السلام عليكم ورحمة الله وبركاته
أنا عضوة جديدة في المنتدى وسامحوني اني داخلة على طول بشكوى لأن هذا كان السبب الرئيسي لتسجيلي في المنتدى .
أعرفكم على نفسي أنا عمري 43 سنة ومتزوجة من 21 سنة وعندي 4 أطفال .
طبعا من المتوقع انه بعد 21 سنة اكون انا اللي اعطي نصائح زوجية مب اطلبها لكن الانسان يستفيد من الكل حتى من الطفل الصغير نتعلم منه أشياء ربما لا ندركها .

مشكلتي ان انا وزوجي شخصيتين مختلفتين تماما عن بعض ولكن مع العمر حاولت اني آخذ من بعض صفاته حتى نقدر نلتقي وربما هو أخذ من صفاتي أيضا دون ان نشعر والا كانت الحياه مستحيلة بيننا .
الأمور اللي متعبة حياتي معاه وأتمنى لو تفيدوني فيها لأنها فعلا متعبتني وهي كالتالي :..
اذا تحدثت اليوم معه في موضوع يخصني وفضفضتله .. بعد فترة ليست بطويلة يستخدم الموضوع ضدي ويبدأ ياخذ المعلومات تلك ضدي انا !!!!
سأضرب مثالا لتتضح الصورة
مثلا اذا اشتكيتله من تصرف الخادمة وانها فعلت كذا وكذا بعد مدة اذا صار زعل يقوللي انتي تشتكين من الشغالة اصلا انتي روحج جي اصلا بس ما تشوفين عيوبج!! طيب اذا هذه الصفة فيني ليش هذاك اليوم ما نبهتني وقلتلي اني انا فيني هذه الصفة مثلا؟؟ كنت متجاوب ومتفاعل معاي وفجأة اليوم تقوللي انتي مثلهم !!!
أو مثلا اذا كنت مريضة وتعبانة ممكن يتعاطف معاي اليوم ويقوللي خلاص ريحي ونامي ....وبعد يومين ثلاث اذا زعل يقوللي والله حركات اونه هذاك اليوم مريضة وتعبانة وما تقدر تشتغل وتطلع والله انتي انسانة كسولة!!

شيء ثاني لا يفرح لاي شيء حلو لي سواء مدح او نجاح أو حتى لما أشتري سيارة ..
اذا بغيت تضايقه امدحني !! أو اذا تكلمت عن شيء مميز سويته خاصة في مجال العمل بحكم انه زوجي واللي يفرحني يفرحه وجهه يتغير وكثيرا يغير الموضوع وبعد فترة ممكن يتطنز ويقوللي غلطان اللي مدحج ما يعرفج على حقيقتج !! علما بأن زوجي ولله الحمد انسان مقتدر وناجح في حياته وعنده ما جيستير ..
يا جماعة الحياه الزوجية حسب علمي ما فيها هالأمور والا كيف اثنين يعيشون مع بعض والثاني يحقد على الاول ويتمناله الفشل !!
يمكن تشوفون موضوعي تافه بس انا فعلا تعبت لاني احس اعيش حياه غير مستقره ما فيها راحة بال ..
21 سنة وانا على هالحالة ولين هذا اليوم ما عرفت كيف احل هذه الامور بيننا ..
طبعا في امور ثانية كثيرة بس هذه اللي تكلمت عنها هي اللي محيرتني اكثر شيء ..

انصحوني وساعدوني يمكن انتو ترون اممور في موضوعي انا لا اراها ..
وجزاكم الله خيرا

مو حقد خاصة انك تقولي انو انسان ناجح يعني مو ناقصه شي وشافه عندك
لكم 21 سنه متزوجين يعني جددوا حياتكم شوي
سووا لحياتكم عملية انعاش بعد سبات وروتين 21 سنه

كم عمر زوجك ؟

__________________

مساء الخير أختي فيلسوفة شكرا على الرد
بشكل عام انا احاول ان حياتي ما تكون روتينية ..
حتى في تعاملي معاه مو روتينية وطبيعتي الحمدلله من النوع اللي اسولف وامزح .

المهم الآن هو أنت وأن لا تتأثري "بمناكفته" وتخرجي كلامه من عقلك وقلبك .. وبعدها سهل الحل بإذن الله..

زوجك انطوائي !؟
كلامه قليل !؟

لانه احتمال ما يكون عنده كلام او هرج يقوله لك
فيستخدم هذه الطريقة

اخوي كذا
لكن ما يقصد

بس هو كذا
و يشوفه شي عادي

شكرا على الرد وكلام جميل أشكرك عليه بس المشكلة ان الواحد يحاول يطنش الكلام الجارح بس يوصل مرحلة يحس انه خلاص مب قادر ..
لما كنت أصغر سنا كنت أتحمل بس الحين الواحد احترامه لنفسه يكبر مع العمر ..
أقول لنفسي لين متى بظل أسمع تعليقاته القاسية أو اتهاماته اللي تمس شخصيتي ..
مثلا قبل يومين يقوللي انتي انسانة أنانية وما تحبين الا نفسك ..قلتله أوكي عطني مثال على أنانيتي عشان اعرف ان هذا التصرف فيه انانية .. قاللي ما اعرف بس قبل كم سنة اختي اتصلت فيكي الصبح وقت الدوام تقولج سيارتها اختربت وطلعت دخان كان المفروض انج تروحين تعطينها سيارتج وانتي تركبي تاكسي للدوام !!!! أنا هني hh احوليت ..بس من الصدمة ما عرفت ارد كان نفسي اقوم من المكان لاني حسيت اني اتعامل مع طفل مب رجل واعي...بس قلت خليكي عاقلة وواعية ويلسي مكانج ..
وسامحوني على الإطالة ..