وجود الاطفال اكبر عائق للتنظيف اللي يلق
الاهتمام بهم ورعايتهم وطبخ الاكل لهم وبعدها اطعامهم
خصوصا اللي بعمر من 3 سنوات فاقل
هذولا رابطي عندهم لحد مايخلصون اكل وبعدها غسلي لهم ونظفي لبسهم ونظفي المكان بعدهم
هذا غير وقفة المطبخ ساعه علشان اعداد الاكل
انا شخصيا اشوف الاطفال متعبين ..
يعني بعد ماخلص اكل ارجع للمطبخ وامسح وارتب واسبع المواعين طبعا خلال فترة تنظيفي كل شوي بنتي تدق علي باب المطبخ
ماما شوفي فلانه ام 3 سنوات فتحت موية المغسله وتلعب بالماء
ماما شوفي فلانه تضربني باللعبه على راسي
ماما شوفي فلانه تمعط شعري
ماما شوفي فلانه سحبت الكرسي الصغير وصعدت فوق التسريحه اللي بغرفتنا
وبدل مايكون تنظيف المطبخ خلال نص ساعه اجلس فيه ساعه كامله
وبعد ماطلع من المطبخ القى حفلة بالصاله
ياتكون الالعاب كلها مرميه بالارض
يايكونون ساحبين كنب الصاله
يا يكونون مجدعين مخدات الكنب اللي بالصاله وحايسين الاشياء اللي رافعتها عنهم
يالقى شخاميط على الارض ومهما شلت الاقلام عنهم الاقيهم اخذين مثلا قلم من شنطتي او المكتبه
ويروح وقتي انظف وراهم
ومهما كلمتهم او وبختهم او شجعتهم يتعدلون شوي ويرجعون لنفس الموال لانهم مهما كان اطفال
فانا اقول اللي عندها اطفال ياخذ من مجهودها الشئ الكثير وخصوصا لو كانت موظفه ولا عندها شغاله واطفالها صغار مثلي وزوج مايفكر ابد بالمساعده
24-06-2015, 02:06 PM
ضوابط المشاركة
العرض العادي
