أخواني واخواتي الكرآم

لجئت لكم هنا طلبآ بالمشوره لأني حائره بأمري

انا متزوجه من 3 سنين وعندي ولد انا والحمدلله من بدايه زواجي وانا قائمه بواجباتي على اكمل وجه لاكن فقط مؤخرا صرت اتجاهل بعض واجباتي من ايقاظ زوجي للدوام او تجهيز الفطور له وهذا ليس تقصير مني بل اصبحت اتعمد الشي هذا لاني مليت من عدم تقدير زوجي بي على مر السنتين الاولى اطلب منه اهتمامه اللي حرمني منه مر وقت طوويل ماشفت منه رساله رومنسيه يذكرني فيها ولا ورده اخر مره شفت الورده قبل سنه او سنتين ماعاد اتذكر وحتى طلعه معاه للمطعم يمكن تشوفون شي تافه بس عندي شي كبير انه يفرغ نفسه عشان نطلع سوا لمطعم هالشي كمان يتجاهله وقلت له عن اهماله بحاجات كثير وتكلمت بأكثر من طريقه وماكان عنده رد مقنع يمكن تقولون انه مايعرف يقول كلام حلو بس كنت اشوف كلامه الحلو واشعار حب يكتبها بالتويتر ويبخل علي بنسخ ولصق يرضيني فيها ويشعرني اني انسانه تمتلك قلبه بس للأسف زوجي يتجاهل بتعمد منه مشاعري ويبخل علي بعواطفه مريت السنه وانا مثله ببروده مشاعري وقلبي بدأ يبين اثر اهماله فيها صار مايأثر علي زعله او رضاه وهذا اللي جناه بيده هوا لاكن كنت اتمنى انه يرضيني ماديا ولاني انثى اتمنى مثل كل الزوجات زوج يغدق علي بالهدايا واطقم ذهب بس لانه الهديه تجي مره بالسنه الحمدلله هذا يكفيني لاكن يقصر علي بمصروف ناسي اني مثل كل الزوجات عندي احتياجات وكمان ولده عنده متطلبات تكلمت معه بهدوء اوضح الشي هذا ويتجاهل بينت له اني اشوف نفسي أقل من غيري صرت انتظر التخفيضات حتى اشتري ملابس لي ولأبني مع انه بأمكانه يعطيني شي يكفيني ويكفي ابنه طلبت منه 2000 مصروف شامل كل احتياجات من لبس وحتى ولدي معي ماعجبته الفكره ابدا يبغاني كل ماحتجت ارجع اطلب منه ولازم يعرف لايش ابغى الفلوس وعلى ايش باصرفها صار يعطيني 1000 اشتري لي وبقيه الفلوس تروح على احتياجات ولدي وصار مايبقى لي حاجه اشتري لنفسي عطر حتى المشكله اللي حصلت قبل يومين اني راح اسافر مع اهلي للشرقيه وبحكم ان كل عايلتنا مجتمعين ومناسباتنا بتكون يوميا طلبت 2000 اشتري فيها كل حاجه لي ولأبني ووضحت له اني محتاجتها فعلا وهو مصدر دخلي الوحيد وبهدوء لاكن رفض وتجاهل حتى كلامي وانا بسبب تصرفه اهملت كل حاجه بعد كذا ماعملت له عشاء ولا فطور له والشي هذا زاد بعصبيته مني وحتى عند السفر ما اعطاني ريال واحد اهاني وحسنني برخص نفسي وانا اطلب حق من حقوقي وكانه هذا شي يتفضل فيه علي تركني وابنه ماعنده بامبرز حتى الله يكرمكم ورحت مع اهلي للسفر وانا مكسور خاطري من تصرفه معي بالشكل هذا لاني كنت اتوقع افضل منه لاني فعلا كنت ما اقصر معاه صارت امي تصرف علي رغم اني انا المفروض اعطيها ما ادري حاليا ايش التصرف اللي لازم اتخذه انا كل اللي اعرفه ان فعلا زعلانه منه لانه رخصني كثيير كيف خلاني اسافر بملابس الكل شافها وقديمه عندي ومناسباتنا يوميا بتقولون حالته الماديه ماتسمح لا عنده الحمدلله راتب يكفي ويزيد تقريبا راتبه 14 الف انتظر ردودكم





تم تغيير العنوان ليتناسب مع المضمون

الف ماتكفيكي =/
ربي يسعده احسه ماقصر معاكي

اخي الكريم راعي ان 1000 ماتجي كل شهر تجي كل بعد شهرين او ثلاث شهور يعني احتياجاتي المتراكمه خلال شهور من ملابس مناسبات او ملابس بيت اشتريها بلالف هذي شامله لبس لي ووطبعا كماليات من مكياج وعطر مثلا وملابس ولدي و جزم ربي يكرم السامعين واحتياجاته اللي ماجبتها من شهور اجيبها له ب 1000 اللي مفروض تكون تكفي لي لوحدي على العموم شكرآ لردك وانتظر البقيه

الله يعينك يا رب....الاهمال مش الحل أبدا ...لازم تتعاملي بسياسة معاه ....يعني متل ما قالت الاخت مرام سعود الطلب المباشر بطليه....اهتمي بزوجك و بينيله انه هو الاول بعد ابنك بحياتك و انه هو الرجال تاع البيت و مسؤول ...بالتصرفات مش بالكلام المباشر...الله يهديه و يصلح حالكم

السلام عليكم اختي
كنت مثلك بس تدرين ايش سويت😀
صرت امدح كرمه كثير وصرت امدحه وامدح اخلاق وشكله
وانا جاده بس الكرم امممم لا صراحه وجلست اسبوعين الي 3 وانا امدحه والحمدلله ماشالله عطني بطاقته مره وصرفت 700 ولاول مره اخذ بطاقته
سويها وادعي لي اسمعي باليتويوب هالمقطع اسمه لغه الايحا i can
روعه منه تعلمت وطبقت الصفه الشينه فيه اقلبها
يعني هو بخيل اقول انت كريم وهكذا
بالتوفيق

مادري ليش موضوع الهدايا مسبب حساسيه عند كثير من النساء
بعدين ماشاء الله الف ريال بالشهر طيبه
ليش انتي بتشترين كل شهر ؟
اجمعي حق كم شهر يصير معاكي مبلغ طيب يقضي لك حق سته شهور قدام ويمكن اكثر
بعدين اذا على الكلام الحلو ابدئي انتي
سمعيه الكلام اللي نفسك تسمعيه منه ولاتملين وتزعلين ليش مارد شوي شوي راح يتغير
واضح من كلامك عن الهدايا والمصروف انك مركزه على الجانب المادي وزوجك حاس بهذا الشي
ولما رفض يعطيك اللي طلبتيه صرتي تعاقبينه ؟!!! يحق له يزعل
اللي تطلبينه بالقوه ممكن تاخذينه بالطيب
بالكلمه الحلوه بالمعامله الحلوه وعدم الالحاح
لاتحسسينه انك ماديه اطلبي اللي تحتاجينه واذا سألك ليش قوليله .
وين المشكله

ياختي أعطاك 2000 ريال وتقولي بخيل اذا اللي يعطي 2000 ريال بخيل اجل وين الكريم كم يعطي !!!؟؟
صدقيني زوجك كريم وليس بخيل ودليل ذلك 2000 ريال أعطاك
البخيل ياعزيزتي ما تشوفي منه شيء حتى ريال واحد
ليش تقصري مع زوجك بواجباتك !!؟؟ طيب كيف تريدين زوجك يتحسن معك وانت مقصرة!؟
ترى ماهو مبرر لك تقصيرك معه ؟؟!
اتقي الله في نفسك وحافظي على نعمتك حتى لا تزول نعمتك ويش تبي منه وهو يعطيك ألفين وتقولي بخيل
ترى انت مسؤولة امام الله عن أكله وشربه وواجباته فانتبهي لذلك
وترى اذا أعطاك مصروف فهذا كرم منه واذا لم يعطي ماهو ملزوم لانه مطالب بالنفقة من الأكل والملبس غيره يعني ممكن يشترى لبيته كل شيء ولك ولا يعطيك مصروف ريال واحد لكن كونه يعطيك فحمدي الله واشكريه وتقربي له وخدمة الزوجة لزوجها ترى شرف لها وواجب عليها ماهو عبء عليها ولا تفضل منها

السلام عليكم ورحمة الله وبركاته..
أختي الكريمة مون، 2000موقليلة الله يسعدك..
هل كل شهر مناسبة ولبس؟!
طبعا لا، بالنسبة لراتبه المصاريف البيت الإيجارات وفواتير، لاتقارني بحياة الآخرين وتحسبي لهم حساب على نظرتهم ءنت بخير..
في حالة زوجك ما ينفع لا تبالي له بل سيزيد عليك جفاء..
امدحي واكثري من الشكر على كل صغيرة وكبيرة، فعندما يرى هذا الأسلوب لا يأخذ سوى نظرة بأنك تنكري المعروف..
فيه حوار مصارحة وبهدؤو تعالج المشاكل..
إذا فهمت احتياجات زوجك تماما ماذا يريد سيلبي إحتياجتك.
أعانك الله.