايش اخرتها معاه ؟؟ انا ابي احس بحياتي رجال ابي احس بحياتي شخص يخاف علي والله لو يطلب عيوني اعطيه بس ذاك اليوم تعبانه وفهمته مو راضي يفهم ماني مكينه يابشر ...!.. ومشكلته بعد هو مع اخر شي مهما امتعه ويستانس وبس تمر الايام يقولي انتي ماسويتي لي شي ... انصحوني جزاكم الله خير عندي منه 3 اطفال عمري 26 وهو عنزه 34... وصح انا فيني طبع بس اركض وراه واتصل فيه وافقده وهو لااا ،،؟؟ وكنت اساله متى تجي وينك ايش تسوي .. وجت فتره شكيت انه متزوج مسيار وسمعت باذني صوت الكعب عنده وانكر وقال هاذي جزمتي وانتم بكرامه وطوفت ولقين بجواله الثاني مصور جسمه وحقه للبنت ،، ومرسل لاخوياه صور بنت ... واشياء كثيره يكلمهم كانهم زوجاته ويعتذر لوحده من غير سبب قالت له بتويتر اعتذر لي قال ليش وشو سويت قالت ماسويت شي بس اذا ما اعتذرت لي بالعام ماراح اكلمك وكتب بالعام اسف سامحيني .. ولقيت له بعد مره مسدد قسط جامعه لبنت وواجته وانكر قال صوره واصلتني ماسددت.. انا الحمدلله عندي معاش وعازه نفسي وما اطلب منه وان طلبت ماينفذ بسرعه يجلسني شهور بعدين ينفذ.. مرات احسه قريب مني وحنون ومرات يقلب علي واذا حسيته حنون عرفت او شكيت انه متزاعل معاها ويبي يضيع وقته معي واذا رحت لاهلي انا اتواصل معاه مايقولي مشتاق اذا قلت انا مشتاقه يقولي حتى انا ويبذأ يتكلم بالجنسسسس واتكلم معاه وينبسط ... واذا جيت من اهلي مايهتم .. تعبت من تقلباته ... ساعدوني ايش اسوي معااه من اليوم .. جزاكم الله خير

واضح انك مكتومه
الله يفرج همك حبيبتي
انتبهي لصحتك مهما صار لا تشيلين في نفسك محد يستاهل

بصراحة انا بحكم لك علي ما سمعتة من طرفك
لا نعلم عن ما يراة زوجك فيك ولكن حسب ماكتبتي
انتي انسانة رائعة وتبحثين عن الا ستقرار الا سري وتحبين زوجك
ترغبين بوجودة بجانك وهذا حق لك خيانته ربما
هي الفتيل الاولي للمشكلة وتعانين من جرح عميق
بداخلك.. انتي من يقيم البقى مع هذا الزوج من عدمة
ولا تنسى اختي العزيز ما يخلفة الطلاق من شتات وضياع
للابناء وكونك تحبينة سوفا تتعبين نفسيا علي فراقة
ولكن اقترح عليك طالما جميع الحلول معة لم تعطي نتائج
عند زياراتك لهلك تحدثي مع والدك او اخوك الكبير
يتحدث معة بلغة العقل والمنطق و الالصلاح وليس بلغة التعاطف بين
طرف دون الاخر وعسى الله يهدية ويسخرة لك
ولاتنسى الدعاء لة بالهداية واكثري الاستغفار وقراءة
سورة البقرة

اهلا وسهلا يااختي وحياك الله
بيضهر لي من موضوعك انك امرأة صبوره وعارفه حقوقك وحدودك وبتحبين زوجك
ويضهر لي ايضا ان زوجك يحبك بس مكابر وكأنك عودتيه على شي وقطعتيه عليه
ذكرتي انك من بداية زواجكم عودتيه على السؤال والمتابعه ومهتمه فيه واستمريتو على هالحال طبعا راح يتولد عنده احساس انه مش مقصر معك وانه بيقوم بالواجب معك وانك مبسوطه منه وهذا ماحصل معك تقريبا
استمريتي باغراقه بسيل حنانك وحبك اتغيرت حياتكم فجأه وبدئت سائلة الموده والحب بينكم بالجفاف والتي اساسا تنبع منك
ذكرتي ان زوجك بدء يخونك وهنا كانت النقطه التي غيرت مجرى الامور وبدئت تفقدين ثقتك بزوجك واهتزت كل الروابط بينكم وطبعا المتأثر الكبير بالموضوع هو زوجك الي عودتيه فهل اننت متأكده من خيانة زوجك لك ام انها مجرد شكوك
اذا كانت مجرد شكوك فانتي مثل الذي شيد قصر عضيم وقام بهدمه
اما اذا كنتي متأكدة من خيانة زوجك لكي وصابره هذا الصبر فاحب اقلك انك تستاهلين الي بيحصلك لانك متهاونه وردود فعلك بارده ولازم تشدي على زوجك في الموضوع وابدئي بجمع الادله على زوجك واذهبي لبيت اهلك وراسليه وخليه يفهم ان سبب ذهابك بيت اهلك هو الخيانه ولو كابر ارسلي له دليل بسيط وبكل برائه
المهم اهلك مايعرفون بان سبب زعلك الخيانه جيبي لهم اي عذر واتحكمي بالامور وشمس تشرق وخبر يأتي

__________________
تمنيت حبـاً يدوم طويـلاً .. فـدام الحب وَ رحل الحبيب.

اختي واضح انك شايله عليه كثير والضغط يولد الانفجار
ليتك خذتي موقف من اول خيانة عرفتي فيها عشان ما يتمادى
وترى مو كل الرجال تصلح معهم المواجهه انتي واجهتيه بسالفة قسط البنت
وممكن يكون فعلا صادق
اذا واجهتيه بشي لازم تكونين متأكدة 100٪ ومعك دليل
ولازم تحسبين حساب للخطوة اللي بعدها يعني بعد المواجهه وش بتسوين
أنصحك تبعدين فكرة الطلاق لانك الآن معصبه منه
الحل بيدك انتي شوفي نقطة ضعف زوجك ايش واستغليها
مثلا هل بتأثر فيه روحتك لبيت أهلك ؟! (ولو رحتي لا تكلمينه خليه هو اللي يسأل)
او وجودك بالبيت وتطنيشه ؟!

اختي الكريمة
عجبي لك وانت تقومي بالطبخ والنفخ له ولزملائه وهذا انت لست ملزمة فيه وعندما داعك للفراش ابيت وربما تكوني متعبة ولكن ألا تعلمين حديث رسولنا الكريم "إذا دعا الرجل إمراته فراشه فأبت أن تجيء لعنتها الملائكة حتى تصبح " هذا حقه في الفراش امتنعت عنه وهو ليس من حقك الامتناع اذا كنت تخاف الله وتتقيه وعجبي وانت تعلمين انه خائن يعني يبحث عن الجنس وتعطيه فرصة برفضك ليبحث عن البديل عنك وربما يصيبه عزوف عنك لانك جرحته وهو راغب فيك
ليتك اعتذرت عن مراسيم هذه العزيمة التي اخذت من وقتك وجهدك الكثير ونفذت طلبه عندما دعاك للفراش
اما غضبه فهو واضح انه لا يستطيع الصبر عن الجماع لذلك غضب واشتط غضبه وربما لا يرغب بالحرام فانت قذفته برفضك فاخذ يلوم نفسه لذلك اصبح يردد انت لست انثي لانك لم تسألي عنه عندما دعاك
اخيتي لا تهدمي بيتك ولا تفكري بطلاق نهائيا مشكلتك بسيطة
حاولي ان تتقربي منه وتوددي له وأمر الفراش السمع والطاعة حتى لو كنت تعبانه ولك الأجر من الله فانت تصبري ولكن الرجل لا يستطيع الصبر ولا تكلفي نفسك فوق طاقته بالطبخ والنفخ لزملائه فزوجك وأبناءك أولى من كل ذلك والزمي بيتك وعيدي عنده اذا احب ذلك
اما خيانته لا تجعل له مبرر في امر الخيانة لبراء ذمتك امام الله وإمام نفسك حتى اذا كرر الخيانة يستطيع التحدث معه ولا تلومي نفسك

لحظة لحظة مصور جسمه ؟؟؟؟؟!!!!!
كل شي مشيته الا هذا تاكدي وش العلاقات الي بين البنات و زوجك
ماابي احط بذمتي بس لازم تتاكدين عشان مايجيك امراض

__________________
استغفر الله وأتوب إليه

الله يعينك اكثري من الاذكار و الدعاء الى الله
الله يسخره لك