الحمد لله
الله يسعدك مع خطيبتك يا أخي وأذهب للدكتور الذي أخبرتك عنه الاخت سقيا
لاني قلت لك مسبقاً لا تدخل في زواجك الا بعد دخول دورات تدريبية
الله يوفقك يا أخي الكريم

زوجتك تحبك وماعليك من الكلام لانه مايهم \
احكم على الافعال وافعالها واضحه هي تحبك ومن البدايه يوم انها قالت ان ابوي تغير موقفه باين انها تكلمت مع ابوها ومتمسكه فيك البنت تحبك لو ماتحبك مستحيل كملت معك هي صغيره وكل شي حلو وما بعد تم العرس يعني اللحين الامور بصالحها بس عشان تحبك وارتاحت لك تمسكت فيك
وانت برضو تحبها واضح

بس فيه مشكله وحده هي تفسير كل شي .. ما عرفت انت تتعامل معها ومعطي كبريائك اكبر من حجمه

شف مافي احسن من العفووويه تتصرف بعفويه تعيش بسعاده وانت قاعد تمنع هالشي وتتنصنعون افعال وتسوون اشياء سيئه تكرهكم ببعض بدون لا تحسون
مثل موقف يوم تقول لك انت غبي .. طيب ؟ الموضوع مافيه اي شي ,مشكلتك انت حساس وكبريائك مسيطر عليك وتفكر بشكل مبالغ فيه
انت شديت على يدها عورتها وهي طلعت ردة فعل عفويه وقالت لك غبي
لو انت ضحكت وتغزلت فيها مثلا بصوت مايسمعه الا هي لو بسيط مثل( هاليد الجميله هذي تعورت اسم الله عليهااا ماتستاهل صاحبة هاليد العوار).. ممكن تشتمك بعد بس شتيمه عاديه لكن لانها مستحيه من وجود امها ومن كلامك لها وشي طبيعي وانت رد على شتميتها بالضحك عليها وقل يازين المستحيين واذا حزت في خاطرك قل لها بعدين ترى ما اخب الشتم وعشاني لا تشتمين حتى لو مزح

بالاخير لا تعاملها كانها زوجتك .. عاملها كانها صدييييقتك والفرق بينها وبين الصديق انها انثى تحتاج حنان اكثر ورعاية اكثر ومراعاة اكثر

وبعلمك معلومه ترى البنت عندها دوره شهريه تأثر على نفسيتها مره وتخليها تزعل وتتهاوش وتصيح تتعب مره هي
بوقت الدوره او قبلها بكم يوم ومن الواجب وحق للمرأه يراعيها ويسلك لها ويداريها
وليش ربي حط العصمه والطلاق بيد الرجل؟ عشان الرجل يقدر يتحكم بعقله
اما المرأه معروفه ان عواطفها تطغى عليها وتصير تفكر بعواطفها وممكن تطلب منك بوقت المشكله وطبيعي بتصير معك مشاكل وهي ملح الحياة صراحه ,نرجع لموضوعنا ممكن تطلب الطلاق وممكن تستفزك عشان تسويها لكن انت دخل من اذن وطلع من الثانيه ولا ترد والاحسن قلت انا ما اتكلم مع احد يرفع صوته او يتهجم اذا هديتي ورجعتي لعقلك كلميني واطلع برى البيت لين يرجع لها عقل
بوقت المشكله تظن ان تصرفها صحيح لكن بعد ماتهدى وتفكر مره ومرتين ويرجع لها عقلها غالبية الحريم ماراح يعلقون لكن من داخلها راح تدعي لك وتشكرك انك صرت حكيم يارجل حياتها وماتسرعت واستجبت لها وتتعلم من خطأها
عاملها كانها صديقتك وطوف لها وهي تطوف لك

ومره مهم انك تكلمها قبل تتزوجون قل لها قبل ندخل حياة صعب نتراجع فيها اللي هي لما نتزوج
انا ابغى نتفق انا وياك على اشياء ما نتعداها
وفكر انت باهم اهم اهم اهم الاشياء واتفق معها ومن رايي
اتفق معها مثل ما سوى جدي مع جدتي, قل انا ما ابغى عيالنا يتعبون ويتشتتون ويعانون بحياتهم الطلاق مانبغى يصير مهما كان اذا شفتيني عصبت وزودتها انتي ارخي واذا انتي انا بالمقابل راح ارخي يعني اذا شد احد الاطراف الثاني يرخي
الامر الثاني ما نبغى نتناقش بشي الا وحنا هاديين اذا عصبنا نبغى نخلتي بلحالنا ونفرغ غضبنا بالصلاة او اي شي لين نهدى ونجتمع ونتناقش بعقل وهدوء
الامر الثالث ما نبغى نجلس يومين وبقلوبنا عتب على بعض لازم نصالح بعض
الامر الرابع الكبرياء نبغى ندخل بيتنا وهو ما يدخل معنا , ما ابي الكبرياء يمنع احد من الاعتراف بذنبه او الاعتذار او مراضاة الثاني
الامر الخامس ما تكسري كلمتي قدام عيالنا او انا اكسر كلمتك او نتهاوش قدامهم
انا عصبت على قرار سويتيه لولدنا مثلا ما راح الغيه قدامه راح اناديك بدون لا يفهم واتناقش معك يا تلغينه انتي يا انا اطوف لان هالشي ياثر على كل العايله
الامر السادس اذا واحد منا قصر لربه لازم الثاني ينصحه وبوجهه ومايتركه الا لين يرجع لربه
الامر السادس والاخير اهالينا لازم نحترمهم وماندخلهم بمشاكلنا ابد ابد ابد ولا نعلمهم شيصير بيننا ولا تروحين لبيت اهلك زعلانه الا بالشديد القوي مرررررررره ولازم كل طرف يحترم اهل الطرف الثاني

قل لها هالامور بجلسه وديه مريييييييييحه تكونون بوقتها راضيين على بعض وقل لها بشكل رومنسي لو بالتلفون وكلمها ولازم تتفق معها

فيه امور مهمه لك لكن لا تقولها هنا بس اتفق باساسيات ما تتعرضونها




اهم نصيحه من كلامي كله عاملو بعض كانكم اصدقاااااء موب زوج وزوجته وتتشرهون على بعض

ومره حبيت زوجتك وحبيت والله يهنيكم يارب ولا تهتم انت بكل كلمه تقولها وتفكر بمعناها

زوجتك تموت عليك وتغار عليك وتبغاك بعد هذا كله وقبلت فيك اعرف انها تموووت عليك انا بنت وهي بنت ونفهم نفسيات بعض
والله يهنيكم واذا قريت رد علي ولاتنسى تعلمنا ببشارة استقرار الامور وانكم عرفتو كيف تعاملون بعض وانصحك ترى زوجتك كتومه وما تقول مشاعرها وعندها كبرياء شفها تشتاق لك وتعتب عليك بقلبها ليه ماتكلمها وماسكه نفسها ماتكلمك انصحك ماتصدق كل افعالها وكلامها اعرف نيتها صدق ومقصدها تراها حساسه جدا جدا جدا انتبه تجرحها وطوف لها وترى هي اذا دخلت 22 واكثر ترى بتتغير شخصيته واذكرك لان هالعمر هو نضوج البنت

وبقي شي نسيته انت وهي لا تسمعون كلام اهلكم
وامك واضح انها كبيره شوي وكلامها نصه صحيح لا تاخذ فيه كله

الحمد لله
كتب الله لكما السعادة ووفقكما
يغلق

__________________
## مهم ##
هل تتعرضين للابتزاز في الانترنت؟


هنا من ينقذك