كقول المصريين " عشان ربنا "... وربك وربها ..
من باب " الإحسان "
أسأل الله الرحمن الرحيم البر الكريم أكرم الأكرمين إن أحسنت إليها " بعملك بنصح الأخوة و الأخوات" سلفاً ؟
أن يحمل الله إليك بشرى تسجدك للرحمن باكياً فرحاً و شاكراً .



" سبحانك اللهم وبحمدك أشهد أن لا إله إلا أنت أستغفرك وأتوب إليك "

الحل :تروح لها الفندق وتسحبها لبيتها
مااتوقع فيه فضايح اكثر من جلستها بفندق لحالها
زوجتك مايبي لها واحد يطبطب عليها ،، ياربي ايش هالقوه الي عندها
لا حاسبه حساب زوج ولا حاسبه حساب اهل
تصدق كلامك فيلسوفه هو الي بيعقل زوجتك
خلها تخلل بالفندق وروح بكره ملك عبنت حلال مستوره تلملم علي البيت والاولاد
لازم تاخذ خطوات لحل المشكله ،،حاسب حساب الفضايح ،،حاسب حساب مرض ابوها
حساب حساب الاولاد ،،لمتي عاد

اختي انا حسبت عواقب لو اروح واجيبها بالقوه
مثلا لو انها رفضت وطلع صوتها الناس راح تتجمع وهذا طبيعي الناس مايدرون عن الموضوع الناس لهم رجال وهجم على حرمه وعلى بال ماينفهم الموضوع فضيحه هذا غير ان كل واحد را يحيك الموضوع على كيفه وانا من عائله معروفه والناس ماتصدق
وهذا اللي مانعني

اما موضوع اني اتزوج
هذا طولي بالك راح يحصل ان شاءالله بس اصبري شوي

أختي رائحة البخور هوني عليك
الأخ انتهى موضوعه بايصال زوجته لبيت أهلها
وعداه العيب بمجرد اخبار أخيها الأكبر نيابة عن الأب المريض

وعليك أن تحزم أمرك وموضوعك مع أخيها بشأن حياتكما
أما أنت فلست بملام على بقائها في الفندق وهذا خطأ أخوها
وأنصحك ألا تكرر الاتصال عليها تفاهمك يكون مع أخيها فقط إلى أن يتم حل الموضوع .

أهلين اختي سهاد،،،ههههه مهونه ياقلبي عنفسي ماعليكي
يختي كيف انتهي الموضوع وهي بالفندق تراها زوجته يعني شعر وجهه
والله اذا احنا عارفين السالفه وسوياها الناس الي حوله مو عارفه وان صار شي هو الي بينلام مو اخوها
بعدين ياأخوات موضوع الاخت الي تقولو عنها خانت وتابت واحنا وقفنا معاها ليش وقفنا معاها!!
لاانها صانت زوجها بعد الزواج وتحاول ليلها ونهارها تسعده وتعوضه وهاذا بلسان زوجها الكلام
وقدرت نعمة الستر والزوج وتمسكت فيه عشان كذا وقفنا معاها
اما الي يقولو كثير حال المعلمات المغتربات جالسات بفنادق صح ،،،بس بيوتهم مو بنفس المنطقه ولا ازواجهم يدقو عليهم وهما متعززين ،،الله العالم بحالهم المسكينات
ودام هي عارفه انه وقت دوام تقضب ارضها شوي وتحترم زوجها،،،ومهما صار دام بيتها بنفس المنطقه ماتطلع منه ،،هو الي يطلع،،
احنا لا نبيه يطلقها ولا شي بالعكس نبي ترجع له بس بطريقه صح

غلطتك طلعتها بوقت دوامات
تدري مردها ترجع لمدينتها عشان عملها


انت غلطان وماخفت الله فيها
بقولها والي بيزعل يزعل
اخوها ماهي بذمته بذمتك انت
والشايب ابوها اتركوه الواحد يزوج بنته رجال عاقل يودبها ويسنعها والمره تمسك بيتها
ماضيعك الا البربسه والاستعجال بالقرارات
يعني وش كنت تفكر فيه لما طلعتها لبيت اهلها بوقت دوام
تسحب على عملها ولا تستقيل

يختي بنات الحمايل مايسون كذا
هو ماغلط وداها بيت اهلها هي الي راحت للفندق وما تبي صلح بعد
ابوها لازم يعرف الوضع زاد عن حده ،،، مبتعثه حبيبتي تري جلستها بهالفندق كبيره
وظيفة ايش يابنت الحلال الي تخلي الوحدة تسوي كذا،،،،تقدر تاخذ اجازه مو تعاند وتجلس بفندق ول ماحن قلبها لزوجها وعيالها وهي بنفس الديره،،،الله اكبر ع قسوة بعض القلوب
اخ وحيد احنا لو نلومك او نشد عليك بالكلام لمصلحتك انت وزوجتك
لو شافت منك شوية حزم كان حسبت حسابك قبل تروح الفندق
اسمع كلام الرسمي الي هو نفسه كلام البليغ الي صار له اسبوع يقوله لك
طيب انت ايش خطوتك القادمه
صراحه انا حاسه انك انت مرتاح وماتبيها ترجع يمكن ارتحت من الضغوط
او ماتبي الامور تتطور وهي بوجهك بالبيت،،ويمكن مو حاب وجودها بالبيت
انت ع الاقل بري ذمتك وقول لاابوها


يارب ماكون زودتها بالكلام
اتمني ردي ماينحذف

وش دراك اني ماخفت الله فيها؟
عشان وديتها لاهلها صرت مااخاف الله
المره العوبا مالها الا بيت اهلها حتى تتسنع

معليش اختي حتى لو كان نيتك الإصلاح الله سبحانه وتعالى يقول في كتابه الكريم واذا قلتم فاعدلوا

وانت تتهمي الأخ انه ما خاف الله في زوجته بس علشان وداها أهلها بوقت دوام وعمل
هو وداها بيت أهلها والغلط على اخوها الي وافق انه اخته تعيش بفندق بدال ما يحاول يرجعها بيتها
او كانوا متوقعين صاحب المشكلة يهتم فيها مثل المشكلة الي كانت قبل
الله المستعان صارت الوظيفة اهم من حق الزوج وطاعته فيما يرضي الله
زوجته غلطانة وناشز ومحتاجة لتاديب

اخي صاحب المشكلة يا ريت تتابع مع الأخ البليغ لان نصائحه كلها فيها الحكمة وبتساعدك على حل مشكلتك باذن الله
الله يفرج همك يا رب

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

جزاك الله خير اخوي