الحمدلله .. الله يكتب لك الخير
ونصائح الأخت شقردية رائعة جدا !
يا ليت نعمل بها فعلا

ياعمري يا معالي
يا كثر ما تشبهيني
المخ العنيد المقفل عاد مشكله
انا زيك ماافهم ليه الخطا والحق بين والباطل بين
ولا افهم وش فايده زواج بدون مشاعر ولا اهتمام
لكن تعلمت مو كل شي نبيه يصير
ولا حتى الاشياء الطبيعيه قد تكون متاحه
شفتي اليس ببلاد العجائب
احيانا الزواج زيها تطيحي بحفره تشوفي العجب
ووضعك ارحم بكثير من غيرك صدقيني
عيشي العجائب يختي وانبسطي وارضي
حبي نفسك اول شي لان الشخص اذا وصل الى مرتبه استغنى بربه ومن ثم بنفسه عن الناس
ماعاد يهمه مشاعر من احد
سال عنك وحبك هو الكسبان
ما سال ما يشوف شر
لا تقعدي في رجا اتصال شخص ووصله
اعملي الي عليك اتصلي بدون عتب وخليكي ثقيله وذكيه وراكزه
عودي نفسك تستغني عن مشاعره وعززي حبك لنفسك ولبنتك
ساعتها بتكوني ملكه وسعيده ومبتسمه دايما
ويعدين احد عنده ديمه بالارض وينتظر تمطر السما
شغلي مخك يا بنت وتعلمي كيد النسا
لا يصير الي بقلبك على لسانك ومبوزه ومكشره وصريحه وزعول
امسحي هالصفات ولا تطلعي من النفاس الا وانتي وحده ثانيه
وحده تلعبها صح واتمنى فهمتني ياام الخير و الديم و المطر