مبتعة الف الحمدلله على سلامتك حبيبتي
ربي يعافيكي ويعطيكي الصحة ويحققلك كل شي بتتمنيه

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

بحةبحة حبيبي ليش تنقهرين! عطيه جوه
زوجي مزحه مثل مزح زوجج
في البداية صج كنت اتضايق ويمكن مرتين صار بيننا زعل كبير على هالموضوع
بس بعدها تعودت وصرت اذا ابخر ثيابه اقول له صاير معرس وهو يرد علي بس وين العروس وينها ونضحك
واحياناً ادري فيه يبيني اغار فاحسسه ان انه غيرانه
خذي الموضوع بطريقة حلوة ولا تنكدين على عمرج
اعرفي شلون تردين عليه ... بس كله بلطف و دلع

الاشراقة ومهرة .. ما اعرف شقول
غير ان ادعي الله يهونها عليكم والمؤمنين والمؤمنات يا رب

انا قبل زوجي كان يطري الزواج الثاني ..
طبعا منت ازعل ..
بعدين اكتشفت انه يتعمد يقول جدامي يبي يشوف زعلي وغيرتي ..
يعني يبي يفرح على حساب اعصابي ..
قلت معليه انا ارويك ..
وصار كلما يطري العرس اقول له في حفظ الله اذا تبي انا اخطبلك ومهرك انا ادفعه وبرقص في عرسك بعد .. وصرت اضحك ومااااهتم .. طبعا في البداية زعل يقةل لو تحبيني كان زعلتي وكان مارضيتي اني اتزوج ومن هالكلام الفاضي .. لعب عيال .. اخر شي مل من هالسالفة وسكت .. في النهاية الرجال لو بغى يتزوج مابترده دموعي ومشاعري فخليني اوفرها لين يجي الجد هههههه ..

انا مثلك اقول اعطيك المهر وخلاص بطل يتكلم

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

جا فتره خفف وبعدين يرجع واحس يستمتع بردات فعلي ومو عارفه ايش اسوي

وبعدين كنت اردها له اني كمان بتطلق واتزوج بس الحين صعب ارد مثل هالردود بعد المشاكل اللي صارت

تدرين ان مره سبيت اهله لما جاب هالسيره

مشكلتي اتنرفز بسرعه بهالسالفه لاني بالاساس اكره الرجال بصفه عامه وهو اول حب ماتخيل يتزوج او يخون او شي وربي بتكون صدمه بالنسبه لي احاول امثل القوه وانو ماهمني بس بداخلي !!!!!!

هذا هو زوجي نسخه من زوجك مره قلت له اوك نروح نختار الفستان سوا ووووو قال انتي ماتحبيني لو تحبيني كان غرتي علي

طيب لما اغير عليه وابين له اني اغار احس يزيد

مره قلت له والله بيجي يوم اتطلق عشان عشان لو تزوجت مانقهر 😒

استغفر الله ادري انو حلال بس مافي مبرر لزواج الثاني عيال وموجودين وهذا هو اللي يبي حاب عيال كثير

وووعلى كلامه اني مو ناقصني شي

واذا سالته ليش تبي تتزوج يقول كذا بس عشان اشوف الغيره >>> ودي اقوله وش شايف نفسك ياربي 😭

واذا جا الجد الجد الجد يقول والله مافكر ولا حتى ابغى لان التعدد يبغاله عدل وحاجات كثيره وهو ضد هالشي

حتى لما عمي تزوج واخوي كان ضدهم يقول حرام يكسر بحرمه وعشرة عمر ومدري وش

بس لما يكون معاي ماعرف وش يقلبه ويتكلم عالتعدد وانقهر وزياده ادخل المنتدى واشوف سيرة التعدد والخيانات قسم بالله يجيني اكتئاب

قبل كم يوم قريت موضوع هنا مابغى احدد

قسم بالله مانمت الا الساعه 5 من كثر التفكير !!!

صعب الحياه ودي يكون اخر اهتمامي هالمواضيع ويكون اهتماماتي بنفسي وسعادتها بس ماقدرت! !


وصباح الخير جالسه انوم كتاكيتي حبيت اسلم واطلع😁😁😁

كنت اليوم بالسابع تبع معارف اهل زوجي

شوك الف سلامه على ولدك مايشول شر والله تونيادري الحين 💓

مريوم بالضبط هذي وجهة نظري
خله يمزح ويضحك وانه بعد اضحك
ومرات اسوي نفسي غيرانه عشان يستانس وانه مو غيرانه ولا شيء
مرات اسوي نفسي زعلت عشان يراضيني
وساعات اقول له عطني المواصفات وانه من عيوني

بحة لا تنكدين على نفسج ابتسمي واضحكي

شوك معها حق .. لو فيكم ذرة شر .. ضاعفوا جهودهم في البعد عن اللي يضايقكم ..

راح اعطيكم لمحة عن الشر المحض ..
رجعنا من السعوديه وبدينا بترتيب الشناط .. لقيت في شنطته الخاصه كرتون صغير مغلف تغليف هدايا واضح انه عطر .. ولقيت شغله ثانيه ما اقدر اذكرها .. المهم انه كان فوق راسي وانا اقلب فيها قال هذا الغرض اللي وصاني خويي اجيبه معي لاخوه هنا .. طيب والغرض الثاني وش ذكرك فيه .. قال جاء على بالي نجربه .. سكت بس طبعا وجهي قلب كفرات سياره محترقه ..
راح عني وما عاد جاء غرفة الملابس وترك كل شي .. من غير مناسبه نزلت لي دمعتين وانا لحالي ..
خلصت ترتيب .. واخذت القهوه ورحت له الصاله .. قلت له بقولك شي مضايقني .. انا مو عاجبتني سالفة العطر النسائي اللي جبته ومتعب نفسك في تغليفه .. قال وش عرفك انه عطر لا يكون فتحتيه ترى ما اعرف وش فيه .. قلت واذا فتحته انت واحد يبغى لك وحده مثلك انا خساره فيك .. قال والله العظيم ورب السموات اني ما اعرف وش فيه وان مالي فيه يد شايفتني غبي بخليه في الشنطه .. عاد هنا انا كبرت كلام .. قال ان كان ظلمتيني الله يسامحك ومقدر وضعك بس ورب البيت انها امانه واني ما اعرف وش فيها .. بعدين قال تعالي نفتحها واذا طلعت مو عطر نسائي بترتاحين .. رفضت وقلت افرض طلعت عطر وش السواة وقتها !! المشكله في الثقه اللي انعدمت وكل شوي اشك فيك ضاااع مني الامان .. ورحت عنه ..
وما كلمنا بعض طول اليوم .. دخلت غرفة الملابس ولقيت الهديه انفتحت وواضح انها كانت عطر نسائي بعدها طلع ومعاه الهديه في كيس .. وارسلت له ليش ما خليتني اشوفها دام فتحتها ؟؟!!
كان همه يطلعها من البيت بأي شكل ..
احنا الان في اليوم الثاني والتوتر بينا عااااالي جدا ..

الحين بتسألون وين الشر في القصه !!!!

الشر المحض هو اني عارفه ومتأكده انها لزميله لانه سبق وقالي قبل نرجع عنها ... بس ناسي ..

👹👹👹👹👹👹👹👹👹👹👹👹👹👹

__________________
🌾🌾 ! اللهم لا تعلق قلبي بسواك .. ولا تقربني ممن لا يخافك في ! 🌾🌾

شريـــــــــــــــــــــــــــــــــــــــــــــــ ــــــــــــــــــــــــــــــــــــــــــرة مع مرتبة شرشبيل

جاتني 👇👇 عالواتس وارسلتها لاخويا سألتو الاحاديث هذي صحيحة .. قال نعم ... 😳😳


📮رسالة للنساء :

❓لماذا لا تَجدُ بعض النساء
حلاوة الإيمان ولذَّة الطاعة
وأثر العبادة ؟

🌿قال صلى الله عليه وسلّم :
( ولا تَجدُ المرأة حلاوة الإيمان
حتَّى تؤدِّي حقَّ زوجها ).
صحيح الترغيب 1939

↩️وما هي بعض حقوقه ؟
قالت امراة سعيد بن المسيب
رحمة الله عليهما :
"ما كنَّا نُكلِّم أزواجَنَا إلَّا كما
تُكلِّمون أمراءَكم ).
حلية اﻷولياء 168/5)

إنَّها الهيبة والمكانة العالية
في قلب الزوجة لزوجها.

🔹قال صلى الله عليه وسلم
لصحابية أذاتَ بَعْلٍ ؟
قالت نعم :
قال كيف أنتِ له؟
قالت : لا آلوه
"أي" (لا أقصِّر في طاعته) فقال :
(فانظري أين أنت منه إنَّما هو جنَّتُك ونارُك)
صحيح الترغيب 1933
يعني طاعته جنتك
ومعصيته نارك.

🌿قال ابن عباس رضي الله عنهما
ترجمان القرآن عند قول الله :
(فالصالحات قانتات حافظات
للغيب...)
قانتات :
طائعات ﻷزواجهن،
ولم يقل طائعات
فالقنوت شدة الطاعة وكمالها

💡كيف تعرف الزوجة أنَّها
صالحة وطائعة ؟
👈(إن نظر إليها سرَّتْه
👈 وإنْ أمرها أطاعتْه
👈وَإِنْ أقسم أبرَّتْه
👈وَإِنْ غابَ عنها حفظتْه في
نفسها وماله ).
إِنْ غابَ عن عينها
🔶علمت ما يغضبه ؛ فانتهت عنه
🔶فلا خروج
🔶ولا تصرفات لا يرضاها
🔶ولا أقلَّ ولا أكْثرَ ممِّا لا يريده.

🌿قال صَلَّى الله عَلَيْهِ وَسَلَّمَ :
(ألا أخبركم بنسائكم في الجنة؟
الودود الولود إذا غَضِبتْ
أو أسيء إليها أو غضب
زوجها قالت :
"هذه يدي في
يدك لا أكتحلُ بِغمْضٍ حتى ترضى)
صحيح الترغيب 1941
⛔️ليس كبعض النساء تهجر
الفراش
❌ وتذهب مع أطفالها
❌أو تتسلَّى بالهاتف و
بالمراسلات والمكالمات ووو ...
❌او تطلب الخلع والطﻻق لاي سبب والعياذ بالله
✅اين اﻻقتضاء بالصحابيات رضي الله عنهم والصبر على ازواجهم في السراء والضراء
⭐️الصالحة تتذكَّر قول رسولها
عليه الصلاة والسلام إذ يقول
(لا يَنظر الله إلى امرأة لا تشكر
لزوجها)
صحيح برقم (581/1)

💎الصالحة لا يَغيبُ عن بالها
قوله صلى الله عليه وسلم :
(لو كنتُ أمرتُ أحداً أنْ
يسجد ﻷحد ﻷمرتُ المرأةَ أنْ
تسجدَ لزوجها)
صحيح الترغيب

🔶فلا تتعالى عليه
👈 ﻷنَّ التفضيل له من الله وحده فيجب:
👈الاستجابة والانقياد ﻷمره.
💎الصالحة تخاف
✅الصالحة تؤجر لصبرها وان كان في زوجها عيب يصلحه ويتعاون اﻻهل ﻻصﻻحه وليس للتخبيب على الطﻻق

قال رسول الله صل الله عليه وسلم ( المختلعات هن المنافقات)
؛ حديث صحيح صححه الالباني

فشرط قبول عملها
👈رضَى زوجها.

🌱قال صلَّى الله عليهِ وسلَّمَ :
(ولا تؤدِّي المرأة حق الله عزوجل
حتى تؤدِّي حق زوجها كله)
صحيح في الترغيب 1943
وانظري إلى كلمة ((كله))

⛔️وقال محذِّراً لها :
👈( اثنان لا تجاوز صلاتهما
رؤسهما،
👈 عبد آبق من مواليه
حتى يرجع،
👈 وامرأة عصتْ
زوجها حتى ترجع).
صحيح الترغيب (1948) .

◇◇◇
♦ جزى الله خيراً من قرأها وساعدنا على نشرها .
============

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

جزاك الله خيرا

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه