انا جامعية بس انتساب
يعني اغلب وقتي متفرغة لكن بادن الله

ماعندك سوالف

طبيعي ماراح تصير لك احداث اذا ماعندك شغلة ولانشاطات

فكري بمنحى اخر.. حطي نفسك بمكانه وتكلمي بلسانه

وش ابي اجلس مع وحدة نكدية ماعندها غيري وايش سويت ووين رحت كني بتحقيق او كنه واجب علي انغصب اتكلم؟

تنتقد وتدقق وتشيل وتحط

خلي هو من نفسه يجي يحاكيك ويدور قعدتك ويفرغ من وقته عشانك

باسلوبك الحالي.. حتى لو تكلم وجلس معاك وهو يتغصب مجاملة لك ماراح ترتاحين

لك انتي وعشانك.. انشغلي

واذا تقدرين انتظمي بالجامعة

مااقدر انتظم بالجامعة

قرار الغاء شخصيتك يخصك وحده
يعني مافي احد يحق له يقرر شي عنك بدون موافقتك
اقرئي واسمعي بمجال تطوير وتقدر الذات

أهلين مهتمه بنفسي بالأول بعلق على العنوان مثل ماقالت اختي عذارى إنتِ بقرارك تلغين شخصيتك أو تحافظين عليها مو غلطة زوجك !
إذا طبيعة زوجك مثل ماقلتِ شمالية الشمالي قاعدة اخذيها ( التغافل معاه سيد الموقف )
اصلا مايحب الوحدة تملي عليه مايفعل يعتبرها أوامر وممكن هنا يزيد ويعقدها .. ولا يحب الوحدة النكدية دموع وعتابات وشرهات في الطالعه والنازله

إذا انتِ شخصيتك معاكسه له (جنوبيه) فالله يعينك 😄 بس حاولي تغيرين من نفسك ..

ونصيحة الشمالي يكره الملاحقة وكأن الحياة متوقفه عليه بحيث (ماتعطينه مساحة هو يجيك) لأنه بطبيعته اصلا يحب اللغز ك يلحق ورا فريسته ويتحدى نفسه والعالم إن يكسبها يحب هو يكتشفها لكن يتفاجأ إن الجنوبية ماتعطيه مجال !! (أنا أحبك أنا اموت فيك ليه ماتعطيني كلام حلو ليه أنت قاسي ليه ماتحبني......إلخ)

لذلك غيري من نفسك علشانك انتِ علشان راحتك علشان تكوني قوية ودموعك غالية ومانتي نكدية لأنه اصلا بتتعبي لو بتلاحقيه ماراح ينفعك مع هالنوعيه من الشخصيه

لما تنشغلي بحالك هو بيجيك 👌


اتمنى لك حياة سعيدة 💝

__________________

يعطيكم الف عافية

السلام عليكم ورحمة الله وبركاته ,,,
ليس زوجكِ من يُلغي شخصيتك بل أنتِ بأفعالك مع ذاتك ..
اعلمي جيداً كلما وضعت لكِ أهداف أخرى نظرتك وعلاقتك مع زوجك ستتغير كلياً وسيأتي هو من يبحث عنك ..
ونظرتكِ ستكون متزنة أكثر عقلانية دون اندفاع عاطفي ..
إذا الجامعة انتساب انشغلي بأهداف ثانية قريبة تخصصك حتى لو عن بعد ،
لاشيء يأتي بالفرض ولو أتى الشيء بالفرض يكون لاقيمة له ،وفقكِ الله .

يعطيكم العافية
حاليا علاقتنا اتزنت اكتر اشجعه واعطيه دافع للعمل وبمقابل صار يجلس وقت اطول يعبر عن اللي بداخله افضل من السابق


جاء بلحظة فهمته انا احبه وابي حياتنا تبني على تفاهم وحب بدون صراخ وكلام جارح
وانه انا اتفهم وضعه مع اهله وخلاص حتى اطفي جانب اهله وربي ييسر للجميع