أختي شوفي مهما كان فيه شرط بينكم لكن الإنسان مايعرف وش بيصير في المستقبل ,تخيلي الوضع لو كانت أمهم متزوجة من آخر , وأن جدتهم كبيرة في السن ياترى من يتولى تربيتهم وأبوهم موجود وبيته مفتوح لهم .
هو أمام الله ماهو مسؤول عن شرطك هو مسؤول عن رعيته أمام الله , لو عاشوا بعيد عنهم كيف يكون مراقب لسلوكهم ,
كيف يكون عنده علم وإطلاع على مستواهم الدراسي .
الحياة ماهي ارسل لهم مصاريف واسأل عنهم اكلوا او شربوا أو لبسوا , هذولا عياله وهو مسؤول عن تربيتهم مثل عيالك بالضبط .
انتي تتشكين من البنت وهي جالسة مراقبة لتصرفاتك وتدقق على كل شي , صدقيني انتي نفس الحكاية تتدققين على كل تصرفاتها لأنها مش بنتك , لأن اللي تقوله بنت زوجك ممكن تجي بنتك تقوله لك من باب الغيرة وانا أقولك من تجربة
عندي عيالي الكبار في المتوسط يغارون من أخوانهم الصغار بشكل ماتتخيلين واي تصرف مني أو من أبوهم يجلسون يقارنون , والله راح تشوفين هالغيرة حتى بين عيالك لما يكبرون بإذن الله .

يااختي أنتي تقولين راح أبحث عن راحتي وسعادتي , يمكن يتهيأ لك إنك لو أنفصلتي وعشتي مع عيالك لحالك راح ترتاحين غلطانة لأنك ماراح تقدرين تلغين دور الزوج والأب من حياتك .

عامليهم بما يرضي ولا هم مطلوب منك حتى تحبينهم , وممكن البنت اللي تشتكين منها تكبر وتعرف قيمتك .

ويكفي أحساسهم الداخلي بالنقص وأن غيرهم أفضل منهم بانهم يعيشون مع اب وام وهم لا .

والسعادة من وجهة نظري ماهي شي أبدي هي لحظاات تروح وترجع لكن السعادة الحقيقية لما أعمل مايرضي الله بدون ماانتظر رد جميل من أحد .
لاتزعلين من صراحتي من وجهة نظري المجاملة ماتفيد في إبداء أي رأيي .
الله يقومك بالسلامة .