*السلام عليكم ورحمة الله وبركاته * * * * *
حبيت اطرح مشكلتي بهذا المنتدى الراقي جدا جدا انا *ويمكن ماتكون مشكلة كبيره ولاكنها متلفه للاعصاب انا متزوجه تقريبا من ثمانية شهور زوجي طبعه غريب عجيب يعني هو طيب وحبيب وكريم ومرح *بس مشكلته فوضوي الى ابعد حد ماعنده اهتمام بالوقت نهائي تجيه افكار فجأه *وبدون اي مقدمات ويغيرها بأقل من الثانيه عمره ماقال ابسوي الشي هذا وسواه لا على طول يغيره ويسوي شي ثاني هو مو متردد بس تقدرون تقولون مايثبت على كلام دايم يحرجني مع الناس دايم يحطني في مواقف غبيه حتى اهلي الحين صاروا مايثقون فينا الناس كلهم مايثقون فينا يعني نقولهم مثلا بكره جايينكم او رايحين المكان الفلاني يقولون *عادي انتم ماينوخذ على كلامكم *يعني مثلا يقول لاهله او اهلي ان شاء الله نبي نزوركم الاسبوع هذا ونكون مجهزين انفسنا على كذا قبل السفره بشوي يقول شكلنا ماراح نروح عندي شغل بالمكان الفلاني او يمكن اروح لوحدي او وش رايك نأجلها مره ثانيه او.. او او .... واخر شي مايسوي ولا وحده من الي قال احيانا اكون مجهزه الاكل على السفره وهو يشوفني يجي بعد شوي يقول ليتك ماجهزتيه الان عندي شغله بس ماعليه اروح سريع واجي ويروح فجأه يدق علي يقول الظاهر ابتأخر خلاص كولي انتي هذي الحركه يكررها كثير شبه يومي وكل يوم نتهاوش على هالنقطه حتى صرت اكره اكل معه على اني بنفس الوقت ماحب اكل لوحدي لاني ماتعودت انا متعوده على النظام عند اهلي الاكل بوقته وكلنا نكون مجتمعين *حتى الي ماله نفس لازم يشارك لاكن زوجي غير وهذي تعتبر ولاشي عند اشياء ثانيه احيانا يكون عازم ضيف قبل مايجي الضيف بثواني يقول يمديني على المكان الفلاني اقوله الناس مابقى شي ويوصولون يقول مابطي *ويروح فاجلس على اعصابي *اكل بنفسي اذا جو الضيوف من بيستقبلهم وراح ننحرج معهم خصوصاً اذا كانوا رجال وفعلن يجون الضيوف *وتصير بوجهي مو انه قاصد مايستقبلهم بس مدري كيف *فوضوي عباله بيروح يخلص الشغل الي مدري من وين طلع ويبي يلحق على الضيوف بوقت واحد مدري كيف *يفكر لا وكله كوم وحركت اذا طلعتله سفرة للشغل فجائيه انا هنا تصيبني حاله *عصبيه لان الموضوع هذا بحد ذاته يدخلني بحالة شد اعصاب اسبوع كامل فبحكم انا بمدينه لوحدنا ماعندي لا اهله ولا اهلي يبداء يعرض الحلول واحد مدري هل انا اخليك لوحدك وكلها ليله وارجع او اقولك لا ادق على واحد من خوانك يجي يجلس عندك او لا امكن عندهم شغل ونتفشل معهم او انا اوديك اهلك وارجع اسافر. ونجلس *يوم كامل نعيد بهالخيرات ولانستقر ولا على واحد ويمكن بهالفتره اكون متصله باخوني ويقولون خلاص احنا جايينك وهو يسمعني بعدين يقول اقولك قوليلهم خلاص انا اوصلك لهلك فانروح احيانا نرجع من نص الطريق يقول خلاص استخرت مو لازم اروح اكلف احد زملائي بالعمل ينوب عني طيب ليه من قبل ماسويت كذا بدال حرق الاعصاب والتوتر الي تعيشني اياه وتعيش حتى اهلي واخواني معي وكاالعاده لا اخذ منه لاحق ولا باطل ويرجع يكرر نفس الحركه بسيناريو ثاني هذا من غير احراجاتي المتكرره عند اهله فمثلا يكون طالع مكان يجي يقولي انا رايح المكان الفلاني فاحيانا يسألني ابو زوجي عنه او امه فاقول انه رايح لذاك المكان فجأه تنط وحده من اخواته تقول لامن قال انه راح هناك العيال شايفينه بمكان ثاني انا هنا اسكت او اقول ايه يمكن طلعله مشوار ضروري *يعني امشي لنفسي ودايما اسمع كلمة سبحان الله في زوجه ماتدري وين يروح زوجها مع نظرات وضحك احياناً بس انا اطنش لان انا اصلن مايهمني اعرف وين رايح اهم شي يجيبلي حاجتي اذا وصيته عليها ويوديني المكان الي اطلبه خصوصاً اذا كنا بزياره عند اهله لاكن بنفس الوقت اكره اكون كذابه بسببه لان للاسف بعضهم فكر كذا وانا الحمد لله اكره الصفه هذي كره العمى وياما تناقشنا وياما تزاعلنا بسب هذي الحركه ولاكن مافيه اي تغير من ناحيته والمشكله انه يعترف انه انسان فوضوي وان هذي حياته وانه يحس نفسه حر بتصرفاته وعنده فلسفه غريبه عجيبه ويقول انه يسمى بالطبق الطائر*
وانا اقوله هذا اول *يوم كنت مسؤول عن نفسك فقط انت الحين مسؤول مني * لاتخرجني خارج حساباتك بس لاحياة لمن تنادي احس اني خلاص عجزت اتأقلم على الوضع هذا واليوم فجرتها بوجهه وصارت مشكلة كبيره واحراجني احراج كبير مع ابوه لاكن انا خلاص انا قلتله اني ماراح اقدر اكمل معك على حساب نفسي واعصابي يمكن اقدر اصبر سنه سنتين بس خمس عشر عشرين مستحيل وهو قال تقبليني كذا انا كذا ماتقبليني انتي حره وانا فعلاً حره لاكني جيت هنا بستشير اهل الحكمه لعلي اجد عندهم حل استطيع به تغيير وضعه او حتى وضعي انا واقدر اتأقلم على العيش معه*
تم تغيير العنوان ليتناسب مع المضمون
30-03-2015, 08:48 PM
ضوابط المشاركة
العرض العادي
