بسم الله الرحمن الرحيم


السلام عليكم و رحمة الله و بركاته

هذي المشكلة ارقتني صارت لها سنين مو من اليوم و البارحة و استخدمت اكثر من حل و ما نفعني غير واحد و هو انه احد ينام عندي بالبيت

المشكله متشعبة والله حتى انا عييت احتويها

مشكلتي اخاف اجلس ف البيت لحالي للعلم عندي بيت و عيال و شغالة و سيارة و الحمد لله
بس زوجي دوامه بعيد و يرجع نهاية الاسبوع و الادهى و الامر انه عنده مهمة ما بيرجع الا بعد شهور
كان المفروض نكون معاه بس علشان مدارس العيال و النقل صعب و حاول مسكين مع ادارة المدرسة الجديدة بس مافي امل الا بداية العام الدراسي
المشكلة الاولى:
انام مع عيالي لحالنا ف البيت و دوم تجيني كوابيس و افزع من النوم كثيييييييييييييييير
و تجيني نفضه و رجفة ف جسمي و اقرا قران لحد ما انام و بمجرد استغرق ف النوم افزع مرة ثانية و هكذا الين يطلع الصبح
اهلي انتقلو مسكن جديد و قريب مني ف قررت اروح انام عندهم يوم او يومين ف الاسبوع ع الاقل اعوض
و مافي مكان غير المجلس و كنب المجلس غير مريح للنوم
و كانت في غرفه فاضية و قعدت فيها و امي فديتها حاسة فيني
تقول بنخليها للمتزوجين يقعدون فيها ف غياب ازواجهم او ف النفاس

بس البقية رافضين و اخواتي يتجادلون ع الغرفة و انا اقول لهم خلوها لي بس رفضو و قعدت فيها وحدة من خواتي الله يصلحها
طيب بتقولون اقعدي معاها
انا عيالي صغار و يلعبون باغراض خواتي و خواتي يزعلون و يصرخون ع عيالي و طول ما انا جالسه ف بيت اهلي و هم تعالي شوفي عيالك تعالي شوفي عيالك تعالي شوفي عيالك لدرجة مرة قمت و جبت خيزران و ضربت عيالي ضرب بجنون و فشيت غلي كله عليهم
و امي تهاوشني من صوب و ابوي يحلف عليي ما اضربهم
بس انا طفرت
اكلم العيال بالطيب و المداراه بس مافي فايدة هم اطفال و فيهم طاقة و يحبون يجربون كل شي
كريمات ادوية مستحضرات حلويات ادوات صحية مكتبية و كل الموجود بالغرفة حتى الاثاث ما سلم منهم
احيانا اخواتي يقفلون غرفهم خوفا من اطفالي و انا ما الومهم بس ودي اجلس ف بيت ابوي شوي
اللحين المشكلة لو جلست هناك مثلا من العصر للمغرب طول الوقت شوفي عيالك ايش سوو شوفي عيالك شوفي عيالك ف مرة طفشت من كثرة حركتهم و ازعاجهم فاخذت عيالي و مشيت و هم يبكون خلاص اخر مرة
امي تقول خليهم هذولا اطفال
قلت لها ابد والله يرجعون البيت يتأدبون ثم اجيبهم و جلسنا 3 ايام تقريبا ما زرناهم و هم يترجوني خلاص ماما اخر مرة و امي فديتها حاسة فيني و تتصل تعالي خواتك ما يقصدون و هذولا عيال
انا ما زعلت لانهم يصارخون على عيالي
انا تضايقت انه عيالي مزعجين بشكل و محد مستحملهم


ف صار موقف و حز بخاطري كثيير لليوم يمكن من شهر

اشتقت لامي و رحت ازورها ف ما لقيتها كلمتها قالت انا جاية ف الطريق ف جلست انتظرها ف الصالة
احد عيالي احتاج الحمام و انتو بكرامه
و طبعا جميع الغرف مقفولة مافي غير حمام المجلس و المجلس له باب خارجي
اقول لهم لو مخلين هالغرفة لي كان راحت الحمام بدل المشوار هذا
و جلست انتظر امي حتى رجعت و فتحت غرفتها و راحت الحمام
جلست مع امي شوي و مشيت و فيني غصه

رجعت البيت للكوابيس و السهر و سهرت لين الفجر افز من النوم
و الصبح مالي خلق لاني سهرانه و مو شبعانه نوم
فبالتالي مالي خلق لاي شي طول اليوم
عطوني حلول

اولا : مشكلة النوم و الفزع ف النوم خاصة انه زوجي ف مهمة ما بيرجع الا بعد شهور.
ثانيا : مشكلة زيارة بيت اهلي والله اني اشتاق لهم و لجلساتهم و انبه عيالي قبل نروح اجلسو بادب و لعبو بادب بس هم اطفال و تصرفات الاطفال العفوية انا امهم اشوفها براءة بس غيري يشوفها مشاغبة و ازعاج .
عرضت على اخواتي يباتون عندي بس الى متى يباتون و اللحين يقولون ما نستحمل ازعاج الاطفال و هم من حقهم وش اللي جابرهم يجلسون مع الاطفال و ازعاجهم.


شكرا على حسن متابعتكم

__________________
احتاج افضفض بس ماهو عـلى الناس
الناس لا ترحم ولا تحفظ اسرار... ماقدروا ضيقة ولا شرهة إحساس
الله خلقهم بس .. نقالة اخبار

؛؛
تخافين من ايش بالضبط؟!
هل حدث لك موقف ما فيه فزع وروعه ؟!
هل انتي مداومه على اذكار الصباح والمساء في اوقاتها ؟!

__________________

المنطقة مليانه عمال اسيويين لانها منطقة جديدة
و حصلت سرقة ف بيتنا و سطو ف بيت اخر ف الحارة
و الاذكار لست مداومة عليها كالسابق للاسف

__________________
احتاج افضفض بس ماهو عـلى الناس
الناس لا ترحم ولا تحفظ اسرار... ماقدروا ضيقة ولا شرهة إحساس
الله خلقهم بس .. نقالة اخبار

شوفي الصلاة الخاشعه .. والنوافل ..
واذكار الصباح والمساء في اوقاتها ( بعد صلاة الفجر وصلاة العصر )
حصن حصين ومنيع لك ولاهل بيتك واطمئنان لقلبك ..

هذا الذكر ..

فالحديث رواه الإمام أحمد عن عبد الرحمن بن خنبش ولفظه: أعوذ بكلمات الله التامات التي لا يجاوزهن بر ولا فاجر من شر ما خلق وذرأ وبرأ، ومن شر ما ينزل من السماء، ومن شر ما يعرج فيها، ومن شر ما ذرأ في الأرض، ومن شر ما يخرج منها، ومن شر فتن الليل والنهار، ومن شر كل طارق إلا طارقا يطرق بخير يا رحمن. ورواه النسائي في الكبرى، والطبراني في الدعاء، وصححه الألباني في السلسلة الصحيحة.


_وياليت تحاولين تنقلين من هالحي يكون افضل لك ..
ولو يكون شقه بعماره افضل عوايل أأمن لكم .. او مثل الكمبوند
مجمع للفلل ومدخل خاص .. وحراسه ..

الله يحفظنا واياكم وكل مسلم .

__________________

هلا أختي
أولا خوفك في محله من حقك تخافين و انتي و عيالك في البيت لحالكم وكمان عيالك صغار

ثانيا مسألة شطانة العيال هذه مشكله مالها حل الاطفال من طبيعتهم الشقاوه
و ما ينفع معهم شي لا الكلام الطيب و لا الكلام البطال

ثاثا مسألة الخوف لكل أنسان له طبعه وانت من طبعك الخوف أعطيك مثال
أنا شخصيا أخاف من المطر وخاصة لما أكون برا البيت ليه ما أدري
هذا طبعي من زمان وامي الله يخليها لي الى الان تخاف تقعد لوحدها في البيت
لدرجة أني اذا كان عندي شغل في الصباح أخلي وحده من أخواتي تغيب عن المدرسة


الحل بيد زوجك لازم تنقلون معاها مافي حل ثاني
الدنيا صارت تخوف ماعاد فيها أمان
الله يحميك أنتي وعيالك من كل شر
اللهم أمين والمسلمين أجمعين

دام بيت اهلك قريب .. يا احد من اخوانك او خواتك ..يجون وقت النوم بس
بيكون هالوقت العيال نايمين والبيت هادي


و بالنسبةىلزيارتج لأمج .... في فكرة يمكن تنفع

خذي علبة او شنطة و حطي فيها اوراق و الوان خشبية وشمعية و ممكن ازرار و شوي ورق ملون و صمغ و مقص صغير و خيوط صوف . واي شي ينفع للاشغال اليدوية مال الصغار

ومن توصلين فتحيها وخليهم ينشغلون فيها
وانتي ما عليج الا شاطر .. ايواا لون هني بعد ...الخ

هااللي عندي اتمنى اكون فدتج

تسلمين الغالية ع هالنصيحة الطيبة أنا كنت حافظه هوالدعاء و أردده و تنزل علي السكينة سبحان الله

بس احيان أنساه و ادخل ف ذيك الدوامه الله لا يراوييكم
ان شاء الله بحفظه و بردده كل ليلة مع أذكار المساء و النوم

بس مسألة لسكن مستحيل نغيره لانه منحة من الدولة و لا يجوز تداوله أر بعد التمليك ف مافي مجال
باقي كم سنة و يتملك ف مستحيل نار الملك و نروح شقة ايجار

مافي مجال للنقل للأسف حتى بداية العام الدراسي الجديد

مشكورة الغالية ع النصيحة الغالية
ان شاء الله بطبقها

__________________
احتاج افضفض بس ماهو عـلى الناس
الناس لا ترحم ولا تحفظ اسرار... ماقدروا ضيقة ولا شرهة إحساس
الله خلقهم بس .. نقالة اخبار