نهاية هالاسبوع ان شاء الله بروح قطر
وهذي أول مرة ازورها
فحابة أعرف ايش أفضل الفنادق
المطاعم
الأسواق
أماكن ترفيهية

يا مرحبا بك حبيبتي .. شوفي قطر وايد حلوة وسياحية بشرط تجيها بالربيع او الشتا .. لأن اغلب أماكنها السياحية مفتوحة ماتنفع بالصيف ..
حتى احنا مانطلع اﻻ للأماكن المغلقة يعني المجمعات .
عموما لو شفتو الجو حلو فالأماكن المفتوحة هي سوق واقف وكتارا وحديقة متحف الفن الاسلامي واللؤلؤة نصها مغلق ونصها مفتوح ..
انا الاماكن المغلقة فهي المجنعات .. انصحك بمجمع فيلاجيو عشان طرازه من داخل حلو ومميز .. وازدان مول مجمع جديد وحلو .. وفيه مجمع اللاند مارك والستي سنتر وﻻقونا مول .. وفيها مطاعم كثيرة ..
اذا معاكم اطفال روحو مركز الدوحة للمعارض فيها العاب وانشطة للأطفال ..

الفنادق كثيرة انا احب الرتز ومنتجع شرق .. وعندك الفور سيزون وسانت ريجيس وجراند حياة وفيه فندق بمجمع الستي سنتر .. الفنادق كثيرة .. ادخلي موقع بوكنق واختاري اللي يناسبك ..


اي استفسار انا حاضرة ..

عشت بالدوحه 30 سنه
احلى ايام عمري هناك
درست وتزوجت وخلفت هناك
الله يرجعنا عليها
امين
بما انك رايحه يومين
احجزي بفندق عن طريق النت
عندك الشيرتون حلو
ورمادا
والغزال بتذكر اشتغلت فيه فتره
دوري عن طريق النت

__________________
انا لله وانا اليه راجعون

شاكرة لك حبيبتي أم الدانة ماقصرتي
نعم متفائلة هذا اللي بيصير بس قلت اشوف راي اللي راحوا هناك
يبقى المجرب له نظره

الشيراتون مغلق للتجديد صار له فترة .. ورمادا تغير اخذته سلسلة فنادق ثانية والله نسيت اسمه .. والغزال ماعرفه يمكن قبل ما اتزوج واجي الدوحة ..

تذكرت .. في سوق واقف عدة فنادق حلوة .. والاحلى انك تنزلين مباشرة على السوق وعندك المطاعم والكوفي شوبات وكل المرافق ..