السلام عليكم

اخواتي موضوع الحركة قالقني
من نص الثامن و مع بداية رمضان مره قليله

وانا نايمه اقوم اتحسسه و مره هادي و كم مره اصحى
بعد ما اقوم من نومي ياخذ وقت ما يتحرك

اذا اكلت او اوقات كذا ينشط و يتحرك
رحت الدكتوره قبل كم يوم
قالتي المويه قليله حول الجنين .. و انا خلصت الثامن ذا الاسبوع

وكمان تقولي وزنه قليل و اعطتني فيتامينات
مني متطمنه للحركه ..

كمان الولاده اجهل عنها كثير بالرغم من اني اقرا
بس المستشفى ما رحتلها الي بولد فيها

قلت اجيهم حاله طارئه مره وحده .. لانه حكومي
ولا عن التخدير و طريقة الكشف و امكانيه المستشفى
مخليتها على الله


لكن مراجعاتي وقت الحمل بمستشفى خاص واهتميت فيها
الي عنده خبره يفيدني الله يجزاكم خير

__________________
الحُب بِشَرَف .. وَصَمْت يَبْقَى هوَ الأنْقَى .. والأصْدَق .. والأرْقَى

وعليكم السلام ورحمه الله وبركاته


ربي يكتب لك الخير ويتمم لك حملك ويقر عينك بصغيرك


اختي انا طوال حملي ببناتي - توام

كان الماء قليل وحركة البنات قليلة نسبيااا

فلا تخافي
وكلي امرك لله وهو ان شاء الله ما يخيبك

دامك متابعة مع الدكتورة امشي على كلامها

وان شاء الله خير

ولا تفكري بالولادة ,,, حتى ما تخافي

دعواتي لك بالتمام ,,, طمنينا عنك

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

الله يطمنك تسلمين

__________________
الحُب بِشَرَف .. وَصَمْت يَبْقَى هوَ الأنْقَى .. والأصْدَق .. والأرْقَى

حلم راجعي في مستشفى حكومي كمان لزيادة الاطمئنان
روحي الطواري قولي ما احس بحركة الجنين وهم راح يكشفون عليك
او غيري دكتةرتك لزيادة الاطمئنان
والله يطمن بالك ويقومك.بالسلامه انت والبيبي..

هلا اختي
انا نفس الشي باول حملي كان حركته خفيفه وهادي واحيانا يكون نشيط
بعض النسا يقولن لازم الجنين يتحرك كثير ولكن لا تخافي طبعا تكون الحركة على حسب
بعضهم هادي وبعضهم نشيط فلا تخافي
وبالنسبه للولاده لا تفكري انتي فقط اكلي زين وتحركي فالاشهر الكثيره امشي كثير
اعرف بنت لما تكون فاواخر الشهر تكثر من المشي وبسرعه وتأكل التمر وتولدهم بسرعه وطبيعي
والله يسهل عليك اختي.

أنا نفسج

بس أنا توني بنص الثامن

فعلاً حركه الجنين تقل فالثامن والتاسع لأن البيبي يكبر ويضيق المكان

لكن في أطفال نشيطين وأطفال لا.. هذي أعتقد شخصية الجنين
في جنين ينتف أمممه من الترفس

وجنين عاقل ومبروك بس يخوفها من هدوءه

بالنسبه للمستشفى المفروض يكون عندهم فحوصاتج وتقاريرج

أدري متعبه المتابعه معاهم لكن لازم تروحين لو مره مرتين قبل الولاده تعطينهم تقارير صور فحوصات

هو لو كان وضعج طبيعي الحمدلله

بس تخيلي لو المفروض تكونين قيصري؟؟ وتروحين ويقعدون يجربون فيج؟؟

لازم تروحين ويحددون لج نوع الولاده .. واذا فيج نقص حديد يعطونج ابر الحديد عشان ماتتعبين في الولاده وينزل الدم

وبعد لازم تكون معلوماتج متوفره عندهم

تخيلي تروحين لهم وانتي الرحم مفتوح مثلاً 5 او 6 سانتي؟؟ على طول ولاده

ماتعرفين وقت الولاده ايش بيصير بتكونين في البر في زحمه في غيره

لاتخلين هالاشياء للصدف كوني مستعده خلاص مابقى عليج شي

روحي قدمي كل اوراقج الي فالعياده الخاصه واي فحوصات يطلبونها وخلي الدكتور يقول لج نوع الولاده ايش قيصري او طبيعي

ولو قيصري يحدد الموعد

ويعطيج حديد لو محتاجه

الله يهون عليج وعلينا وعالجميع يااارب

هلا فيك اختي
امس خفت ما حسيته يتحرك😢 .. قلت بستنى شوي كم ساعه اذا استمر بروح المستشفى
بس قومني من النوم ترفيس

وانا ملفي الي في الخاص صورته و على بداية الثامن سويت تحليل الهيموجلوبين و نسبته زينه
و كنت بودي اوراقي بس المستشفى زحمه ولازم الصبح يعني شغله
ان شاء الله اروح .. و الله يتمم لنا على خير

__________________
الحُب بِشَرَف .. وَصَمْت يَبْقَى هوَ الأنْقَى .. والأصْدَق .. والأرْقَى