حياك الله اخوي فارس الحجاز
موضوع مهم بصراحه
والد زوجتي من يوم مايدخل عندي يستلم الجلسه ع قولتهم ويمسكها سواليف ^_^
مايعطيني مجال فاهم الوضع كيف ولكن بعد فتره الرجال تعوذ من الشيطان وانتبه لي
ماكنت اتضايق من تصرفاته بالعكس ابتسم له واتفاعل مع سواليفه واشوف ايش اللي يحبه واسأله فيه
احس أنه كان ينبسط لما اسأله عن امور معينه ويبدع فيها ويسولف مايطفش واصبح انا مستمع فقط وتطور الوضع
وصار بيني وبينه حوار ومناقشه وعلى قولتهم صرنا انا وياه ( سمن على عسل ) ^_^
الشاهد
غيرة الاب من زوج ابنته فتره مؤقته تعدي بخيرها وشرها فالواحد لا يخليها عائق له او سبب للمشاكل الزوجيه وتعيير الزوجه
بتصرفات والدها مهما كان هو ابوها وماترضى عليه ومالها ذنب اساساً في تصرفات والدها .
رساله
لكل الأزواج لاتتضايق من هالأمور واعرف كيف تتعامل معها بأسلوب جميل افرض احترامك ولا تقلل من قيمة والد زوجتك
وتذكر ان والدك في الغالب راح يكون تصرفه نفس اللي تشوفه من والد زوجتك مع زوج اختك .
إحترامي