أم سليمان: تشكرين على الرد وعلى قولتج الثقل صنعة ... شاقول شورك وهداية الله ramystar جزاك الله خير على الرد بس اللي احب اقوله لك ان زوجي يشتغل في جزيرة يعني مافيها وإلا نص حرمة يعني مااقدر اسير معاه al-athri5 الف شكر على كلماتك الدرر وزوجي مافيه اي مرض الحمدلله ... المرض في بروده وانت الصادق غلا يعطيج العافية على الرد بس احب اقول لج ان بيت اهل زوجي جافين لدرجة ماأقدر اوصفها لك !!!! لكن زوجي تغير وخذ طباع مني بس اللحين ردت حليمة لعادتها القديمة ... وإذا سويت روحي مش مهتمة فيه زعل وساعات مايهتم بعد... alm3sh الف الف شكر على الكلام الحلو واللي عجيني دعائك الاخير ( جعلك الله قرة عين زوجك ) ... ghanem جزاك الله خير وتسلم على الدعاء لي وربي يعطيك انت بعد كل اللي تتمناه وعلى فكرة طرشت له رسالة وقلت له كل اللي في خاطري وكتبت له اني تعمدت ارسل لك لانك ماتعطيني وقت اتكلم فيه معاك ... تدري زعل من الرسالة وقال انا مش مقصر معاك ( قصده الفلوس) وكأن الواجب الاول والاخير والاهم هو الصرف !!! مع اني بينت له اني احتاج اشياء اهم من الفلوس مئة مرة !!! بوعبدالله .. تشكر على النصائح وصدقني والله اني سويتها مرت علي ايام مااتصل له واقول خله يحس فيني ... يقول اليوم مااتصلتي ولما اقول له بغيت اشوف متى انت تشتاق لي وتتصل يقول لي ببساطة كنت مشغول اكرر لكم شكري وجزاكم الله خير ... لاعدمناكم |
||
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|