السلام عليكم ورحمة الله وبركاته

استحي اكتب مشكلتي امام كل اللي اقراه لأنها تعتبر جدا بسيطة ولكني محتاره

طبعا الأعضاء تعرفون مشكلتي مع تأخر الانجاب الحمدلله انا وزوجي بدينا بالعلاج وبعد فترة مقبلين على محاوله جديدة.

طبعاً التأخر متعب كل حياتي ونفسيتي صرت اعاني من القالون العصبي والمعدة من كثر التفكير ووجهي شاحب يقولي الطبيب كله من ابر الهرمونات ولكن نحتسب الاجر من رب العالمين

انا طبعا كاتمه وكاتمه وامثل قدام الكل بالعمل بالبيت بالزيارات اني بخير لكن عند أي موقف او ضغط انحط فيه اعصب واتنرفز بس كل شي يطلع على زوجي اضبط اعصابي باي مكان لكن معاه انفجر وممكن اجرح بالكلام على موقف تافه وما يكون سبب الانفجار الا الشي المكتوم داخلي وادخل نوبه بكاء لحد مااهدا خاصه مع تغير الهرمونات كل شهر .

قبل اقل من أسبوعين حصل موقف وعصبت وجرحته اعترف لكنه السبب نرفزني وعصبني مايعرف وش كثر احتاجه وهو دايم مشغول بالعمل اتحسر مرات على نفسي ومشكلته ما يعرف يمتص غضبي ولا يهديني بالعكس يستفزني وما يعرف يتعامل معي بهالمواقف مع اني شرحت له اكثر من مره كيف ممكن اهدا انا مره طيبه وحنونه وحساسه حضن او احتواء على طول بهدا لكن هو يحسب اني اعاند او اني طويله لسان وانا بس من الألم اللي فيني والقهر من أسلوبه مع انه يحبني كثير وحنون .

المهم هو يمر بظروف بعمله مغير عمله والعمل الأول لسا متأخرين مااعطوه حقوقه ولسا توه بالعمل الجديد وعنده مكتبه الخاص وجالس يضبط وضعه في مشروع جديد وورانا التزامات نبني بيت وتعرفون التكاليف والقروض وعندهم اشوي مشاكل في بيت ابوه مع خواته فصاير عليه ضغط كبير زوجي قوي جدا لكن له كم يوم متضايق كثير وزعلان ومهموم وساكت مره وحتى العلاقه الخاصه بينا ما يقدر نجلس فترات طويله مع بعض احسه ما يقرب مني ويقولي ماادري اشفيني يمكن من الادويه ويقوله انه شايل علي وزعلان من اخر كلام وانا اعتذرت منه ووضحت موقفي في كلمه خطأ قلتها وانا مااعرف معناها وحلفت انه مو قصدي وبعدين صار موقف وبرضو غلطت بمثل شايع ينقال قلت له شفت علشان تعرف انه مو قصدي وانه اختلاف كلام بالمناطق والمفاهيم .


انا الحين خايفه انه ما يبيني ولا يبي يصير شي بينا بسبب انه شايل علي ؟؟ وماني عارفه كيف اخفف عنه كل ما كلمته يقولي قلبي يألمني وشكلي بموت ويقول انا مو طبيعي يمكن من الفيتامينات .

الضغوط اللي بيمر فيها قوية وصعبة لازم تحطي هذا الشي ببالك،،

كلها اشياء مهمة وتحدد مصير سواء وظيفته ولا بناء البيت ولا الانجاب..

فطبيعي جدا جدا نفسيته هذه وانه ساكت وحتى العلاقة يقل فيها،،

الرجل عادة اذا صادفته ضغوط يميل الى الانزواء والصمت ويدخل كهفه بعكس اغلب النساء اللي تميل للكلام والفضفضة،،

هنا يجي دورك كزوجة تدعمه وما تزيد ضغوطه،

لا تسأليه كل شوي لان هذا الشيء بيضايقه ويبدا يحس انه محاصر وبعد كذا ممكن حتى يهرب من البيت..

أعطيه مساحته ووقته وهيا فترة وبتعدي واطمني هو لا كرهك ولا شيء..

بس انت تحكمي في اعصابك وكلامك ولا تقولي هو نرفزني،

تصرفاتك وردود فعلك انت المسؤولة عنها بغض النظر كيف الطرف الآخر يعاملك..

خليه يشوف حبك واحتواءك له في تصرفاتك معاه واسلوبك، وان شاء الله ماراح يصير الا اللي يسركم ويريح خاطركم،،

أختي أمل
بإختصار أنتي تعاني من الاكتئاب وضغط نفسي كبير يعني كلام من هنا ومن هناك ماراح يغير في الوضع شي
نصيحتي لكي أستخيري الله و روحي لطبيب نفسي و خذي علاج مضاد الاكتئاب و مع علاج مهدئ
لانه أنتي بصراحه في أمس الحاجه لعلاج يهديكي وبعدين مو شرط تستمرين على علاج على طول
بس فتره لين تحسين نفسك هديتي
الله يفرج همك و يسعدكي ويحقق لك كل ماتمنيته و يرزقكي بذريه الصالحه اللي يملوا عليكي حياتك وبيتك
أمين يارب العالمين

اتركيله مساحة يختلي بنفسه و يستلد.بالوحدة و يعالج ظروفه

لا تزيدي الضغط عليه .يا امل .

__________________

(انما يوفي الصابرون اجرهم بغير حساب )

امل يمكن تفهمي كلامي غلط

مو قصدي انك بتضغطي عليه لا .انما انت مو في حالة تسمحلك بمواساته

تحتاجين للهدوء .و ستجديه في القرب من الله

تقربي لله بالصدقة و الدعاء و كلما احسست الضيق توضءي و صلي و ادعي علي سجادتك.

__________________

(انما يوفي الصابرون اجرهم بغير حساب )

الف شكر على هذه الكلمات الوافيه

الله يجعله في ميزان حسناتك

كلماتك اثرت فيني كثير وارتحت منها

اتركيه لوحده

شكرا اخي فارس مكه اكتئاب مره وحده

انا فعلا نفسيتي تعبانه ويمكن فيني نسبه بسيطه من اكتئاب ممكن / مره طلبت من الدكتور يعطيني حبوب تهديني بس قالي ما تحتاجي ابدا شعور طبيعي كل زوجين يتأخر حملهم يتعبو مو حاجه غريبه بس يمكن انا بزياده اشوي لاني مره حساسه ماتقدر تحكم علي لانك ماتعرف كيف حياتي وكيف عشت وكيف عايشه . والدكتور خبرني مااحتاج أي دوا لانه كل التحاليل سليمه والوضع طبيعي فما يبي يدخل مواد كيمائية بجسمي . فيما عدا انه مناعتي مره قويه وهالشي صحي جدا بالنسبه لي بس يعتبر من اهم الأسباب اللي تأخر الحمل لانها تعتبر الجنين جسم غريب.

انا مثل أي بنت حبت تستقر وتتزوج انخطب من عمري 17 وتزوجت وعمري 29 لي قصص مع الانتظار الحمدلله بالنهايه رزقني زوجي وبعدين عرفت وش حكمه التأخير والانتظار وانه بالذات هو يكون نصيبي
كانت معه مشكله بسيطه ولو مش من البدايه تابعنا ماكنت عرفت وش مشكلتي / لو الله كتب اتزوج غيره وماحصل حمل والسبب مناعتي كيف راح تتدمر حياتي لكن كل شي صلاح وخيره .

اما حياتي اليوم راضيه فيها الحمد وراضيه بكتبه ربي لكن للأسف زوجي على رغم حبه لي وهو مره حنون وحساس ومو مقصر معي ابدا لكنه للأسف حياته كلها عمل في عمل عادي جدا يعمل اكثر من 12 ساعه باليوم اقدر طموحه وسعيه واحب الرجل المكافح لكن احنا لانفسنا علينا حق.

يقولي لا تبكين علشان موضوع الأطفال هاذي كتبه الله وممكن نتزاعل بسبب هالشي طيب مرات غصب عني مسويه عمليه وتعبانه فيها شهر وادويه وابر ومستشفيات واذا ما نجحت طبيعي ببكي على نفسي يزعل مني ويتخاصم.

واكره شي متعبني ماعندنا بحياتنا شي اسمه اجازه انا موظفه واثنينا مقتدرين وزوجي متعود كثير على السفر من أيام دراسته وعمله. من حقي اخذ اجازه ارتاح اسافر ماابي مكان بعيد لو عمره هو ماقصر وداني اكثر من مكان بس لانه يكون له في هالمكان عمل واجلس لحالي من الصبح الي المغرب وممكن نطلع او لا هاذي تنحسب اجازه مثلا ؟؟ وبقيه اجازاتي كلها مستشفيات وعمليات وانتظار بعد ترجيع الاجنه ارجع اجنه وانتظر وتفشل ومن ثاني يوم اداوم ولازم امثل اني مرتاحه وراجعه مبسوطه من اجازه . انا مو مستوعبه انه مو حاس وش كثر انا تعبانه لي 3 سنوات من تزوجت ولا اجازه راحه وحده وكلها مستشفيات والم وتعب حتى إجازة زواجنا يومين ورجع الدوام اعتقد من حقي على نفسي اني ارتاح مايعطيني هالمجال حياتي باختصار كلها عملوماشيه برتم سريع جداوانا مااتحمل كذا احب كل شي يكون مخطط ومنظم كلها وحده والم ومستشفى حتى بالويكند يجلس معاي يوم واحد فقط .

شفت كم التعب اللي اعيشه وبعد احمد ربي واشكره وتعلمت اصيغ وارتب حياتي لحالي معظم الأوقات وتعلمت كيف استشيره فقط في الأمور المهمه وهذا اذا وافق غيور ومتشدد. وتعلمت في أمور مااقولها له وافكر الف مره قبل مااقول أي موضوع لاني فهمت وش اللي يزعجه مااقدر اتعامل معاه بطبيعتي او أكون عفويه لانه على شي تافه ممكن يصير فلم كامل . ورغم كل هذا أقول الحمدلله وايجابياته اكثر من سلبياته واعترف انه افضل من غيره كثير لكن للأسف الشديد يمكن في بعض الأمور انا معاه صعب نتفق او نوصل لبعض فيها .شفت وش كثر كاتمه

الحمدلله على كل حال كل رجائي انه مثل ما تغير الحال عن بدايه الزواج وصار في موده ورحمه اكثر بينا وتفهم وزادت المشاعر يعتدل الوضع مع مرور الأيام اكثر واكثر وانه الطفل يقرب المسافات ويزيد المحبه والتفهم بينا .

أختي أمل
أنتي عايشه في وسط مثلث كله ضغوطات
الضغط الاول تأخر الانجاب الله يعجل لكي بذريه الصالحه
والضغط الثاني طبيعة شخصيتيكي الحساسه
والضغط الثالث أنشغال زوجك عنك وأن كان زوجك زوج صالح لكن في أنشغاله الزايد عنك تعتبر سلبية فيه

هونيها وتهون يا أختي
أنا أعرف أقارب ليا صارلهم عشرين سنه متزوجين ماجاهم أولاد
والحمد لله راحوا الاردن تعالجوا هناك والان ماشاء الله تبارك الله بنتهم في المدرسه
صدقيني راح يجي الفرج وتنسين كل معاناتك وخلي أملك في الله كبير