السﻻم عليكم

مادري انا اكتب لكم فضفضه واﻻ ابي حل
يئست اني اﻻقي حل
تعبت من خيانة زوجي وكذبه
الكذب شي سهل جدا جدا عنده
مع اني بالظاهر لي احسه انسان نزيه
زوجي مبتلى بالعﻻقات يحب يسولف مع البنات سواء سوالف عاديه او ....
حاولت اجذبه لي ماقدرت
اصﻻ يصرفني عشان يسولف معهم
كل ماواجهه بشي يقول انتي شكاكه وظالمتني وطقها حلوف
طبعا انا مو شكاكه انا قاريه كل محادثاته بس مابي اواجهه مواجهه قويه ﻻن مابي يتجرأ ويقول هي داريه
ف اوهمه اني شاكه فقط واني لو اكشفه مستحيل اسامحه ف يحلف لي انه مو راعي بنات وهو كذاب
ويقولي احبك وماقدر اعيش من دونك
لو كان يحبني ماكان خاني
انا مابي الطﻻق خصوصا بيكون بينا طفل
مابي الطﻻق ﻻني احبه
بس بموت من خياناته هدفه من كل البرامج البنات
تويتر انستقرام وبرامج كثيره مو حابه اذكرها عشان ماخذ ذنب احد حملها
والله جت في بالي فكره اني اوهمه ان عندي شي مخبيته وحملت برامج كثيره بس مايشك فيني يقول انا واثق فيك
ابي يشك بحرق قلبه واخليه يحس باللي احسه
تعبت ياناس ادعي ربي وعندي امل ربي بيهديه ومرات ايأس واقول مستحيل يترك هالطريق
والله اني بهم مايعلم فيه اﻻ الله
هل ممكن اذا جاء الطفل يعقل واﻻ مستحيل هالنوعيه تتغير
مادري اللي انا فيه عقوبه واﻻ ابتﻻء وربي يختبر صبري
تعبت من كثر مادعي له بالهدايه وصرت ادعي ربي يربط ع قلبي بس
المشكله محادثاته البنات اسلوبهم جاف معه ومع ذالك منفتن انتي اسلوبك كله حنان وانتي وانتي
طبعا الحين صار حذر جدا ماعاد قدرت اقرا وﻻ محادثه وﻻ ادري عﻻقاته وين وصلت
قولولي هل ممكن يترك هالطريق واﻻ مافيه امل
قدامي انسان محافظ جدا ومن وراي شي ثاااااني
مادري ليش يبلون بنات الناس معهم ماانت مستقيم ﻻ تتزوج عيش بالحرام عمرك كله
حسبي الله ونعم الوكيل
ادعولي ربي يفرج همي

يوم انك عرفتي ان اسلوب البنات جاف معاه

قد يكون هذا مربط الفرس

عامليه بنفس قوة هالبنات "ما اقصد التشبه فيهم حاشاك"

لما تسالينه كثير وتهتمين وتلينين معاه بزيادة قد يشوف هذا ضعف وانك مندلقة عليه

في نوع مايحب كل شي جاهز.. يحب المطاردة

جربي فترة.. ولاتبينين انك مستنية ردة فعل

كبري دماغك وغيري اسلوبك

اذا نفع كان بها.. واذا مانفع انتقلي لرد فعل وقرارات اقوى

وما اصدق لسا في ناس تمشي بمبدا اذا جا الولد بيعقل..

اذا ناوية بتعطينه فرص.. لا تحملين لين يتعدل

ماامشي بهالمبدأ بس بطبطب على نفسي ﻻني حامل
زواج كله ثمان شهور اكتشاف خيانه وحمل ماني عارفه وش اسوي 😫

الله يعينك اختي اسمك معبر ع فكرة لان هذا النوع من الرجال يبغالو طولة باااااال و نفس طويل و صبر و ثقة و بعد نظر ممكن بيوم يتصلح.. او ان كان ع الطفل فانا اكتشفت خيانة ابو الشباب بعد الولادة مباشرة (خيانة من النوع اللي تحدثتي عليه محادثات و خرابيط ) لكن رد فعلي كان طوفاني سجلت محادثة و بعتها على ايميلو ( كنت ببيت اهلي ساعتها ) و ههدتو بالطلاق ( للاسف هو اسلوب بدائي لكن صدقينيييي و الله ما ينفع معهم الا هذا الاسلوب لا موعظة و لا اي شيء ينفع ) و ما اخبرت احد من اهلنا رغم اني ببيتهم و ترجاني انو يجي يرجعني ما رضيت و اجا رغم رفضي و الله اذكر شكلو مطاطا الراس كان يعتقد اني خبرت اهلي فقبلت اني ارجع معه و رجعت لبيتي و ما كلمتو مدة من االزمن حتى تاكدت انو ترك شغل المراهقين و الان دت
ايما جوالاتو و كل حساباتو مفتوحة قدامي ( انا اكتب الان من جواله ) معليش طولت عليك عسى الله يهدي زوجك و لا تعيشي بضنك و هم و الله ما يستاهلو

و الله يتمم حملك على خير ممكن في حل ثاني طنشيه تماما ( انا ما قدرت اطنش لاني احب الحلول السريعة ) و عيشي حياتك و استعدي لولادتك على خير و سهر البيبي و الرضاعة الخ كل هذا يحتاج منك قوة بدنية فلا تضيعيها في التفكير في اشياء تافهة

أختي الكريمة
اجلسي معه ولا تتغاضي في شيء يغضب الله كوني حازمة جادة معه قولي له هل ترضي لي هذا الشيء ؟!
قولي له اتقي الله في نفسك فانت رجل محصن وذنبك مغلظ عند الله
أختي الفاضلة لا تستهويني الامر قد يحتاج منك وقت وجهد ومتابعة وتذكير بالله ولك في ذلك الأجر والثواب هذه من خطوات الشيطان اللي الله نهانا عنها وعن اتباعها لذلك كوني له رادعة واعية واهجري الحديث معه اذا لم يستجيب بناء على ردة فعله انت من يحدد مصيرك معه تريدين الكفاح اركبي رحلة الكفاح ربما يعود وربما تطول عودته وربما لا يعود ويتمرد فالقرار قرارك الى هنا اكتفي

هدي بالك ..
انك لا تهدي من احببت ..'

انتِ عليك امر بمعروف ونهي عن منكر .. وهدايته بأمر الله وتوفيقه ..

على كلامك زوجك فيه خير ..
هو لا بد من المصارحه والمواجهه .. و جلسة نقاش مطوله وهاديه ..
ولكن ؛ يكون بإذن الله بعد ما تقومي بالسلامه ..

وحاولي في هالفتره جذبه لك .. واشباعه عاطفيا ..
اصلح الله لك زوجك ..

__________________

كل الكﻻم اللي قلتيه جربته بس مو مباشره اعطيه قصص ناس وهو يشاركني واخوفه من الله بس بطريقه غير مباشره خوفته من التﻻعب باﻻعراض وانه ممكن يرجعلك في اهلك
اللي بيجنني انه يستنكر هاﻻشياء وبدال ماانصح فيه هو اللي ينصحني
وهو اللي يحرصني ع قيام الليل واﻻذكار وقراءة القران وووو
يعني هو راسم صورته قدامي شي كبير اخاف اواجهه انه هو اللي كذا يتمرد ويصير مايخاف من شي

بيترك هالسوالف ان شاءالله بس يبي له وقت لحد مايمل ويطق من هالطريق،،وانتي بعد لازم تغيرين من شخصيتك شوي حتى لو تكوني قويه شوي معه اقري مقالات ناعمه الهاشمي بتفيدك كثيررر