أنا اتحطمت
ساعات احس إني فاشلة !
ساعات أحس إني وحده مميزة ما تستحق دا كله !
كنت أتوقع قبل زواجي إن حياتي حتكون مثالية ابسطها إننا
حنتناقش وكل واحد يرضي الثاني
حنحضر دورات تطويريه مع بعض عشان
حياتنا .
لكن اكتشفت إن ولا حاجة من هذا ساير
مجرد احلام !!

زوجي كثير الانتقاد
والمشكلة ما يبغاني اناقش
يقولي تسمعي كلامي
بدون تبرير أو اعذار او منافشة
لا تناقشيني سوي اللي اقوله وانت
ساكتة
مافي حاجة تخلي الزوج يحب زوجته
الا كلمة سم ،ابشر ،امر ،تدلل !!!

ياربببببببي كيف كذا
اتحطمت مرة

اديكم مثال : مرة
زعل لييييه تقوليلي راعي ظروفي
بتعلميني الاصول؟
انا مراعيك انا احس فيك!
ومرة قلي انت لما تقولين قدرني راعي ظروفي تقللي من رجولتي وهذا ما ارضاه ؟؟
انا مقدرك ماني بحاجة تذكريني !!

طيب أنا شايفة انه ما يقدر !
مو معقولة أكون ريبوت متحرك
انفذ كل شيء عاجبني مو عاجبني
يناسب ما يناسب !!
مو معقولة اضغط على نفسي
وعلى صحتي عشان انفذ اشياء
بالتفاهم تتعدل

مرة طار فيا على شيء تافه
وبعد فترة قلتله ليه عصبت
وقلت كلام جارح ماله داعي
كلامي كان جدا عادي
قال عشنك ناقشتيني
حنجلط شكلي !

ايش تنصحوني !

السلام عليكم اختي
والله الحال من بعضه وانا لو حاولت ادافع عن نفسي او اوضح له رأيي يقول لي اهلك ما ربوك وانتي مو محترمة ومن هذا الكلام اللي بيجرح
والله يهدى سركم ويهدي زوجك لو هذا عيبه الوحيد اتحملي وش بتسوي
الغريب أني كل ما أقرأ مشكلة في المنتدي اجدها تشبه مشكلتي
بمعني ان كل عضوة عندها مشكلة محددة بس انا مشكلتي هي عبارة عن مجموع مشاكل
ربي يفرج همك وهمي وهم الجميع

والله حبيبتي حتى انا زوجي عنيد ودايم كلمته على كيفي ويرفض النقاش
بس انا سرت اسايرة واقوله صح على كيفك ايش اسوي لان لو تكلمت ولا رفعت صوتي بتكبر السالفه ويعند زيادة..
لكن بعد كذا اجية بلحظة صفاء وهدؤء ومساج واقول رائي والاغلب تنفع

عارفة اصلا انا سرت قبل مااطلب طلب صعب ولابتناقش معاه ابدا كلامي واقوله حبيبي ترا في النهايه الرأي رأيك وعلى كيفك في لحظتها يشوف نفسة و يتقبل النقاش

شوفيني لي اسبوع تقريبا بمشكله الانجاب هو يبغى دحين وانا رافضة ومعند معاي ورافض النقاش جدا اصلا مااقدر افتح فمي بكلمة من عصبيتة
قلت له خلاص موافقة وجلست يومين مسوية نفسي حزينة وفي الاخير ناقشتة بهددؤ وافق تاجيل الحمل

اختصار لكلامي ان الي زي كدا ماينفع تناقشية ابدا لان لو ناقشتية بيزيد خاصة لو رفعتي صوتك..
والله يعينك هي حاجة تقهر بجد خاصة تحسي نفسك مالك رأي ولا كلمة بس مو مشكلة هونيها وتعاملي معاه بسياسة::::::
والله يسخرة لك يارب

السلام عليكم ورحمة الله وبركاته ..
مرحباً أختي الكريمة ,, أوقات النقاش أختاريها في الأجواء الدافئة ، وإنتبهي على نبرة صوتكِ لا تكون عالية وابدئيه بكلمة أفهمك معك حق لكن ماهو رأيك ووو كي يعلم بأنك لا تكسري كلمته وحتى ملامح وجهك لاتكون غاضبة لأنه سيفهم العكس وثقي بأنه سيسمعكِ ..
كله يعتمد على طريقة حواركِ بالكلام الراقي والوقت المناسب فقط
أُمنياتي لكما بحياة مليئة بالإحترام والحب والسلام ..

السلام عليكم ورحمة الله وبركاته ..
أنصحك بأن تقرئين كتاب أنت لا تفهمني الرجال والنساء في حوار لديبورا تانين سيُفيدكِ جداً