السلام عليكم ورحمه الله وبركاته
انا انسانه متزوجه ليا سنه و8 شهور عندي مشكله مني عارفه احلها مع زوجي
في السنه دي سافر لدبي مايقارب 6 مرات وكل سفريه يسافرها ماتكتر عن 4 ايام
اول ما بدانا حياتنا اتفاههمت معا انو خلي ليك سفريه في السنه وليا واهلي سفريه واحنا سوا سفريه
واتفقنا على كدا وامورنا مشيت لكن بعدها بتلاته شهور بدا كل ماتجيلو الفرصه يرميني عند اهلي ويسافر
المشكله اني انقهر من قلبي لانو ولا مره اشتهاني في سفريه معا ايش ماكانت البلد ايش ماكانت المده يفكر في اصحابو اول حاجه
بالنسبه للاساليب الي جربتها معا
جربت اني اتفاهم انو مايسير كدا تسيبني وحسبت انو فهم الين سافر وكدب عليا قلي انو رايح الرياض وراح دبي
جربت انو لمن اروح عند اهلي اخد منو مبلغ كبير عشان لمن يجي يسافر يشيل هم انو يدفع المبلغ دا ولاكانو
جربت انو يسافر اربعه ايام وانا مارجع البيت الا بعدها بكم اسبوع وبرضو ولاكانو
مره قعدت ابكي انو يابني ادمي انا اللقمه لمن اكلها بدونك اشتهيك فيها الخرجه الي اخرجها وانبسط فيها اشتهيك تكون معايا انتا كيف كدا ماتتمناني معاك وبرضو ماكاني هرجت
ياناس انا اكره النكد واكده مدة البوز فمستحيل اني الجاء للاسلوب دا

الي ابغا انو يحس على نفسو انو يشتهي روحتي معا من غير ما اسير نكديه ولا زنانه ولا حتى اني احس انو ماليه كرامه ، اوكي مابين الحرمه وزوجها كرامه بس برضو احس اني انزل لمن اقعد اقولو خدني معاك

ممكن مشكلتي تكون تافهه وانا عارفه انها صغيره مقارنه ب الي قريتو لكن ممكن حلولكم تحسن من حياتي ف حكون شاكره لكم

لا يختي مو تافهه
لكن زوجك قلبه معلق باصحابه وبالسفر
يعني مو قد مسئوليه بيت وزوجه
الله يعينك
ان شاءالله يتغير مع العيال
ادعي واستغفري
وروحي انبسطي مع اهلك