ولدي عمره 4 شهور واسبوعين ولسه مني عارفه كيف ارتب نومه ينام الصباح تحت عيونه سواد مدري من جد هو السواد ولا يتهيأ لي قرأت على نهاية الثالث يتعدل نوم الصغار بس ولدي مازال ماينام الليل وينام النهار ساعدوني كيف انظم نومه هو ينام على فترات في النهار كل غفوة نص ساعة يأخذ من ثلاث الى اربع غفوات وفي النهار ينام 10 او 9 ساعات يصحى يرضع كل ساعتين اوثلاث يرضع ويرجع ينام ابغى خطوات امشي عليها.
جزاكم الله خير

وعليكم السلام ورحمة الله وبركاته ,,,
وقت النهار افتحي الرباط عنه والعبي بإيده وهكذا شيء فشيء وابدئي خذيه للغرفة عالساعة التاسعة أو العاشرة وأطفئ الإضاءة وخلي واحد خفيف نوره وجهزي له حليب وفيه أعشاب تأتي على شكل أكياس مخلوط عن يانسون ووو مهدئة ورضعيه وهو بحضنك اقرئي قرآءن ..
وقبله دلكي جسمه بزيت جونسون حق الليل ..
لا تقلقي أغلب الأطفال هكذا وليس سواد عندما يكبر ملامحه ستصير أجمل وتذهب هذه العلامات ..
الله يجعله من حفظة كتابه الكريم وأئمة الحرم ..

كما قالت اختي سقيا ،،
بناتي الثنتين من يبتدوا يدخلوا الرابع اقدر اسيطر عليهم قليل وانظم نومهم ... اهم امر هو وقت نومك انتي نظميه يعني لاتحس انك تسهري لانها راح تسهر ! دائما اللمبة بالليل مغلقه وبالصباح تكون الستارة مفتوحة لحتى تحس بفرق الصباح والليل ... بالصباح لاعبيها ولازم تشوفك قاعدة مش نايمة ،، اذا تنام خليها لساعه ساعتين وبعدها خليها تقعد ( مع اني ما احب هالطريقه ولكن البداية فقط بتحتاجيها ) وبعدها يومين ثلاث بروحها بيتغير نظامها ...

بنتي الاولى تعودت على نوم الليل من الشهر الرابع والسبب انها تشوفنا كلنا ننام بهالتوقيت فكانت حتى لو شبعانه نووم ترد تنام ! وتضبطت نومه الصباح .. كنت قد ما اقدر الاعبها واخليها تركز معاي وطبعا الوجبة الدسمة تكون من نصيب الليل عشان اضمن انها تنام فترة اطول وتتعود ..

حتى وان جلست لك نص الليل لاتشغلي اللمبة فقط ابجورة ضوءها خفيف ،، وحاولي ترضعيها لحتى تنام وان جلست تلعب خليها بروحها وبيني لها نومك وان صاحت ارضعيها وبتشوفيها شوي شوي تنام ...

ان شاء الله بس هو ماينام الا الصباح على الساعة 6 يعني افتح الستاير واقعده من نومه حتى لو ماشبع عشان ينام الليل ؟؟

السلام عليكم ورحمة الله وبركاته,,,
مرحبا أزهار عشان النهار طويل هذه الفترة صحيه الساعة 8 أو 9 وافتحي الستائر وخلي الشمس تدخل الغرفة،
وافتحي الرباط عنه و ابدئي بملاعبته ولا يكون كله بنفس غرفة النوم بل غيري المكان.

انا ام جديدة وولدي ان شاءالله كم يوم ويدخل شهره الرابع

انا ولدي على الساعه 10 او 11 الليل خلاص يبدأ ينعس وينام
واذا مانام يبدأ يمسك شر وبكى

عودته انه ينام في الليل وطبعا يصحى بعد كل 3 او 4 ساعات عشان يرضع
وبعض الاحيان يسحبها نوم للفجر

يصحى يرضع واغير له حفاضته وارجع انيمه مره ثانيه
لحد الساعه 11 او 12 الظهر يبدأ هو من نفسه يصحى ويفوق وخلاص ماينام بعدها
الا بعد ساعه او ساعتين من صحيانه او بعد ما اروشه
ياخذ القيلولة

عشان تنظمي نومه لازم تعلميه الفرق بين الليل والنهار
وقت النوم بالذات في الليل لازم تسويله طقوس النوم
في بعضهم يروشو اطفالهم قبل مايناموا
وتدهنيه وتلبسيه بربتوز بيجامة النوم وتاخذيه للغرفة طبعا وترضعيه
خلي الاضاءة خافتة ، اقري قران ، خلي عندك كلمات معينة للنوم تقوليها لطفلك
كل يوم كرريها ( اشش يلا حبيبي وقت النوم ، تنشدي له انشودة وكذا يعني
ولا تتكلمي معاه وقت النوم

وفي الصباح طبعا تفتحي الستاير تفتحي الانوار ، عكس الليل طبعا
تلعبي معاه وتناغي معاه وتكلميه وكدا