نهارك سعيد فانيتي

عقلك كبير ما شاء الله عليك

مشكلتنا في التطبيق فانيتي .

التطبييييييييق صعب علي قلوينا الرقيقة

في الواقع كلنا محتاجين ولو لقليل من اللامبالاة داخليا

علي راي امي قتلتنا قلوبنا

__________________

نهارك اسعد 💜

لا كبير ولا شي.. الله يكبره قولي امين 😂

اشكرك على العموم

الله يجعلني عقل بدون قلب

هاجر ما اسميها لا مبالاة

بل عملية..

😏

السلام عليكم ..
ششلونكم .. اشم ريحة حنا
اعترفوا مين محنيه شعرها

حالياً اتابع مع عيالي فلونه في سبيس تون
ياااااه تذكرت زماااان ايام بيتنا الشعبي يازين البساطه


الا ليت الزمن يرجع ورى والا الليالي تدور
ويرجع وقتنا الاول وننعم في بساطتنا

__________________
استغفر الله العظيم وأتوب إليه .. سبحان الله ..الحمد لله.. الله أكبر

عندي مشكلة

لو أموت ! ما أقدر أبين ضعفي

أحاول أتجاهل واصير أتصرف عكسيا

يعني لما أصيرأمزح وأستخف وأضحك بزيادة، معناته بأعاني بقوة!

لأنها مو شخصيتي الحقيقية قاعدة أزيف عشان أنسي نفسي.

أستمر على هذا الوضع يوم يومين بعدين اتفاجأ إنه ماتغير شي من داخلي

طيب أنا باحاول اطبق قانون الجذب ومنطلق تفاءلوا بالخير تجدوه بس ماتوصلت لنتايج جذرية للآن!

هلا اشراقة


كنت بسالك وين سويتي اختبار البوصلة؟

من النت ولا الكتاب؟

اللي منتشر بالنت مو دقيق ويطلع النتايج غلط

اللي بالكتاب هو المفصل الصحيح

لاني ما اقتنعت انك شرقية.. اول على الاقل ما اقتنعت انه نمطك الغالب


وعن انك تبينين او لا

خلي الزعلة تاخذ وقتها ولا تحاولين تخبينها او تسترجعينها

وتجاهليها

وبتبرد بتموت مع الوقت

انتي قوية وتقدرين

اذا سويتي كذا

فجاة بتلاقين نفسك نسيتي

ولما تتذكرين اللي ضايقك بالصدفة

بتنصدمين من نفسك ان مشاعر الضيقة ماراح ترجع بنفس القوة

وممكن تختفي.. وتذكرها يصير شي عادي

بالنسبة للاختبار سويته من النت ، حأشتري الكتاب وأجرب ثاني

ايوة صح فانيتي

المشكلة تخيلي لما فجأة أبدأ أتوازن مع نفسي، أكره نفسي كره فظييييع اني زعلت وحزنت على احد مايسوى !!

وأبدأ ألوم نفسي اني ضعيفة وانه مهما صار ما أتعلم وأقسي قلبي

مع اني لما اقارن بأول، جد قلبي قسي وقويت بمراحل كثير جدا الحمدلله وعايشة حياتي طبيعي

وصار عندي لسان ما أسمح لأحد يتكلم عن حياتي أحط حد قوي

يعني ينعمل لي ألف قيمة واعتبار!

نفسية وشخصية معقدة

وكل هذي الاشياء فيني 😂

عشان كذا فاهمة عليك

اذا كنت بحالة عاطفية ومشكلة كانها نهاية العالم

يوم يومين يمرون.. اصير اقووى واطالع ورا كلها منتهية

لدرجة انظر لها بدون مشاعر

اقل شي ذكرياتي مع الناس اللي انتهوا من حياتي

ماتعني لي.. ارميها بدم بااااارد حتى ما اتركها لمجرد الذكرى

وبالنسبة للخصوصيات

ما اتكلم فيها مع احد عشان ما انزعج لما احد يفتي لي باشياء تخصني

واللي هي بالنسبة لي خط احمر

اشراقة بحاول اجيب نسخة الكترونية من الكتاب

اسمي هذا جلد الذات و كثير مااستخدمه
الحساسية المفرطة و القلب المرهف الصادق
لانك تعطي بصدق و تتوقعي الطرف الاخر يعمل نفس الشئ لكن يحدث العكس و هنا تبدا الدوامة
لوم النفس على ضعفها و انه لازم تكون اقوى
لكن هذا ليس ضعف
تصدقي مرات افكر ان القلب الابيض بهذا الزمن نقمة
لازم نتعلم نصالح مع انفسنا و نسامحها


هذا اللي فهمته من كلامك و اللي لقيت نفسي فيه بنسبة كبيرة
افكر في تطبيق المقال اللي دورتي عنه و قررت اعملها قبل الفجر
حتى يكون فجر جديد علي و انا ابريل مختلفة

والله كأنك تتكلمين عني

تعبت مع نفسي كثير
احسد الناس اللي تعبر عن مشاعرها بوقتها وتتخلص من كل شي بوقته

__________________
استغفر الله العظيم وأتوب إليه .. سبحان الله ..الحمد لله.. الله أكبر

ما أحب الإستسلام، أكرهه!!!

نفسي عزيزة عليا مرة..

أحب أتكشخ لنفسي اخذ شور واتمكيج واطلع وأعمل شوبينق

وأرجع البيت أروق وأسوي لي قهوة واشوف لي موفي وأعيش جوي على الآخر ظاهريا..

ما أدخل أنام إلا بعد ما أرهق نفسي على الآخر

عشان طاقتي تكون تماما استنفذت !

ابدا احط صور وعبارات ايجابية ومحفزة في الواتساب وتويتر وانستقرام

أتذكر صديقات عندهم مشاكل

اراسلهم وأخفف عنهم وأواسيهم هذا كله وانا في عز ألمي