السلام عليكم ورحمة الله وبركاته
كيفكم ان شاء الله جميعكم تكونو بخير
مابدي اطول عليكم بس انا محتارة جدا ومش عارفة شو اعمل وبدي رأيكم
انا بنت خلصت جامعتي كمهندسة حاسوب وعمري حاليا 24سنة
تقدم لي حاليا طبيب يعمل في ألمانيا وخواته كتير كويسات وحبوني ومصممين علي
المشكلة انو هو عمرو 36سنة وتزوج فترة بسيطة وطلق بدون اطفال وافهمت السبب انا واعرفت انو المشكلة منها مش منو,لان هو حكالي بالضبط شو صار وانا حكيت معاه وجها لوجه على السكايب وكتير حسيت انو انسان كويس
بس اللي مخوفني قصة العمر مع انو اهلي موافقين وبيحكولي مافي مشكلة وهو ابن عالم وناس ومامتو وباباه متوفيين بس يعني خواتو واخوتو اللي بنعرفهم .فشو رأيكم السن اللي بينا كتير كبير ولا كيف
وشكرا مقدما

استخيري و خدي وقتك تكلمي معاه عن اهتماماته عشان تعرفي طريقة تفكيره

بالنسبة للسن الفرق بينكم مش كثير كبير اذا كان الشاب كويس و اخلاقه مليحة

__________________

(انما يوفي الصابرون اجرهم بغير حساب )

بالنسبة للعمر ما في فرق كبير كتير
انا زوجي اكبر مني ب 11 سنة
وعمر العمر ماكان حاجز ولا مشكلة في الارتباط
المشكلة هي في اختلاف الطباع والعادات والثقافات
بالعكس ممكن يكون فرق العمر في صالحك
في انه حيكون انضج منك وعند خبرة وتجارب في الحياة
تخليه يقدر يحتويكي ويفهمك ويتقرب منك ويعلمك اشياء مابتعرفيها
ومادام تعرفي اهله ناس طيبين منيح كتير
هلاء بقي انك تعرفيه هو وما تقولي شفته على السكايبي ومبين عليه منيح
يعني هو بده يوضحلك انه مو منيح على طول وهادي الاشياء ماراح تعرفيها
الا اذا كانت قدامك فرصة تكوني فيها قريبة منه وهي فترة خطوبة
بس خلّي اهلك يسألو عنه وعن اخلاقه كيف ببلاد الغربة
من ناس عايشين هناك وهاد الاهم
بس الاهم هلاء استخيري وادعي ربك يقدملك الخير
وان شاء الله ربي يتمللك امورك على خير

__________________
الحمد لله

استخيري
والسن ماهو مشكله ابدا
اهم شي اخلاقه كويسه
واسالوا عنه كويس
لاتعتمدي على اهله وانهم كويسين
ولا اعتمدي على كلامه في طلاقع

اولا شكرا كتير بجد على ردكم وانكم اسمعتوني
بالنسبة اني لازم اشوفو فهاد اشي اكيد وانا مصممة انو لازم ييجي وهو فعلا حكالي رح ييجي عشان نشوف بعض عن قرب وبالنسبة لقصة الزواج الاول انا اتأكدت من القصة من طرف بعيد كليا وحكالي نفس الكلام
بجد مشكورات كتير