مسألة انك ماتحسي بقوامته عليك انا فاهمه وحاسه بهذي النقطة معك مو لان الارض بإسمك اتوقع هذا عادي عندك بس بسبب انه انت جالسه تصرفي على البيت والاولاد وراتبك كله لهم ماتقدري توفري مبلغ تدلعي نفسك فيه ...لاني اعاني مثلك في هذي النقطة

ههههههههههههههه عارفه يام غاليها بعد ردك الاخير حسيتك مرتاحه زي الي اخذ حقه وشاف الاخر يعاني وارتاح حتى لو شعرتي بتأنيب ضمير من الي سويتيه بس بالعربي بردتي قلبك 😂😂😂

المهم الحمدلله انه تفهم زوجك لكن برضه غلطتي انك تساليه ايش يبغى منك كان قلتي كلنا لازم نتغير الاشياء الي ماتعجبك فيني والاشياء الي ماتعجبني فيك. انتي لازلتي تلغي احتياجاتك من زوجك وتطلبيها اتوقع في وقت الغضب او في وقت غير مناسب ومايستوعبا زوجك

حالياً لا تقولي له شي عدلي من اسلوبك خذي الامور ببساطه افرضي ع نفسك احترام زوجك حتى لو رفع ضغطك تذكري انه الكلمه الطيبه صدقه

بعد فتره قولي انا تعدلت بدون مااطلبك تتعدل لاني قلت مجرد مااتعدل هو يتعدل وانا ماني شايفه منك تعديل ابغى منك تسوي كذا وكذا وكذا

اخيراً لا تمنعي زوجك ابداً حقه الشرعي وتذكري انه حقك برضه .....والله اغلب المشاكل منبعها الفراش وانتي ذكرتي انك أرضيتي زوجك بعد ردة فعلك بأمور خاصه اذاً انتبهي لهذي الامور ولا تهمشيها وحاولي تشيلي نفسك من بعض المسؤليات وصفي ذهنك من الافكار السلبيه .....

الله يسعدك واعذريني لو قسيت عليك قبل في ردي والله دخلتي قلبي ذكرتيني بحركات اختي مع زوجها تخاصمت وترفع صوتها وتتصرف تصرفات طفوليه معاه وهو ساكت لكن لما يزعل يطلع الاولى والاخيره وتهجد قلتلها انتي مو طفله تشاغبي ومن ضربه تتعدلي عدلي من اسلوبك معاه وعامليه كزوج مو كأبن لك ....