7
جايبه لاهلها شغاله وماملت عيونهم ..

بس انا اقولك فيك سلبيه يكرهها فيك الاخرون ولايعطونك اي اهميه لا اهلك ولا زوجك اللي هو
(ضعف الشخصية)
للاسف ضعيف الشخصية ياطون على راسه

رجعت لكم اسفه يمكن من الضغط اللي فيني هربت من كلامكم بالعكس انا كلامكم هو اللي يخليني قويه

حابه ارد اول شي على اللي قالت اني ضعيفه بالعكس ماني ضعيفه

يمكن كثير منكم يشوف هنا موضوعي ويحسب اني ماعرف اتصرف او ضعف بس الله لا يحطكم نفس موقفي ساعتها بتعرفون ليه كذا

انا شخصيتي قويه وواثقه من نفسي سواء بعملي او دراستي قبل او علاقتي مع الغير وكل اللي حولي يعرف بس لما يجي الموقف عند امي اوقف

امي من النوع اللي تكسر وتحطم يمكن صدق القصد طيب اني اروح معه بس الطريقه خطأ برايها علشان اروح معه مستعده تجرحني بأي شي وتقول لي أي شي علشان ازهق واروح
في النهايه هذي امي مقدر اقول شي علشان كذا انا اوقف
مو بس لانها امي ...انتو حطو نفسكم مكاني اذا تطلقت بكون تحت رحمتها حتى لو مؤقتا
وانا تحت رحمتها حاليا فأكيد بخفف من موقفي شوي
امس شديت معها بالحكي وسمعتني الاسطوانه الي حفظتها وزهقت منها روحي له وهالحكي
قلت لها طيب بسألك سؤال وجاوبيني عليه وبعدها اللي تبينه سويه ( اذا فصلت ورحت وطلقني وش بسوي حزتها )
امي واعرفها اذا تبي تتهرب من أي شغله ...تجيب لي مواضيع غيييييييير واشياء غير واذا ماعرفت ترد تقول لي لاتجلسي تتذاكي علي
قلت ردي على سؤالي وانا بسوي اللي تبيه ...ظلت تتهرب وبعدها قلت اذا في جلستنا بتظلين تعيدين علي نفس الحكي انا اسفه ماابغى اسمع وبضطر اتصرف ماراح اجلس لك وانتظرك تبعدين ولدي عني حتى لو كنتي امي الاحترام موجود لكن اسفه يايمه انتي ماخليتي لي مجال انا ماحملت وولدت والشرع عطاني حق الحضانه علشان تجين انتي يايمه وتبعدينه
وقمت
طبعا انصصدمت ولاكلمه وانا رحت الغرفه

ببداية موضوعي قلت لكم عندي اخوين اصغر مني واحد مبتعث واخو لاهي بحياته متزوج هو وماكان يدري امي ماقالت له وههدتني اقول له وانتو ادرى ليه وانا بعد يمكن استحيت اني اغثه او شي
كلمته قلت له تعال الحين ابيك
جا اخوي وقلت له كللللللللللللللللللللللللللللل اللي بقلبي كل شي من اول شي لاخر شي من زوجي لتصرفاته لامي وقسوتها

ليتني رحت له من اول ولاطعت امي
اخوي ظل يسمع يسمع عكس امي اللي كل ماقلت لها شي ترد علي عاد انتي اللي مافيك اخطاء؟؟؟عاد انتي اللي كامله ؟؟!!انتي زوجه فاشله وام فاشله ...انتي غثى بس على الناس ..انتي لو تموتين اريح لي ..يعني من هالكلام اللي ينقط عسل
سمعني وقال لي اختي ماتمنيت الموضوع يوصل لكذا وليتك قلتي لي قلت له انت ادرى بأمي
قال ماعليك من امك انتي تبيه والا لا ؟؟
قلت انا اذا صار صلح وتفاهمنا وتعاهدنا ان كل شي يتصلح ماراح اقول لا بس فصل ماراح افصل
قال طيب انا بروح له اكلمه وش تبغيني اقول له؟؟وتذكري انه ابو ولدك
قلت له قل له عطني مهله 3 شهور ادور بديل اذا ماحصلت بديل يصير خير في موضوع الفصل
طبعا انا جازمه مليون بالمئه انا بيقول لا
بس عالاقل اكون انا قدمت تنازل وهو مارضى قدام ربي وقدام ولدي وقدام نفسي وقدام اهلي ولحد يقول لي ليه قلتي كذا لاتلوموني على هالنقطه لاني زهقت من بيت اهلي وعلشان اكون سويت الللي علي ولو انتو اللي عايشين ببيت اهلي مكاني كان سويتو كذا ف لحد يقول قهرتيني نرفزتيني وضعيفه
قلت له طيب ياخوي في حال قلت له كذا وقال لك مايحتاج تدور ولا شي انا مابيها حتى لو نقلت ..
قال اخوي خلص بعد يعني اغصبه عليكي ؟؟اذا مايبي يطلق وانتهينا
انا هنا ارتحت
كلام اخوي ريحني كثير حتى انفتحت نفسيتي البارح واكلت
قلت له ياخوي انا لي طلب بس ...اذا تطلقت ماابغى اعيش في بيت اهلي وانت تدري كيف امي
قال ادري ومحد يلومك بس خلينا لانستبق الاحداث
بكيت قلت له انا مابي شي ابي بس مكان صغير يلمنا انا وولدي بدون تجريح بدون قسوه بدون كلام يكسر
وامي اساسا ماتبيه ..قال ماعليك محد يقدر يحرمك منه ..وبالنسبه للسكن لاتحاتين ان شالله خير بس خل نشوف وش يرد
وضمني اخوي ضمه كنت محتاجتها من زمان وتمنيتها من امي والله ماراح انسى لك هالوقفه ياخوي والله لايحرمني منك
وماشفت اخوي من البارح مدري وش صار او بالاحرى احس مو مهتمه وش صار علشان كذا ماسألت

واللي يقول لي اشتري لهم بيت اذا كان بيتهم صغير لا اهلي بيتهم مو صغير وبالاحرى فلتهم مو صغيره ابببد ولا اهلي محتاجين فلوس والا فقرا علشان ابرر بس هي تسوي كذا بس عشان ازهق واروح معه يعني حركات تطفييشششش
واللي قالت شغاله ماعليه انا برضاي ماعندي مشكله يعني بعد ماسافرت شغالة اهلي وجبت شغالتي مااحتاجها كثير بس كنت بوقت الصباح لولدي وبعدها انا اكون معه يعني ما أمن عليهم بهالنقطه ابد ومااحب حتى اذكرها

حاليا انا انتظر رد اخوي واشوف سي السيد وش قال له
وطبعا تأكدت من سالفة انهم يأجرون لحرمه والحمد لله كنت خايفه بس طلعو يأجرون
في حال صار الطلاق انا قررت اني اطلع رضت امي مارضت زعلت مازعلت براحتها تعبت افكر فيها وبالنسبه للحق الشرعي اني اكون تحت وصاية ابوي وانه مابيوافق انا خلص كلمت محامي واذا ماوافقو بروح له علشان اكون تحت وصاية نفسي

وظيفتك ثم وظيفتك ثم وظيفتك

الله يكون بعونك ويفرج همك ويكتب لك مافيه خير وصالح ..ويخلي لك ولدك ويصلحه

دعواتي لك

__________________
رَبَّنَا اصْرِفْ عَنَّا عَذَابَ جَهَنَّمَ إِنَّ عَذَابَهَا كَانَ غَرَامًا*إِنَّهَا سَاءَتْ مُسْتَقَرًّا وَمُقَامًا [([1]).

حبيبتي ترتيباتك وافكارك جدا ممتازة وفعلا انا كنا واثقة بقوتك ولكن الوحده لما تعيش مثل المحاصرة وضغط يمين ويسار تحس بالتقيييد الله يعينك ..،

خطواتك واصلي عليهاﻻوربي ينولك مرادك ويبعد عنك وعن ابنك مل شر ومكرووه واذا زوجك ناوي لك على نية مو زينه الله يبعده عنك ويشغله بحاله ونفسه وترتاحي واما اذا كان رجوعك خيرة لك وبيعدل زوجك بسبب ذهاب اخوك له فالله يوفقكم ويسخره لك ان شاء الله .،، متاابعة واتمنى من كل قلبي ترتااحين من هالهم ويبقى ابنك بحضنك ياارب ..
ووالدتك مهما عملت وسووت روحي وبوسي يدها ورجلها وراضيها ماعليه شتسوين ،،

الله يكون بعونج ويسر لج الخير يارب

__________________
للقلوب صدا كالنحاس وجلأوها الاستغفار

الله يعينك اختي
اهنيك على قوة تحملك للظروف اللي تمرين بها
زوجك بلا اخلاق. .اسفه. .لكن هذه الحقيقة انتي عملتي معاه كل شئ واخذتي بالاسباب لكي تستقر وتستمر حياتكم بس هو شكله مريض نفسي يريد تعذيبك لانه بتعذيب الاخرين يجد سعادة ولذة
هل معقولة ان زوج يخبر الاخريات بعلاقته مع زوجته وانه يخطط للانتقام منها دون سبب. .شخص حاقد. .خسارة وحدة مثلك تبقى معاه
اهنئك انك اشترتي بيت. .واشد على بدك وظيفتك لاتفرطين فيها لانه شخص ماسيتاهل تضحين من اجله. .يكفي تضحيات وشحططه وعاده شايف نفسه هو المظلوم
الله يوفقك اختي. .معك بقوووة وياليت في وسيلة للتواصل معاك عشان نصبرك ونقويك في اي لحظة ضعف تعتريك
ربي يوفقك ويحفظ لك رياااان

السلام عليكم اختي انصحك لا تتركي الوظيفة مهما كان الثمن وللاسف هذا حال الشباب اليوم الله يهديهم امك تقول كذا ماتحب المشاكل ولكن في النهايه المشاكل تنتهي بس الوظيفه تخليك في موقع قوه ولا تحتاجي احد واهلك مستحيل يتركوك حتي لو قالو وظيفتك فيها مستقبلك ومستقبل ولدك

__________________
سبحانك ربي اني كنت من الظالمين

أختي أنتِ مطلعة على محادثاته وشايفة نواياه فيك بعد ترك الوظيفة ومصرح فيها تماماً
إذن وظيفتك لاتفرطين فيها لو تنطبق السماء على الأرض لأنها ملاذك بعد الله
لأنه ماراح ينفعك لازوج ولا أهل لما تصبحين في حاجة من يصرف عليك
فعزي نفسك بالرزق إلي قسمه الله لكِ
وأطلبي من أخوك يستأجر لكِ بيت بجوآره وربي ولدك

الله ينصرك ويساعدك ويلهمك الصواب
ويهدي والدتك ويحنن قلبها عليك

__________________