أختي العزيزة بيرزقك الله عيال بإذن الله لكن الخوف إن زوجك ماهو راجع مثل أول لأنك أبديتي أنانية وحستي الدنيا وصدمتيه هذا الشي في نفسه اليوم وبكرة وللأبد حتى لو جبتي عيال.. أكرمك وحبك واحتاوك وماحسسك بشي.. تقومين يوم حب يحقق رغبة الأبوة تتركين البيت وتضغطين عليه يكنسل الخطوبة ..قالها لابوك نساء هذا الزمن مايثمر فيهم معروف..الحين الأخوات نصحوك تقولين له خل نعطي نفسنا سنة سنتين إن ماحصل حمل توكل على الله وتزوج وانا بظل فبيتي وانت ساعدني لين يكرمنا الله.. شكلك مانفذتي النصيحة..والله العظيم يااختي إن هذي الطريقة الوحيدة لترميم اللي كسرتيه فعلاقتكم..

اذا استمريت على رأيك .. أنتي حرة..

لكن لا تستبعدي.. مع الوقت تزول محبتك من قلب زوجك.. ويتزوج بدون رضاك..

بعدها ما لك محبة .. وتزوج بدون ما يكون لك فضل أنك وقفتي معاه وتفهمتي ظرفه وضحيتي له مثل ما ضحى وصبر 13 سنة وعاملك احسن معاملة بشهادتك..

انسي موضوع كفالة يتيم.. زوجك وضعه طبيعي ويببغى ابن من صلبه يشيل اسمه..ومثل ما قالت احدى الاخوات هذي لو الزوجين فيهم عقم..

كلام ان في اللي انجبت بعد 15 سنة و20 سنة صحيح لكنه نظري ممكن يصير وممكن لا.. و13 سنة أبدا مو قليل..

ما أقصد أخوفك.. بس أنبهك تحطي كل الاحتمالات في بالك..

__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ

ما اقسى قلوبكم لو كنتو مكانها كان تفكيركم كان غير عن اللي نصحتوها فيه اختي استمري بالعلاج وربي باذن الله قادر على حملك تصدقي وادعي وتفائلي وبيجي اليوم اللي الناس تبارك لك بمولودك اما على زوجك هذا اختياره انو يضل معاك ما احد اجبره انو يرجعك ويتحمل قراره مو مشكلتك انتي بس بطلي تكلمينه عن التبني والعقم وابذلي الاسباب للعلاج وطنشي تغيره حبي نفسك وفكري بنفسك وبس وبالتوفيق يارب

مهما حاولتي اﻻصلاح الوضع ماراح يرجع مثل اول انتي اﻻن ف مفترق طرق اما تكملين ف الطريق اللي انتي فيه وتخسرينه شوي شوي وتهدمي كل شي حلو بينكم او تتركينه يتزوج ويشوف نفسه وانتي في بيتك ولك يومك معززة مكرمة ادري والله صعب هالخيارين بس هذا اللي قدامك وﻻزم تختاري وهذا ابتﻻءك ف الدنيا والله يعينك ويقويك

طيب وزوجها مافكرتي فيه عايش حرمان هالسنين كلها وعادي وشلون محد اجبره يعني يبيع كل هالعشرة وكل هاللي بناه في لحضة لازم يطلع نذل ﻻنه يبي عيال من صلبه

دام انه يخيرها اكيد صعبة عليها من طيب نفسها تقول له اي روح تزوج


اختي صاحبة الموضوع
الامر صعب فعلا ان يتزوج
بس اللصعب لو خسرتيه
وواضح انج قاعدة تخسرينه بسبب موضوع الزواج

شوي شوي على المرة .. ماجت هنا علشان تعاتبوها
انصحوها بلطف باللين مو بالزعل والهواش ، والي ماجرب فقد الضنى مابيحس فيها

- اختي (احبك يازوجي )

اسمعي مني
تمعني بهذا ( لاحول ولاقوة الابالله )
تعرفين ايش فضلها : قول لاحول ولاقوة الابالله شافيه من جميع الامراض والعلل ،
ويمكن يكون سبب علاجك عن تأخر الحمل بأذن الله

وهذا حديث ( عن ابي هريره رضي الله عنه قال عن الرسول صلى الله عليه وسلم قال : من قال لاحول ولاقوة الابالله كانت له دواء من تسعة وتسعين داء ايسرها الهم )
2- قراءة سوره الفاتحة
3ولاتنسي الاستغفار
وربي يرزقك الولد الصالح ويقر عينك بشوفته
ودعواتك لنا حبيبتي هند

__________________