بداية اتمنى تتفهمون وضعي
وانا فعليا جايه اطلب مشورتكم والحيادية لا اسخر ومو مغترة بنفسي ..
متزوجة من 4 شهور ، عمري 21 وعمره 27
بدت مشكلي من بدايات الملكة من عرفت شخصيته ، استمرت 5 شهور كانت متعبة جدا جدا للطرفين
طالبت فيها بالانفصال قبل الزواج وللاسف عارض بكل مايملك وحاول يتممه بأي شيء والحمدلله على كل حال
زوجي فيه ايجابيات كثيرة يخاف ربه فيني ، معطيني حقي المادي كامل ، مايظلمني ابدد ، ويحبني جدا

صلب مشكلتي عدم قناعتي الكلية فيه ، عدم الرضا ، مو قادة احبه واريحه
احسه وكأنه بعمر ال 15 سنة ، ماعنده قدرة على تحمل الظغوط اطلاقا ماعنده قوة وصبر ، يصيح كثير وماعنده مشكلة يبين ضعفه قدامي
يشكي باستمرااار ومن اي شيء
متشائم نظرته سوداء لكل شيء
يفهم غلط ويندفع باطلاق الحكم الظالم ، ماعنده تروي وحكمة
غيرته جنونيه
مره كنا طالعين لسوق نزلت من السيارة سبقته وهو وقف يقفل ، فجأه الا اسمع صراخه وكمية سب سب لسواق جالس بسيارته ينتظر لانه كان يناظرني
انصدمت كان شوي ويرفع يده عليه ، والناس تمشي وتلتفت عليه
مااقدر اوصف موقفي وانا اشوفه وخايفة جدا
انصدمت من معالجته للموقف ، طيب انت شايفني متستره ، وراضي اني اطلع بهالشكل
ليش تسوي كل هذا ؟

لما يتكلم اتعب وانا اسمعه كلامه كثييير جددا ، ويدخل بتفاصيل التفاصيل
ويكرر كثيير
لما يصير موقف بينه وبين شخص ويصير هو فاهم غلط ، اقوله طيب يمكن هو بباله كذا وكذا او يمكن مايقصد كذا ، فيتنرفزز ويقول انتي ليش دايما ضدي
انا كل اللي اسويه اوسع نطاق احتمالاته ويحط بباله الف سبب وسبب قبل يحكم ع الناس

مره تهاوش بالقروب مع خواته عشان سالفة عادية جدا ، وكان يسبهم
كان يذكر كل المواقف الماضية اللي سوته معه ويذكر كل افضاله عليهم وهم مايستاهلون غير من يوطى عليهم ويربيهم
انصدمت كيف يتكلم عليهم بهالشكل و قدامي وكيف انكر كل شيء حلو سووه معه
قلت خواتك مايقصدون وان هم قصدهم كذا
عصب وارتفع صوته وانتي ضدي وو
انصدم من طريقة سبه لأهله ! كنت جدا خايفة منهم وقت الملكة كثر ماكان يسبهم ويحذرني منهم ، حاليا ما اشوف منهم الا كل خير وحاشميني ومقدريني وحاطيني فوق روسهم
ماعاد صرت اثق فيه
اخاف يسبني عند اهله لو صار بيننا مشكلة
لانه مستحيل يتحمل ويسكت لازم ينفجر

هو يحبني جدا جدا ومستعد يعطيني اي شيء ابيه ويدور على رضاي دايما ، واذا عصب وقال علي كلام يعتذر ويبين ندمه
حبه لي مشكل لي تأنيب ضمير قوي
يحاول يلبي لي كامل احتياجاتي ومجرد مايحس اني ابي شيء ، يجيني هالشيء قبل اطلبه
لكني مو حاسه بأي انجذااب له ، مو حاسه برجولته ولابقوته وصبره وحكمته
اقسى عليه اوقات ابيه يصير اققوى
ارفض اسمع شكاويه ما ابيه يشكي
ابي احس برجولته ما ابي احسه ضعيف
اقصر مني ، وهالشيء يحسسني بنقص
عارفة ماله ذنب بخلقه ربي ، بس ليش ماطلب قصيرة ؟ وانا ماكنت عارفه بقصره وقت الشوفة كان جالس


ارحمه كثير ، ارحمه لما يقول لي سويت لك كل اللي اقدر عليه ليش ماتحبيني !
طبعا اعترافي له بأني ماحبيته جاء من ظغغط والحاح منه اني اتكلم وكان ايام الملكة وظنيت يتركني لمن اعترف بهالشي وماتركني ولازال مجروح من هالكلمة ومتذكرها زين
كثير اقوله انت ماقصرت معي ابد ، وفعلا ماقصر بحقوقي
بس عجزت احبه ، ايام شهر العسل حاولت اعيش وكأني احبه بس ماقدرت استمر
اكره نفسي وهو يعبر عن حبه ، ماتحمل ملامحه وهو مفتون بنظرته لي
ما ابي حبه لي يزيد ، اتمناه يكرهني ويترك محاولاته المستميته بأني احبه ، عشان ارتاح ويخف تأنيب الضمير اللي ملازمني
ارحمه لما يجيب لي اسماء دورات عن الحياة الزوجية
ماينقصني الحمدلله واعرف تماما كيف اتعامل معه واكسبه وهو سهل ولين ، بس ما احبه
مافيه دافع يخليني اتعامل معه وانا ابي بعده عني
يداوم بمدينة وانا ادرس بمدينة ثانية ، راحتي بالبعد عنه صرت انغمس بدراستي واتمنى ما اخلص منها ، صرت متحمسه للماجستير وابي اكمل عشان مااتفرغ او اظطر اروح له بعد ما اتخرج
اكره الويكند لاجاني
يجي لي متحمس وانا محبطة ، اهه شعور مؤلم مؤلم
متزوجة ومو متزوجة ، اعيش انفصال تام عن واقع الحياة الزوجية
يشوفني عنيدة وما اسمع كلامه
وانا كل اللي اسويه اني اعارض لاني مو متخيله شخصيته بهالشكل
ومو متخيله ان كل شيء عنده ممنوع وانه حذر باشياء كثير وماعنده مرونه ابدا
فعلا انا مو معطيته حقوقه ولا قادرة اعطيه
اعرف ان حق الزوج عظيم ، واخاف من عقاب الله لي .. هالشيء اكبر سبب يخليني افكر بالطلاق

صايره اتعبه ابيه يكرهني ويتركني
وهالشيء صار شبه مستحيل ، يقولي مو متخيل وحدة غيرك
سبق وقلت له تزوج علي وانا خليني فترة عند اهلي
رافض جدا اي شيء يبعدني عنه
رفضي له مو عشان معاملة قد ماهو طبيعة شخصية ، مختلفين بالشخصية والتفكير والتعامل وكل شيء
اتمنى له السعادة فعلا ، اتمنى ياخذ وحدة تسعده وتستاهل حبه ، عاش يتيم وتعب بحياته اتمنى يرتاح اتمنى ..

يستاهل وضعي الطلاق ؟
ربي يعاقبني على ظلمي له بشيء فوق طاقتي ؟
لو كانت حالتي تستحق الطلاق كيف اخليه يتركني ؟
ما انسى وقت الملكة لما كان يكلم ابوي ويصييييييح يقول مستحيل اخليها تكفون اقنعوها وووو
كيف اواجه اهلي وانا ما اقدر اضيق صدورهم نفس ماسويت قبل الزواج

المعذرة ع الاطاله،،،

مستجدات
الرد 197
http://www.66n.com/forums/showpost.p...&postcount=197


مستجدات
الرد 234
http://www.66n.com/forums/showpost.p...&postcount=234

مستجدات
الرد 255
http://www.66n.com/forums/showpost.p...&postcount=255

نياااالك ع زوجك

مو عرفانة قيمة النعمة الي عندك

ياريت زوجي متل زوجك كنت كييفت ههههه

جد زوجك فيكي تحتويه بكل سهولة و تصيري انتي الشي الوحيد بحياتو

بس انتي عمترفسي النعمة انتبهي

غلطتكِ أنكِ جاملتِ قبل الزواج.

فلا تجاملي أكثر إلى أن تجدي نفسكِ وقد رُبِطتِ بأطفال لا ذنب لهم في كل هذا.

__________________


اللهم طِيبَ الأثر .. وحُسْنَ الرحيل.

اختي قبل تتفاقم مشكلتك
افتحي موضوع بقسم ساعدني
واطلبي انيليمتد واطرحي لها موضوعك راح ترتاحين كثيرا
وراح تساعدك بالخطوات ان تعدين مشكلتك وعلى خير يارب

عارفة سهر ، تدمع عيوني وانا اشوف المتزوجات يحاولون يجذبون ازواجهم وينتظرونهم وو
احتاج احس بهالشعور اللي ماعرفت احساسه
احتاج بشعور اني احبه وادور رضاه
ههههه هيك الدنيا كل واحد يشوف اللي ناقصه : (

زوج ينشر ب مع المية العكرة


لا تخافي الآن نخبطك عين يتحول الكره لحب

ا ربنا يزرع حبه في قلبك

__________________

(انما يوفي الصابرون اجرهم بغير حساب )

عشت بعذاب نفسي وصراع وحسب لكل الايجابيات والسلبيات
ماكنت ابيه ، بس ياكثر اللي قالوا بتحبينه بعد الزواج
اهلي شايفين حبه لي وقالوا مابتلقين احسن منه وراح تتذكرينه وتندمين
، وهل اذا انفصلتي بتضمنين يجي شخص تحبينه !
اه مهرة حاولت حاولت حاولت لين اخر اسبوع قبل الزواج كنت اطالب بالانفصال

يارب
ياليت الادارة يطلبونها هنا
محتاجة اكثر عدد من الاراء

عزيزتي .. أفهمكِ تماماً ولكنني لا أريد أن أثقل عليكِ.

فقط استخيري وثقي أن الله سيدلكِ على طريق الخير.

وأجلي الحمل حالياً.

__________________


اللهم طِيبَ الأثر .. وحُسْنَ الرحيل.

هههههه حبيبتي انتي
اميين يارب