مستحيل انها عادي وما طقت لك خبر
اعرف وحده زعلت من زوجها وعند اهلها تضحك وزيارات وطلعات بس بداخلها تحترق !!
هي ام مثل ماانت اب
وزوجة معلقه اكيد نفسيتها بتتعب
وهي مشتته بين زوج قاسي واهل مسيطرين

وخواتك قل لهم لا تدرورن لي على زوجه ، هذا الي يبي يكحلها وعماها ،، المشكلة ماتحل بمشكله اخرى الله يهديك ،،

وشروطهم اقبل فيها بحضور والدك الله يحفظه ووالدها واخوانها واخوانك ويكفي ،، بدون محكمه وتصديق
الرجال كلمته مايثنيها ،،

__________________
nh

أخ عفناك أي شرط على ورق بعد كتابة العقد يبلونه ويشربون مويته
وماله أي قيمة قانونية خصوصاً إذا فيها دخول وخروج
تسرح وتمرح ذي مو من حقها انت ولي أمرها وشرعاً المسؤول عن دخولها
وخروجها وماتاخذ الاذن الا منك ولا تعتبر ناشز والناشز ليس لها نفقة
حتى ترجع لبيت الزوجية وتطيع زوجها..

روح يابن الحلال وهز راسك وقول ايه ايه لين ترجع زوجتك
وعدل حياتك وإن لفت ودارت خذ عيالك وخلها تنطق في
بيت أهلها لين تتعلم الطاعة..

أو ان بديت شغل محاكم في الزياره فاحب اقولك راح تخرب مالطا
وتوقع الطلاق وممكن تكبر في راسك انت بعد وتصير المحاكم
بينك وبينها مو بس في العيال..

روح ورجع عيالك وتعوذ من الشيطان وخلهم يشرطون من اليوم لبكره
انت الرجال واللي يعجبك تمشيه.. بما يرضي الله طبعاً

المحاكم كنت حاس انها بتدخلنا في متاهات وعشان كذا
اجلت الموضوع خليته بالنهايه
الشروط ع قولهمم بالمحكمه شلون .. تصير حبر ع ورق مصدقه من كاتب العدل

يا أخي بالعقل الطاعة حق لك ومن حقوقك شرعاً
مصدق ان الكلام هذا بيمشي في المحاكم ويصدقه كاتب عدل
على كذا ما قعد حرمه مالعبت في حسبة زوجها
وانقلب شرع الله ...

ماقصد انهم بيكتبون تطلع وتجي ع كيفها
متى ماجاء ببالهم يقولون كاتبين عليه شروط وماتقيد فيها
وهذي هي الشروط .. لانهم ناس يكذبون علي الان كلهم
شلون اثق فيهم وامسكهم نفسي

نعم اختي بالكذب والدهاء كل شيء يصير مع كيد النساء
فرضا لو زوجتي شرطت انها تعمل او تدرس مثلا
ثم كانت مقصرة في البيت او معاندتني او انه فيه مفسدة مثلا لو منعتها حيقولوا والله شارطين عليك
وانا حصل لي موقف المهم باختصار
كانت شارطة انها تدرس
وصلت مرحلة التدريب وكان فيه اختلاط مع العلم اتفاقي كان على اساس انه الوسط فقط نسائي
اتوترت علاقتي معاها جدا بدأت تنشز
معليه اروح اوصلها واجيبها وهي ناشز وغصبا عني والوسط الي تدرب فيه كان بيه اختلاط وعلاقتنا متوترة والحمل تاخر سنتين
قلتلها يابنت الناس
خلينا نلتقط انفسانا وقفي تدريبك شهرين وبعدين ربك يكتب اللي فيه الخير وللعلم سنتين وانا كنت ساكن معاها بمدينتها من اجلها
قالت لا انا رايحة
المهم حلفت يمين لو خرجت بدون اذني انها طالق في كل مرة تخرج فيها بدون اذن واعلمت والدها
قام ابوها ووداها ثاني يوم
وقدام الناس يقول انا شارط عليه
طيب شارط لكن تخرجها غصبا عني مين اللي يقيم المسألة
وعند الشيخ كان فيه بيني وبينهم ورقة صلح كانت في احدى المرات تحاول تنتحر فحاولت اهديها واشتبكت معاي المهم ونا اقلها اصبري كل اللي تبغيه اسويلك ياه وقاعدة ترمي نفسها من الشباك خفت فضربتها لتهدىء وانا حالف قبل ماتسوي اي شيء ما ابغا امد يدي بعدين لفوا الموضوع علي وطلبوا مني ورقة صلح واني اكتب ما امد يدي هذا قبل طلاقي بسنة وتم الصلح ووقت الطلاق راح ابوها يطلع الورقة عشان يشوه صورتي قدام الشيخ وما قصر مابقا احد ماشوه صورتي عنده
رحت المحكمة واعطيتها ورقتها وقالولي بالمحكمة ناخد عليه تعهد وترجع قلت لا حاول يعطيني الشيخ موعد ثاني رفضت
كانت ممرضة
وقبل كم يوم كان فيه موضوع عن احد الاخوة زوجته نفس الشيء وخانته يعني انا شايف تصرفات زوجتي اذا هم شارطين وانا شايف خط سيرها استنا تصير مصيبة
الشاهد
انه الزمن الحين اتغير وانتم شايفين كيف الله يعين

اخوي رائد
اللي انا متوقعه منهم مثل ماصار معك
لان في رجعتها الاولى كانت الشروط شفوي وقلت من عيوني
احترام وتبشر فيه ومالها الى طيبه الخاطر
وكنت فعلا احاول اسعدها ومسوي كل شي تبيه وهي شايفه نفسها
واذا راحت لااهلها تروح معهم وين مايبون بدون ماترد لي الراي والشور
وبعدها راحت لااهلها بدون سبب يذكر كل ماطلبت يبينون السبب قالوا ماوفيت بكلامك
طيب شنو سويت مايبررون لدرجه وصلت فيهم الكذب والافتراء

اخوي
ليش بقلك روح واستشير عشان تعرف كيف تتصرف
بس نصيحة اخ انا ماكان عندي وقتها ابناء ووقتها كنت محروق لانه ابوها وهي يبغوا يكسروني وكانوا دايما يلفوا المواضيع علي ويوم شفته طلع موضوع الصلح ثارة ثائرتي عليه لانه اصلا الورقة وقت سويتها اللي حواليني وقت نصحوني مايعرفوا البيئة اللي قاعد اتعامل معاها يعني سويلهم وكبر راسك وفي الاخير استغلها علي ليشوه صورتي قدام اي احد جا يبغا يغطي موضوع اخراج بنته اني انا ظالم واضرب كل مايشوف احد
وانا انادي البنت واقلها ماقلتلك وحلفت اني ما ابغا امد يدي بس اهدي ردها تسكت ابوها مدربها
وحدة تحاول تنتحر بالله عليكم اي رجال وقتها يكون عنده عقل وقبل مايصير اي شيء اقول للبنت والله كل اللي تبغيه يصير بس اهدي راحت ترمي نفسها وقتها كيف اي واحد يتصرف اتفرج امسكها تضرب ايش راح تكون ردة فعلي حسبي الله ونعم الوكيل
فتحتوا علي مواجعي

المقصد انت عندك عيال
بس خل عندك هدوء وصبر وبرود الزمن راح يعالج وضعك بإذن الله

شكلك تعاملت مع ناس مثل اللي انا اتعامل معهم
العيال كاسرين ضهري والحياه بدونهم مالها طعم
يارب سهلها صبرت 8 شهور ويارب تتسهل ويبعد الشيطان عنا
الان اجلت موضوع المحكمه لان الخطوه الجايه الوالد يبي يتوجهه لهم
وان شالله يجي بالاخبار الزينه .. الموضوع بيني وبين ابوي الان باقي اهلي لو يدرون
اني اسعى بالصلح زعلوا مني لانهم كرهوهااا

لاتوافق ع اي شرط انت مو مقتنع فيه المسلمون ع شروطهم

وانت الله يهديك لو سمعت شروطهم

اذا ماعجبتك قولهم خلوا بنتكم عندكم ( وإن يتفرقا يغنِ الله كلا من سعته )