صدقيني الاستخاره تغير مسارات وتفتح أبواب كانت مغلقه
قبل تروحين برضه استخيري واكثري من الاستغفار
واحسني الظن بالله والله ماراح يخيب ظنك
أسأل الله أن يهديه ويسخرلك زوجك كان فيه خير لك وبناتك
ويصرف عنك كل أمر عسير
تأني ولاتستعجلين في كل خطوه تاخذينها ادرسيها مع نفسك من جميع النواحي واستشيري من عنده خبره

والله انا كرهته واهلي طفشو منه ومن مشاكله ونفسيتي تعبت من تزوجته والحين احس براحه عجيبه لما ابتعدت عنه واحس اني مرتاحه جدا لفكرة الطلاق لاني اعرف هالشخص لامجال انه يتغير ابدا وانا ماعاد لي هوى ارجع اعيش معه بالعربي كارهته ومحتقرته لانه اخذ الزواج لعبه مره بيلق ويهدد ومره بيرجع بس بشروط ماني بضاعه انا وماني حاسه بالامان لو رجعت له لان تفكيره وعقليته غريبه لابعد الحدود وعنده اهل بعد ماشاء الله مايحتاج انا من طرفي ماعاد بسال فيه خلاااااص وهو ماهمني راح والا جاء ولا افكر وربي ارجع للدمار النفسي والنكد مره ثانيه ابي استرجع صحتي وحياتي ووظيفتي ونفسيتي وعلاقاتي هذا كله راااح من لما تزوجته وفوقهم كرامتي بعد وش انتظر اكثر وخلال شهر واحد بس باعني ثلاث مرات يقول اخذي اغراضك وتجيك ورقتك والحين صار يبي يرجعني بس بمذله انا لو جابلي كنوز الدنيا بعد اللي شفته منه يمكن ارضى ويمكن لا كيف عاد وهو يشرط وبيسكنني كل العمر بشقه والبيت للجديده..عجب!!

حبيبه قلبي

كلامك الاخير معقول

بس بالاول و الاخير انت اللي في المواجهة

نصيحتي لك ان تقراي تجارب المطلقات و كيف امسين بعد تجربة الطلاق

برايي ان مشكلتك مع زوجك هو انه عليه ان يعترف بقيمتك و فضلك عليه و ان يبرح تهديده لك على الطالعة و النازلة، و اللي برايي انه مريض نفسي، لكن بغض النظر عن هذا فهل تستطيعين العيش بدونه

الله يوجه لك الخير

هونيها
زوجك ما رح يطلق براحة يحسب الف حساب لبناته
وانت مو مجبورة ترجعين
ومثل ماهو يعرف يشرط انت بعد اشترطي
البيت الجديد لك ولبناتك
من كلامك زوجك ضعيييييف واسلوبه سهل وواضح
شدي اذا بايعه ومستبيعه
واذا كارهه عمرك معه ، طنشيه ولا تطلقين واذا تزوج ممكن يتغير للافضل اذا ودك تطولين بالك وتصبرين على الضره

هو ازعج اهلي اني ارجع هاليومين لكن انا ماقدر ارضى بسهوله خاصه انه فوق كل هذا مافكر يراضيني او يسال عني وعن مواعيدي اللي سحب عليها لان صحتي دمااار وكل فتره وانا بالمستشفى ومفروض لي موعد بعد العيد مباشره وموعد هالاسبوع وكلهن طنشهن غير انه ماارسل لي مصروف ابدا يادوب شي يكفي بناته هذا كله ويتشرط علي بعد وبيتزوج وبيستاجر لي انا وبناتي والله انا من قلب كارهته خاصه انه اعطى اخواني مفتاح البيت الخارجي عشان اجيب اغراضي يعني بااايع بقوه لكن ورب الكعبه المكسب لي انا اني افتكيت منه ومن كلامه انه بيجيب ورقتي هالفتره واكيد انا استخرت قبل هذا كله وعطيته فرصه لكنه مايبي اي تغير من ناحيته معصلج ويبيني اتنازل حتى عن كرامتي وفوقها شروط بعد بس عشان يرجعني !!
الخيره فيما اختاره الله وهذا اللي ربي كتبه لي ومتاكده انه الخير بعينه والحمدلله ع كل شيء

انا ماطلبت الطلاق لكن هو قال ترجع الحين او برسل ورقتها وخلوها تاخذ اغراضها يعني مااعطى نفسه فرصه حتى يبي الموضوع ع كيفه يعني ارضي وارجعي بسرعه وبسهوله وبدون شروط او الطلاق فهمتو علي يعني مافيه لاتطلقين يا ارضى وارجع على قهر او يطلق والخيار الثاني هو الارحم والله والحمدلله يارب