احسك ماخذه كل اﻻمور بشددده وبتزمت
وزين انك عارفه عيبك

ماعليش اغلب الحريم كل ماتسوء تصرفاتها وسارت نكدية قالت وحام ..ولا حبوب منع الحمل ..او حمل ..او مسؤليه اطفال..تدور لها اعذار وتستسلم لها ..

حبيبتي انتي بيدك تخلي بيتك جنه فرفشي ووسعي صدرك ايش هوا ترتيب البيت خصصي له ساعتين باليوم مو اكثر .. والتنضيف العميق جيبي شغاله مرة او مرتين بالاسبوع .. وبنوتتك خصصي لها غرفة خاصة بتلفزيونها والعابها وخليها تكركبها على كيفها مايضر اهم شي ماتشرب وتاكل فيها...وسكري انوار البيت كلها بالصباح واجلسي بغرفتها عشان ماتتطلع وتلعب بالبيت...وحاولي تهدي حيلها عشان تنام بدري ..انا بناتي اعبي لهم البانيوا واخليهم يلعبوا وبنفس الوقت انا عندهم ادلع جسمي او اسوي شعري ..وانا اطبخ اعطيهم خظار يقطعوها كل واحدة تسوي السلطة حقتها ..اهم شي ينشغلوا عني..

واما زوجك عشان تكسبي رضاه ومعاد يطفشك بكلامه.. لما يجي من الدوام تفرغي له ربع ساعة بمساج ودلع وانتي افهم بزوجك..وبالليل نص ساعة اهم شي لاينام إلا وانتي عندة وبنوتتك صرفيها هههههه


بعدين بجد حزنت على زوجك وهوا عايش بجو النكد ..احس حرام هوا متخيل قبل الزواج ان يدخل البيت وهوا نضيف وزوجة فرفوشة وينصدم بالواقع ..ترا انا زي عجايز زمان احب ادلع الرجال ماادري ليش هههههههه hh


والوظيفه بأذن الله ربي يعوضك ..ولو انا منك اجلها شوي واتفرغ لزوجي وبيتي خاصة بعد الظروف الي مريتي فيها ..

والحبوب اتركيها خلاص ولو اني شاكة نفسيتك مو منها..

ونصيحتي ابسطي نفسك باي طريقة وتصنعي الابتسامة والفرح لين ماتسير عادة و العبي وارقصي مع بنتك وربي الحياه ماتستاهل هالنكد وعلى ايه تنضيف وطبخ ولا وظيفة ..



والله يهدي بالك ويرزقك طوله البال ياحلوه..

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

كيف كنتي مدبرة أمورك وانتي تشتغلي اضافة لشغل البيت والبنت ؟؟؟ الان لما راح عنك هم الشغل وبقى بس البيت والبنت صرتي تعبانه ومو قادره عليهم ؟ مش فاهمه ؟ معلش كنافه فهميني واشرحيلي شوي

بعدين ترى يا حلوه زوجك يكون مبسوط وبنظره قمة الأنوثة لما تكوني معجوقه ومشغوله ببيته وبنته ( أقولها بكل أمانة مو مجاملة ) ...
لا تنزعجي لو دخل البيت فجأة وشافك بهذا الوضع .. ولما تخلصي شغلك ترتبي واعملي القهوة وروحي اشربيها معاه بكل فخر لأنه شافك معجوقة مو تنزل نفسيتك وتتضايقي وتعافي الجلسة معاه

زوجك زوجك زوجك لاتخلينه !!
لو طلبك لاتردينه حتى لو جبدج لايعه ومالج خلقه!!
هالشي يهدي الزوج ويحن عليج اكثر!!
اما باقي الموضوع فالبنات ماقصروا !!
بس في حته صغيره ،،، بنتج اشتريلها حباسه اللي تكون مليااااانه كور⚽️⚽️ تلعب لين تنام وانتي خلصي شغلج عالراحه!!

__________________
اللهم احفظ لي زوجي وسخره لي واحفظ لي اولادي

وفي نقطة حبيت انبهك عليها اختي لا تكرري سيناريو السنة الاولى عندما كان زوجك يسعى ورائك وانتي تمتنعي عنه وتذكري ردات الفعل من سنة كيف بعد زوجك واصبح بارد المشاعر بسبب معاملتك سابقا
لذلك اشرحي له ان ما تمرين به بسبب الحبوب وهولا دخل له لاجل ان لا يتكرر السيناريو نفسه
وعليكي ان تراجعي طبيبتك ربما السبب من الحبوب لان عمتي مرت بنفس الاعراض التي تمرين بها
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

شو قصتك انتي و زوجك متل توم و جيري

انتو التنين نفس الشخصية .. يعني بتقابلو المعاملة الجيدة بالمعاملة السيئة
وقت انتي كنتي عمتحتاري شلون ترضيه هو صار يتكبر ومو عاجبو شي
و هلا وقت هو صار بس بدو رضاكي انتي ما بقا عاجبك
ارقو نفسكم يمكن فيكم عين

بالعكس انا ما اشوف المشكله فيك !
اشوف عدم تقدير وتفهم من الزوج .. نفس حالتي وحالة الكثير
تجري ليل نهار ورى شغل البيت وتربية العيال ماتلاقي حتى خمس دقايق تفردي ظهرك ويبغاك دايما مبتسمه وهاديه وبأحلى صوره ، مايصير احنا برضو بشر مو آﻻت
يعني يسكر الباب بقوه وراه ليه ايش اذنبتي ؟!
يبغاك في غيابه تشتغلي ببيته وبعياله وبحضوره تشتغلي فيه طيب انتي متى ترتاحي !
اعرف وحدا قريبتي الله يبارك لها ويهنيها زوجها مصر على وجود خدامه بالبيت .. قال عشان تفضي تدلعيني ..
تخلصي من الشعور بالذنب انتي ماغلطتي .. الله يصلح الحال

انتبهوا ترى "بعض "الحريم تحط تقصيرها ب العين والحسد
وهي ما فيها الا العافيه بس ترتاح نفسيا لما تلاقي جنبها شماعة تعلق عليها

اختي صاحبة الموضوع
وشو شغل البيت والعصبيه والصراخ مع طفله وحده !! اجل لوكان ولد او اكثر من طفله بتنتحرين
انتبهي لا تكوني من النوع اللي يراكم الاعمال لحد ما تصير صعبة عليه
انتي لا تشدين نفسك كل فجر قولي اذكار الصباح ورددي مع نفسك ما فيه شي يستاهل اسد نفس زوجي عشانه
ترى الرجال بيصبر ويصبر ويصبر ثم يتزوج بحثا عن الراحه فكل شيء يحتمله الا النكدددددددددددددد

اعصابك مشدوده ارخيها وخذي نفس عميق واستمتعي حتى وانتي تشتغلين في البيت
وبعدين مو لازم اشتغل في البيت وشعري منكوش على قولتك لمي شعرك بطريقة بسيطه واللبسي بجامه بيت
يصير لو دخل زوجك فجأة ما تكوني بوضع جدا مزري يكون شكل عادي للشغل ويكون تكشخك بعدها له طعم ترى التنويع حلو

هديييييييي ترى الدنيا ما تسوى زعل زوجك وحبيبك اللي يوم تزوجك وهو يمني نفسه بالراحه والحب والابتسامه
شخصيا ارحم كل رجل متزوج وحده نكديه وان شاء الله منتي منهم

صحي كمام بدي نبهك ع شغلة

ما بصير المرة دايما تورجي زوجها اجمل ما عندها لانو بعدين عينو بيتعود ع هالشي و بصير ما بيعجبو شي
خليكي بكامل طبيعتك بالبيت .. بس اشتري بيجامات مرتبات و البسيين بالبيت و خليكي مرتاحة بشكلك

خلي المكياج و التجميل للاوقات الخاصة .. او كل فترة و فترة .. منشان اولا يصير تجديد بشكلك اتانيا منشان يحس بالفر. تالتا وقت بتكوني ع شكلك الطبيعي بدون مكياج و بدن تكلف بالملابس و بدون سشوار زوجك رح يحس بالراحة النفسية معك لانك بتكوني ع بساطتك و طبيعتك و عفويتك

ماشاءالله اعطوكي حلول الصبايا
فرج الله همك امين

__________________
انا لله وانا اليه راجعون