الله يعين اخت ملاذ ولكن زي ماقلنا هيا تختلف من شخص لآخر ومدى تقبله,,,, الله يعيننا وياكم ويستر علينا وعليكم

الاوضاع تطورت من شد وجذب الى برود او تطنيش اوقلة اهتمام ,,ماني عارف ايش اسميها بس اصبح الموضوع من شد وجذب او ملل الى فجوه من الطرفين وكل واحد يستنى الثاني يبدا المشاعر تلخبطت اصبح برود مع اشتياق مع عدم اهتمام ,,,احساس صعب بس مليت من الاعذار المستمره والانشغالات الدائمه

الحمدلله على كل حال

^
استمتع حتى بالزعل هذي احلا ايام اي اثنين

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

اخت ملاذ بالقوه تبغاني استمتع بكل شي ,,,دوختيني مع اجاباتك جد جد ضعت ماني عارف كيف استمتع حتى بالزعل

جربت تحدد يوم لتواصلكم ..
اشوف انها مجديه وراح يكون كليكما ينتظر هذا اليوم
او اسبوع ورا اسبوع يعني اسبوعين بدون ماتحادثها راح يكون فيه اشتياق بينكم

اخبرها بشوقك لها وانك تفتقدها مهما كانت منشغله فنصف ساعه لن تخسر شي من حياتها اذا اعطتك اياها .

ايضا لاتلومها اذا انشغلت ربما تجهز لزواج وروحه السوق بحد ذاتها متعبه جدا
راع نفسيتها وانضغاطها ..



يسسسسر الله امرك 🌷

اخت سديم شاكر لك مرورك,,,,

بس زي ماقلت بالاول انا عايش بغربه والصيف بدا وتعرفوا الشغلات اللي تصير عندنا,,,ليش احرم نفسي من حلالي واقعد اطالع بالحرام,,,ليش ابدا احط حدود بعلاقتي بزوجتي مسالة اسبوع او اسبوعين ماراح تخليني اشتاق ولكن راح انساها و ارجع اعيش حياتي ايام العزوبيه والشباب وماعندي اي مسؤوليه وراح انساها,,, مسالة اني اقولها قد ايش مشتاقلها ماينفع لانه هذا الموضوع اللي كبر راسها عليا وصارت واثقه جدا اني لها ght

انا ما الومها على انشغالها بس انا موب اول ولا اخر واحد يتزوج ,,,اشغالي كرجل ومسؤولياتي بنفس مسؤولياتها هذا اذا ماكانت اكبر واهم ,,, مع العلم انا مغترب والى الآن ما جهزت اغراض زواجي ماني حاس بشي يحمسني ,,,كل شي بعدين بعدين بعدين خليه مفاجاه لين صار عندي تبلد وكرهت كلمة بعدين ,,,انا طبعي احب الاخذ والعطاء والضحك والمناقشات والازعاج و عارف حجم المسؤوليات اللي كل واحد ملتزم بيها ولكن عندنا باليوم 24 ساعه ,,الواحد مايقدر يفضي نفسه 15 دقيقه بس يتصل او يسال عن مو هذا الكلام اللي نسمعه من 7 شهور في الجلسات وعالرسايل والمكالمات بس عالواقع شي مغاير تماما

ربما خطيبتك صغيرة سن .. ماعمرها .
او ممكن تكون خايفه .. الشخص عندما يخاف يكون متمسك بافكاره وبطريقته
لايحاول التواصل متقوقع علي نفسه .
اقترح عليك .

اتركها فتره معينه رتب افكار فيها وكلمات سوف تحادثها بها وتحديد مصير علاقتكما
بعدها كلمها برسميه وحزم .. قول نفس الكلام اللي كتبته
ان الفتن حولك وانتا خايف ع نفسك منها اذا هي ترضي ان عينك تروح يمن والا يسار
هذا شي ثاني .
اسالها اذا كانت هي تبغاك او راضيه مخافة ان تكون مجبره << واتمني عكس ذلك

اهم شي خلك جااااد ورسمي فكلامك معها ريثما تعلم مابها وتحل مشكلتك ..



يسسسسر الله امرك

الله يسعدك اخت سديم ،،هيا بصراحه صغيره ولساعها اخر سنه ثانوي ،،،بس هو اللي مضايقني التغير المفاجئ ،،،كيف اقولك ؟ عارفه لمن يكون واحد مايعرف حاجه اسمها امراه غير امه واخواته وخالاته وعماته وبس الباقين كانوا بالتسبه ليا مجرد بنات ناس ،،ماكنت اهتم ولا اعرف دلع وغزل وووو ،،وقتي كله كان مع الشباب بالحاره وكوره وبحر او نطلع نشوف عشقنا الاتحاد او بلوت ع البحر او بالقهاوي نظام شباب ،،وفجاه خطبت وانفض الغبار من قلبي >>> متعوب ع الكلمه ذي
المهم كانت المبادرات مني دايما وحبه حبه بديت اصارحها وادرس شخصيتها واعرفها مزبوط لدرجة وربي قبل ارسلها اي رسالة صرت عارف هيا ايش حترد واحيانا امازحها واقول عارف حتقولي كذا وتضحك وانتهى الموضوع ،،اسالها ايش سويتي فيني رحتي الويكند تقولي تمام الحمدلله وخلصنا ماتحب تتكلم او تسولف تقولي ماتعرف ايش تقول ،،حفظتها وطفشت من الاسلوب ،،هيا خجوله وانطوائيه وفيها شوية غرور (كانت تتصنع الغرور ) مستحيل انسان انطوائي وغير اجتماعي وخجول ومغرور ،،قدرت اكسر غرورها بغروري بدات تشوف نفسها انها اجمل بنت بالكون وكنت ادلعها بزياده لين انغرت بنفسها حتى عليا ،،ماتحب الاجتماعات ،،تحب قعدة البيت وكلامها دايما ع قد السؤال ،،مملكين لنا 7 شهور ما عمرها اتصلت عليا بس ترسلي ،،بالبدايه كان يعجبني خجلها لاني اعرفها واعرف اهلها انها غير مغصوبه عليا ،،بس كنت الاحظ تصرفاتها معايا جدا مختلفه لمن اكون جنبها ،،بس لمن اسافر تتغير ،،،كانت ترسلي يوميا وتزعل اذا قعدت 8 ساعات ما اسال عنها وكنت لازم اتصل عليها كل كم يوم لانها تحب كذا ،،،ذحين تغير الوضع احيانا قاعد باليومين تجي تقولي انتا مطنشني ،،،ليا شهر ماكلمتها ع الجوال ابغى اشوف ردو فعلها وعادي عندها ،،مشغوله باغراض الزواج بس ع كلامها مخلصه الاغراض من شهر وناقصها بس الفستان وراحت واخذته وخلصت منه ،،طيب ايش اللي مشغلها او بمعنى اصح مغيرها كذا ؟ هيا تبغى اهتمام ودلع من طرف واحد ،،،كانت دايما بترسلي اشعار واغاني وووو ذحين حتى دلع ما اسمعه منها يادوب كلمتين ع بعضها وتسحب ،،ابعد عنها كم يوم تجي تقول وحشتني مو حرام عليك تسوي كذا ونقعد نتكلم 10 دقايق وترجع تسحب ولمن اجي اتناقش معاها اقولها كل شوي تسحبي عليا وووو وترد بكل هدوء ليش لمن اسحب تزعل!!!! هذا رد ،،هذي قلة احترام ،،اقلها تعطيني خبر انها مشغوله ،،،وربي مشاعري ماتت تجاهها ،،،قالوها الطبع يغلب التطبع ،،هيا بارده ومالها اي حس بالبيت حتى اهلها يشتكوا بس نايمه او تذاكر او تسوي لنفسها مكياج وتلعب بالمناكير

صدقني مشاعرك هذي فاهمتها وحاسه فيها ..
طبعا ما اقدر اتهما بشي معين. .

لاكن اتوقع هذا العمر طبيعه شخصيتهم كذا
تهتم بنفسها وبس ربما تكون مشكلتك و مشكلتك اغلب اللي بالمنتدي
انهم ياخذو بنات صغار وبعدين يتعبو معاهم

اقتراحي لك ..
دوس علي مشاعرك وتحمل واتركها لاتسال عنها الا لما ترجع روح لها البيت
وتفاهم معاها .. اعرف انه صعب وانتا محتاج وجودها معاك
وهذي احلا ايامك لاكن هذا اللي حاصل .
عليك بالصبر حتي تعود ..


كان الله في عونك ويسسسر امرك