اخي العزيز زوج ولكن

بالنسبة لي الان اامل نفسي بحور العين انشاء الله

بصراحة مليت حتى رفعت الراية البيضاء علشان الاطفال

والله مع الصابرين

فكرت بالانفصال لكن تراجعت

أخي الكريم :

أنا لا ألومك أبداً وأعتقد أن لزوجتك أسباب ودوافع للقيام بهذه التصرفات .


وأرجوا منك أن تأخذ زوجتك بتأني وأن تخاطبها وأن تخترق أعماقها بهدوء وحب وأن تحسسها بالأمان والأطمئنان محاولتاً منك لكسبها ومعرفة اسبابها .

ولكن أطلب منك قبل ذلك :

* الصبر مفتاح الفرج .

* معرفة الأسباب هي نصف الإجابة .

* التفاهم والإدراك بوعي تام والتفهم .

*البعد عن العصبية والتعصب .

* البعد عن اليأس وأن تلح في هدفك وعدم فقدان الأمل لاي سبب كان .

*الصدق والصراحة .




الله الموفق

السلام عليكم ورحمة الله و بركاته :

أقول يا أخي الله يصلح لك زوجتك و حنن قلبها عليك

ما فيه شي لو انت اللي تعتذر تراني من يوم زواجي الى الآن وانا اعتذر له كل مازعلني و اذا زعلته – وهذا قليل- اعتذر له و اقدم تنازلات و هذا ماهو عيب لانه السفينه ماتمشي الا بان كل واحد من الزوجين ينزل درجه و يصعد درجه علشان يلتقو في نقطه واحده هي نقطة التفاهم .

لكن ارى انك تنظر للموضوع انك رجل مو لازم تقدم اعتذار او تنازل لها , ليه انت تتنازل عن شي يخص دينك اذا كان كذا نقولك وقفها عند حدها ماتتنازل مهما يكن
اما شي يخصك يااخي انظر لها من باب المعاشره بالمعروف و الصبر على البلاء و هي مجرد ايام نقضيها في الدنيا ثم عن قريب نغادرها..... و مادام انها تخاف ربها اصبر عليها ....هل تنازلك يؤدي الى معصيتك و النشوز عليك اذا لا يا اخي ما فيها شي تنازل شوي علشان تمشي المركب . .

و لاتنسى الغربه الوحده تكون جديده على الحياة الزوجيه يعني مابدت ترتب حياتها يبغالها صبر و طولت بال
وانا انصحك تبدا مع زوجتك تعزز فيها الجانب الديني لان هذا الحل لمشاكلك

اولا : اخرج المنكرات من بيتك- اساس كل بلاء .

ثانيا : اجعل ماكلك و مشربك حلال-لتجب دعوتك .

ثالثا : بر والديك و اطلب منهما الدعاء بالتوفيق و الصلاح .

رابعا : عد الى ربك بالتوبة و العبادة و الدعاء في الثلث الاخير من الليل – و هذا علاج انا اتبعه ناجع باذن الله –

خامسا : ابد مع زوجتك من ناحيه دينيه موتعطيها شريط و تقلها اسمعي اسمع انت الشريط ولخص لها قل سمعت كذا وكذا , تابعها, هل تصلى الصلاة على وقتها.... مانقول عنفها ولكن باسلوب التودد يعني مثلا ياحياتي اليوم دعيتلك كذا و كذا وش دعيتيلي.... صليت اليوم السنه صليت الوتر مثلا .... انا اعرف بتقلك شغل البيت ما خلاني قلها اساعدك مثلا و حاولي.... وهكذا .
تابع حجابها هل هو اسلامي...... ابحث لها عن جارات او صديقات صالحات يساعدنها على تحمل الغربه و البعد- ترى هذا مهم لان المراة تحتاج لغيرها من جنسها ليكون هناك من تفرغ عنده مشاكلها فهذا يخفف عنها تستفيد من خبرتها .
و مادمت قلت ان ابوها صالح فتاكد انه يسهل عليك نصحها لوجود عامل التربيه الاسلاميه .

سادسا : اجلس معها في جلسة حب و روقه و قلها بود انك تتضايق من اعتذارك نيابة عنها و حاول تتقرب منها لتعرف ماعندها فقد تكون لديها اسباب لاتعرفها .

سابعا : حاول دائما الاستماع اليها و خاصة عندما تشتكي فالاستماع مهم وصحي لها حتى وان لم تحل المشكله لكن يكفيها انك تركتا تفضفض .

و نقول اهم شي الصبر


و سلامتك و الله يوفقك

اخواني واخواتي

عن جد هونتو علي همي وغربتي الي كانت غربتين بسبب زوجتي.الله يهون عليكم كل صعب .من اعماق قلبي اشكر كل من اقتطف من وقته دقائق معدوده اهتم فيها بمشاكل غيره ,يمكن كان اصعب شي علي انا احس اني اعاني لوحدي ولا احد يفهمنى او يهون علي امري
ما اقول الا وفقكم الله ورزقكم الذريه الصالحه

اخوي نديم القمر الله يعينك ولكن من شاف مصيبة غيره هانت عليه مصيبته
اذا كانت مشكلتك زوجتك بس فانا بين زوجتي ودراستي والغربه وغلاء المعيشه ولكن ما اقول الا الحمد لله علي كل حال وارجع اشكر كل من قرا او شارك في هالموضوع