http://www.66n.com/forums/showthread.php?t=253288


هذا رابط موضوعي سابقا..
مشوشه جدا .. ومتعبه من التفكير في اتخاذ خطوات جاده مع زوجي ومحتاجه مساعدتكم بشدة ترتبون لي أفكاري وخطواتي ..
أحب زوجي كثير وأداري خاطره ولا أحب يزعل مني ولو دقيقه وحده ..
الأيام الماضيه الحمد لله كانت جدا حلوه واعتقدت ان قدرت احل المشاكل اللي تواجهني معه اللي هي باختصار .. زيارة اقاربي .. واستغلاله لمرتبي ..
طبعا الحمد لله اخذني زياره بنفسه لكل اقاربي ولله الحمد طلبته ونفذ ..
مرتبي الشهر الماضي سحبه واعطاني اياه كامل ولا طلب منه شي وبالعكس اعطاني مبلغ اضافي من عنده فترة العيد ..
بس هالايام وتحديدا يوم الراتب قلت له يسحب لي مبلغ لأني داخله جمعيه ابغى اسلمها لصاحبتها لأنها طلبت تكون كاش. ..وقلت له ابوي طلب مني 2000 اضافيه لأني شهريا احول له 1000 ولأمي 1000 فقلت له يحول لهم ..طبعا رد علي بكلمه وحده بس ( أقول ).. وماسوا شي ذاك اليوم و ماكلمته ابدا لأني توقعت هو اللي عنده كلام وماقال شي. . اليوم الثاني ارسلت له رساله تأكيد يسوي الكلام اللي قلته في اليوم السابق وكمان جا من دوامه وما سحب ولا حول بعدها هو تعب وغاب الثلاثاء والاربعاء فأخذت البطاقه حقتي واعطيتها وحده من زميلاتي تسحب لي وتحول وما امداها ذيك الليله. . اليوم التالي اللي هو الخميس صحى الصباح وقبل نطلع من البيت للدوام بشوي سألني وين الصرافات قلت بطاقتك مدري .. بطاقتي اعطيتها زميلتي تسحب لي. . انقلب وكأنه معصب وماطل فيني شوي وأخرني عن دوامي وحسيت انه معصب ليش اتصرف من نفسي لأنه ما يحب اتصرف من راسي يحب يكون هو المسيطر. . المهم طلعنا من البيت قال اعطيني بطاقتك بانتظرك برى خذيها من زميلتك وجيبيها لأنه بطاقته ضاعت للمره الألف وهو اساسا متعود يحول راتبه ع حسابي ويسحب ببطاقتي .. المهم قلت طيب .. وانا قلت فرصه يسحب لي معه ويحول .. المهم ارسلت له الساعه 9 و45 دقيقه وقلت تكفى تسحب لي وتحول لامي وابوي ..مارد طبعا وقلت اليوم اكيد بيسوي كل شي. . جا نهاية الدوام قلت له سحبت لي قال لا قلت حولت قال لا قلت ليش قال ماوصلتني الرساله الا انا بعيد عن الصراف وجاي .. انا بلعتها وسكتت وقلت مو مشكله يوم الأحد قريب. .
طبعا حنا في منطقه نائيه بعيده عن الخدمات واجهزة الصراف. .
المهم اليوم كلمته اثناء الدوام وقلت له اليوم اسحب لي ضروووري قال ما اهذت بطاقة الصراف.. رغم انها والله دايما معه بس اليوم شكيت انه تركها عمدا ف البيت .. قلت ليش وانت عارف اني محتاجه الفلوس من الاسبوع اللي فات..قال والله ما اخذتها مو معي.. قفلت بسرعه وتضايقت ورحت اعتذرت للحرمه عن التأخير بالجمعيه وقالت عادي جدا بس انا خجلانه منها .. ومدري ليش زوجي يتعامل معي بهالطريقه وانا عارفه ومتأكده انه متعمد .. بس ليش مدري رغم اني والله ماقصرت معاه ابدا ..

انا ما اعرف اتكلم مثل الناس في داخلي كلام كثير ودي اقوله له بس ادري اني لو ابدأ اتكلم دموعي بتكمل وهو زعوول وعصبي وادري انه بيثور بسرعه .. واتوقع اللي مزعله اكثر هو طلب ابوي للفلوس .. وكمان هو زعل لما دخلت جمعيه .. لأن راتبي كان يساعده كثير وهو مديون جدا وارتباطاته الشهريه توصل ل 20 الف احيانا .. وانا قاعده احاول اسحب نفسي وفلوسي شوي شوي وحسيت اني نجحت الشهر اللي فات بس هالمره هو قاعد يتلاعب فيني بحكم اني ماعندي غيره يسحب لي فلوسي ..


ارجوكم عطوني حلول خطوات تدريجيه واسلوب مناسب لشخصيته الصعبه
لأني محتاجته بكره يسحب لي الفلوس وادري انه بيكرر اللي صار

السلام عليكم ورحمة الله وبركاته
اشكر لك ثقتك وارجوا من الله التسديد
اختي الكريمة
مشكلتكما الغموض في التعامل مع بعضيكما فاستخدام الحيلة بدل الوضوح مع بعضيكما يدل على ان خلف استاركما افكار وعواطف مخبئة تصل للسنين من الحوارات الصامته وهذا مدمر
ولتتخلصي من الضغط الذي يعود الى مشاعرك بالسلب ويعيقك عن المواصلة
افتحي وورد بالجهاز وبينك بين نفسك وجهي رسالة لزوجك واكتبي كل مابجعبتك له اغلقي الملف وستشعرين بهدوء وترتيب افكار
ثم وجهي رسالة لنفسك ولتكن منصفه وكريمة
وبعد هذا ننتقل الى
الحل:
المواجهة والمصارحة في جلسة هادئه للوصول لحل تكوني قد وضعت اهدافك له سابقة ولتكن اهداف توصلكما لبر الامان دون هضم حق احدكما لمصلحة الاخر فهي جلسة مصارحة لا مجامله
ولجلسة المصارحة شروط بعد الدعاء و التوكل على الله
1_ الوقت المناسب
1_1ذكر الهدف من الجلسة
1_2الاحترام وعدم اشعار الطرف الاخر انه في محل اتهام بل انهما يفككان مشكلة سويا ليتخلصا منهاويعشيا بسلام
2_ذكر نقاط الاتفاق بينكما وثناء المقابل
3_الانتقال للسلبيات كمعطيات تحتاج لاعادة النظر والتصحيح بدون لوم او تعنيف كي لا يلجأ للدفاعيه
4_ذكر اسباب السلبيات وطرح حلها
5_سماع المقابل والانصات له واخذ كلامه بعين الاعتبار
6_ الاتفاق على الحل اخيرا لتحقيق الهدف بشكل جاد

وفقكما الله

__________________
الحمد لله..اللهم صل على محمد و ال محمد

التفريغ المنهجي

انليمتد .. شاكره جدا كلامك .. حقيقة رتبت أفكاري مع نفسي شفهيا بدون ملف الوورد .. تكلمت معاه وتكلم معي بكثيييييير من الود والتفاهم .. والحمد لله قدرنا نتفق على نقاط ترضينا .. بس هو طلب مني انسحب من الجمعيه لأنها باعتقاده ارتباط ماله داعي وأنا رفضت طلبه بلطف وقلت له هذي رغبتي .. حسيته ما اقتنع بس سكت ..
والحمد لله .. هو ملخبط كثير بسبب ديونه ومتأمل علي.. هذا اللي يخليه مصدوم لما اصرف راتبي كامل بدون ما اعرض عليه مساعده .. وفي نقس الوقت ما يحب اصرف بدون شوره ..
والحمد لله الذي بنعمته تتم الصالحات