(لم اعد احب زوجي بسبب مشاكل قديمة)
السلام عليكم

راح ادخل بالموضوع على طول .. انا و زوجي صآر لنا متزوجين سنتين ونص
وهو يحبني وانا احبه .. بس مشكلتي معاه هي بوضعنا الحالي
مؤخراً آحس بالنفور منه بشكل مو طبيعي .. آحس ان خلآص مو طايقته
رغم انه يحاول يتقرب مني ويتفهمني .. وكم مرة قسيت عليه وهو مشاها لي
يمكن الا مخليني آحس بالنفور منه اني صرت احسه مو مالي عيني ابداً
يعني اول ماتزوجنا ظل سنة كاملة مايشتغل ومو لاقي شغل وكنت انا الا اشتغل
واصرف عليه وعلى البيت ، السنة الا بعدها الحمدلله لقى له شغل والتزم فيه وللحين الحمدلله
بس كنت احس منه بعدم الرضى انه يخليني آني اشتغل وهو جالس في البيت
انا ماعندي مشكلة اساعده بالعكس والله كنت فرحانة بوقفتي معاه بس صرت آحس الوضع زاد عن حده
وزيادة انه مرة من المرات بالفترة الا ماكان يشتغل فيها دقت عليه بنت من رقم غريب وهو رد عليها
هو انصدم انها كانت تعرف اسمه وتعرف معلومات عنه فجلس يحاول يمشي معاها ويأخذ ويعطي بالكلام معاها الى ان وصل الموضوع بينهم انه يسألها اوصفي لي جسمك !!! بعدين البنت كانت اصلاً تسجل لي
كل هالمحادثة ورسلت لي اياها لأن البنت هذي اصلاً هي واحدة من اقاربه كانت تحبه وتبيه
والمقصد كان تخريب بس هو ليش عطاها فرصة !! ليش ؟ يوم جيت واجهته جلس يعتذر ويتأسف
ويقولي انه كان يمشي بس عشان يبي يعرفها من ؟ يوم ثاني انا كانت نفسيتي منتهية وجاني نزيف
ورحت المستشفى وعرفت بعدها اني كنت حامل رغم اني كنت اخذ حبوب واللي صار سبب لي اجهاض ونفسيتي تعبت زيادة وهو كان نفسيته ابداً فقفلنا على الموضوع وانا ماحبيت ارجع افتحه ،،، بعدها بفترة اللي صار انه بنت جات كلمته على الواتس اب انها مغتربة وانها تبي احد تسولف معه وكذا وهو جا قالي على طول ، انا وقتها كنت في بيت اهلي قلت له يحظرها على طول وقالي ان شاء الله ،، وشبكت على طول على الواتس اب وهو كان بعده اون لاين
معناته انه ظل يكلمها ! يوم رجعت البيت واجهته وتهاوشنا و وراني المحادثة انه كان يصرفها بس ماكان له داعي يطولها وهي قصيرة قالي هي كانت تترجاني حتى انها قالت بترسل لي صورها بس اظل اتكلم معاها وانا كسرت خاطري وانا عصبت من كلامه وقلت له انت واحد مستحيل اثق فيك لأنك ماتستحق الثقة ابداً جاي وقالي عشان ثقتك تتحقق ! رجولتي انا تنهز !! بعدها ظل يعتذر ويتأسف ويوعدني اللين مابالأخير سامحته
كل هالكلام كان بالسنة الأولى وانا ضغطت على نفسي عشان اتحمل عشان نصلح الوضع واقول هو ماعاش حياة اسرية بسبب المشاكل في بيت اهلهه هو يتصرف بتهور هو هو واحط له اعذار غبية رغم ان كل هالأشياء ظلت حازة بخاطري بس حاولت اتناساها ،،، بس اخر موقف منه كان هو الحاجة الا كانت زي مايقولون القشة الا قصمت ظهر البعير كان فيه مشكلة بينه وبين اهله واهلي على سالفة قريبته الا تحبه واهلي طلعوا فيها يبونه يطلقني ،، انا مارضيت وجاؤوا هم يكلمونه جاء خلاني في بيت اهلي شهر كامل من غير مايدق ولا يسأل ،، لما كنت اتصلكان يكلمني بعدها يفصل جواله ويطلع مقفل ويكلمني يوم ثاني ويقول من الشبكة وطول شهر كامل ونفس الموقف ،، بعدها هداء الوضع وتصالحوا ورجعنا لبعض .. بس المشكلة اللحين فيني انا .. انا مو طايقته مو مستحملته .. احس بالنفور بسبب كل التراكمات الا قبل لدرجة اني صايرة قاسية معاه بشكل فضيع !
احس انه مو رجال يملي عيني .. احس انه واحد شخصيته ضعيفة .. احسه مايستاهلني بصراحة
ومادري ليش انا بعدني معاه .. مادريي وش اسوي مو راضية عن حياتي معاه .. مو راضية عنه
هو يبيني احمل يقول ماباقي شي ونكمل 3 سنوات واحنا ماعندنا عيال وانا مابي
مابي اربط نفسي فيه .. قلبي متقطع خاطري فـ بيبي بس مو قادرة .. مو عارفة اكمل حياتي معاه
صرت اهرب منه .. احاول اطلع .. اجلس في بيت اهلي وقت اطول .. المهم م اكون معاه
اذا رجعت البيت اقضي الوقت وانا اطقطق على الجوال بس عشان ما اسمع سوالفه
صرت اهمشه بدون قصد .. يصحى للدوام وانا نايمة .. يرجع وانا توني صاحية
مادري عنه شيئ .. اتجاهل اتصالاته ..

قولوا لي وش الحل رجاء ...

(تم التعديل ليتناسب مع المضمون)

أول خطوة اساسية لكل مشكلتك هي ،، الجلوس بهدوء بعد ترتيب افكارك كلها بنقاط وبغظها مصارحته بكل ما ورد في مشكلتك هنا ... وبناءا على المصارحة ورده فعل زوجك راح تقرري الخطوة التالية ،،

سبق ونآقشنآ الموضوع بصراحة وآنتهى بوعود منه وآسف
بس آنا مآتقبلته .. مو مصدقته ولآ قادرة آوثق فيه

ايش هي عيوبه الحاليه
بغض النظر عن الاحداث الماضيه ؟

__________________
سبحان الله والحمدالله

دام الخيانه انتهت وكانت بحدود مكالمات
هذا شيء ايجابي
ودام هو اشتغل وصار يصرف
شيء ايجابي
يعني انتي نجحتي ف حل مشاكل وتجاوزتوها مع بعض ماشاءالله
هي سبب طلاق ومشاكل ببيوت كثير
انظري لنجاحاتك معه
ومن ناحيه ان هالمواضيع سببت لك شيء من الحزن و النفور طبيعي
لكن ان شاءالله تنجحين بحلها و تجاوزها
بس يبغالك مساعده من استشاري اسري
او مصارحه مع زوجك
او انكم تاخذون اجازه و تجلسون مع بعض اسبوع
ويكون اسبوع عسل وتجديد
سوي برنامج للاسبوع كامل من نشاطات تحبونها سواءً بالبيت او خارج البيت حسب ميزانيتكم وضروفكم
و اصبري فتره و ركزي على محاسنه
وادعي الله

عزيزتي

بتضيعي أحلى السنوات الي تجمع بينكم
على أمور مثل كذا

تعلمي النسيان

صحيح والله مشاكلم تافهه
تعلمي مع النسيان المسامحة والحب