هل أقبل به ؟ ...(جذيلها المحكك-رجل الرجال)
السلام عليكم ورحمة الله وبركاته
أريد استشارتكم في موضوع الزواج من مواقع الزواج بالنت
أنا عملت حساب في موقع يشرف عليه أحد المشايخ وتابع للندوة العالمية وكتبت مواصفاتي ومواصفات من أرغب به زوجا
راسلني أكثر من واحد وما رديت عليهم لانهم غير مناسبين آخر واحد أكبر مني ب15 سنة ومتزوج وقرأت بروفايله وشفت فيه الصفات اللي أتمناها وهو أرسل ان صفاتي هي نفسها اللي يبغاها في زوجته .. ما رديت عليه لكنه أرسل مره ثانيه حسيت انه جاد رديت عليه يعطيني فرصة أستخير ووضحت له أن أبوي ما يقبل من غير أهلنا اتوقعته يتركني لكنه طلب مقابلة أبوي بس أنا خايفة لثلاثة أسباب :
1/ لاني داخله الموقع بدون علم أحد من أهلي وهو طلب يقابل ابوي فماني عارفه لو قابله وسأله من فين عرفت عننا ايش ممكن يجاوبه ؟
2/ وكمان خايفة من الزواج بهالطريقة أخاف ما يستمر مع اني ما كلمته الا بدي الكلمتين فقط ومافي بيننا أي تواصل لان الموقع مراقب وممنوع ينحط رقم الجوال أو الايميل
3/ ولان ابوي أصلا ما يقبل أحد إلا من أهلنا بس أنا قلت خليني أجرب أسجل بالموقع يمكن ربي يكتبلي النصيب
المشكله انه من جنسية غير جنسيتي وهالشي يتطلب معاملات للحصول ع الموافقة ويمكن يحصل عليها وممكن لا
أنا ابغى أعرف مدى جديته قبل ما يقابل أبوي يعني أحد من اهلي يكلمه أو يقابله أول بس ماني عارفة كيف أكلمهم ..
أتمنى تفيدوني وتنصحوني ايش ممكن أعمل وهل أستمر أو انسحب من الموقع ؟
أنا ما زلت بالعشيرينات يمكن تستغربوا ايش مدخلني الموقع وانا لسا صغيره .. أنا اتقدمولي ناس كثير من اهلنا ومن غير أهلنا وانخطبت 3 مرات من أهلنا وكلها ماتمت وبعد آخر خطوبة محد اتقدم وكأنهم يتحاشوا ابوي لانه هو السبب في فركشتها الثلاثة .. عشان كذا دخلت الموقع وفعلت السبب يمكن ربي يكتبلي نصيب من الموقع ..
أتمنى تساعدوني لاني في حيرة من أمري .....