صباحكم ياسمين ..

بما انه مواضيعي دائماً مشاكل .. او بالأصح ما أجي هنا الا وعندي مُشكلة ..

قررت اليوم اكتب لكم بروح ثانية .. روح أحسها سكنت داخلي من جديد ..
وهذا الشيء صار بفضل من الله ثم إرادتي والسعي الحثيث منّي لأتغير وأكون زي ما انا أتمنى ..
والاهم من ارادتي وقفتكم معايا..
ما ندمت ابدا اني كنت أستشيركم هنا..
شكرًا لأنكم كُنْتُمْ صادقين معايا.. وما جيتوا ع هوايا زي ما انا كنت ابغى زمان ..

شكرًا أنكم ما طبطبتوا عليا وكلمتوني بكل شفافيه ومصداقية ..

مع اختلاف آرائكم .. تبعاً للظروف والبيئة والشخصية طبعاً .. الا انه كل شخص فيكم كان يكتب من قلبه ومن وجهة نظرة ومن الشي اللي يمليه عليه ضميره..

أحبكم والله كثير ودائما انا متواجدة خلف الكواليس اتابعكم.. ادعي لكم ..

سبحان الله مواضيعي الاخيرة والكلام الجارح اللي سمعته من البعض .. وكلام العقل اللي وجهه لي البعض الآخر.. وتخلصي من بعض التراكمات اللي اتعبت كاهلي فترة طويلة .. وجملة زوجي انه للصبر حدود .. وكلام امي انه مافي احد يتحملني بدلعي وتصرفاتي .. كل هذي الأشياء اجتمعت و كانت نقلة ليا من حياة الضعف والدموع والزعل الغير مُبرر ..
لحياة القوة من الداخل .. والصبر.. والكفاح من اجل اكون أنا ..

تخيلوا تعلمت الصبر بالذات على زوجي..
صوتي ما صرت ارفعه..
خلال الفترة اللي فاتت مره وحده اللي بكيت معاه بالسيارة .. بس ما رفعت صوتي وما تكلمت وما طولت لساني.. وما طول زعلي..

زوجي لاحظ التغيير .. قبل يومين قال لي :
للأمانه انتِ انسانه ممتازة .. والله ماينقال عنك الا انك زوجة وحبيبة وصديقة وانسانه تشرح الصدر ..
قلت له : ليش اول ايش كنت !
قال : كنتِ عسل وقمر بس كانت في أشياء مزعلتني منك .. لكن الان والله استنى الوقت اللي اجيك فيه .. وما ابغى اروح من عندك.

الحمدلله .. الحمدلله .. الحمدلله ..


صح الحمل مأثر شوي عليا .. بس قادرة أسيطر على انفعالاتي.. قدرت اضبط نفسي حتى وقت ما اكون معصبة.. واستفدت كثير مو بس بعلاقتي مع زوجي وأهلي وصحباتي... كمان انا ارتحت وصرت اكثر تحمل على مواجهة الضغوط..
طبعا غيّرت معرفي .. كَ نقله ليا من القديم للجديد.. وأكيد البعض يعرفه .. وقريبا راح الغي هذا المعرف نهائي لان فيه اسرار وكلام ماضي انا نفسي ما أحب أتذكره

شكرًا لكل من دعمني او وجّهني.. او دعا لي بظهر الغيب ..

أحبكم كلكم 😘😘😘😘

الله يتمم عليك ويوفقك ويزيدك..

التحدي الحقيقي انك تستمرين وتحافظين ومايكون شي طارئ ويروح..

قدها ان شاء الله 👍

بإذن الله مو شيء طارئ ..
انا اعرف نفسي .. وقدّها ان شاء الله..

دام حسيت بشعور الراحة بِ مُنفرِدة الجديده واللي حواليني مبسوطين مني ليش ارجع للشقا !
الخطوة الجاية أفكر كيف اكون ام حنونه وصالحة .. دعواتك

ما شاء الله

مبروك الروح الجديده

ونحن نحبك ايتها المنفرده

__________________
وهل من مصير اخر ؟

توقيعك جميل جداً .. ومعناه عميق ..

❤️❤️❤️

جميل أن يدرك الإنسان مكمن الخطأ ويحاول إصلاحه وتغيير نفسه للأفضل .. والأجمل دون شك أن يشعر بالأثر الإيجابي لهذا التغيير على الآخرين.


الله يديم عليج راحة البال يا منفردة.

__________________


اللهم طِيبَ الأثر .. وحُسْنَ الرحيل.

الحمد.لله حمدا كثيرا

من جد وجد .و المهم الاستمرار .

سعدت.باخبارك الطيبة

__________________

(انما يوفي الصابرون اجرهم بغير حساب )

ماشاءالله تبارك الرحمن

الله يزيدك حبيبتي ويعطيك حتى يرضيك من خيره وفضله وكرمه واحسانه

الله يوفقك ويسعدك

اثبتي ولا توقفي طوري نفسك وشخصيتك اكثر واكثر واكثر قدامك بيبيات وتربية

تبي صببببببببر وثبات وحكمة في التصرفات ....

__________________
lk

يا عيني يا عيني.. ما شاء الله

الله يتمم لك على خير اختي
ويديم محبة زوجك لك ..ولهفته للجيه عند واحتك

اش هيه الحياة يا منفرده ..؟ ايام معدوده .. نقضيها بضيقه وهم ومشاكل ليش..؟!
الا نعيشها بسعاده مع من نحب نفرحهم ونفرح انفسنا بحبهم

استمري يا منفرده
وكوني مصدر سعاده لنفسك ولمن اختارك لتكوني له حبيبه وزوجه ولا تخيبي ظنه بك
واجعلي صلتك بالله داااااءمة لا تنقطع فهو من ساعدك وارشدك فكوني معه في فرحك ليكون معك في شدتك..

وفقك الله وانار دربك..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

ما شاء الله اخبار جميلة

ربي يرض عنك ويرضيك ويسر لك

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~