ما رديتي .. على العموم بقولك الطريقه الثانيه .. روحي لاي مركز نفسي ورحي لاخصائية نفسية الفرق يا مصونات بين الاخصائيه النفسيه والطبيب النفسي ان الطبيب النفسي يعطي ادويه بس الاخصائيه تعالج بالكلام روحي لعندها وقولي لها حابه ازيد ثقتي بنفسي عطيني اسماء كتب وراح تعطيك وكمان بتخليك تدخلين بقروبات بالواتس معها بيكون فيه بنات كذا هدفهم يطورون شخصياتهم وبتكونين واثقه فيها لانها من مكان موثوق وبتساعدك تعلمك على الحسابات اللي بتويتر اللي تهتم بالثقه وبتلقين ناس يعلمونك ويدعمونك لانك محتاجه ناس تشجعك وتساعدك وبنفس الوقت ناس دارسه وفاهمه علم النفس وهالاشياء

مقوله اعجبتني

العلم مو دراسه فقط حتى التعايش مع الحياه الخارجيه يعلمني اشياء كثيره
------------------------------
عشان كذا اقولك:
لا تحصرين العلم بالدراسه .. مع انه الدراسه مفيده ما اقلل من قيمتها ..
احس مصونات انتي محتاجه تتعلمين كيف تتحكمين بمشاعرك وما تخلينها توديك للاحباط انتي محتاجه هالشيء اكثر من انك محتاجه دراسه عاديه بجامعه او معهد الخ انتي تنقصك مهارات اداره المشاعر انتي تنكسرين لاقل شيء وهذا يدل انه فيه نقص بمهاراتك انتي بس لو تعرفين كيف تغيرين تفكيرك تلاقينك ابدعتي ونجحتي باشياء كثيره اكيد اكيد فيه اشياء جميله فيك الله سبحانه خلق كل شخص وفيه جماله الخاص وانتي اكيد فيه جمال بشخصيتك بس انتي الى الان ما اكتشفتيه .. لكن مصونات اتمنى لو تعلقين على ردودنا ما ينفع تقرين وتطلعين بكذا مارح تستفيدين

مشكورة اختي الغالية علي وقفتك معاي صحيح كل كلامك مين يساعدني أنا ماعرف أساعد نفسي كل تفكيري وهواجيس عند الناس او وحدي يوجعني راسي ......

السلام عليكم .. العفو يا اختي

اذكر مره سمعت عن دوره اسمها التخلص من الافكار المزعجه او المشاعر السلبية ابحثي عنها بالنت
وروحي استفيدي لان انتي واااضح انه افكارك متعبتك ومنتي قادره تتعاملين مع الافكار المزعجه اللي تجيك .. يمكن انتي ما كان عندك ادراك انه هالافكار مؤذيه وماتفيدك بشيء ابدا .. لازم تتعلمين كيف تتعاملين مع الافكار

اذا انتي بالرياض او بالقصيم فيه مركز مطمئنة يقدم دورات كويسه عن التخلص من الافكار المزعجه وعن الذكاء العاطفي واسعارهم مو غاليه والدوره تكون مدتها ساعتين او 4 ساعات بالكثير اذا عندك حساب بتويتر تابعيهم ينشرون دوراتهم ويعلنون عنها .. الله يشرح صدرك يارب

وعليكم السلام كيفك ايش اخبارك عزيزتي احس العلاج النفسي عيب ودي اشيل الفكرة عني ........

الحمدلله انا بخير
لا هذي مو دورات علاج نفسي هذي دورات تثقيفية مثلها مثل دورات اداره الوقت وتحليل الشخصيات والتغلب على الغضب ما لها دخل بالامراض والعلاجات ما لها اي علاقه واذا رحتي بتلقين ناس عاديين مثلك ومثلي بس بتحسين انهم مثقفين وحابين يطورون انفسهم وان شاء الله تكونين مثلهم باذن الله

مشكورة اختي مادري ايش أقولك غير الله يجزاك الف خير .......

واياك يا غاليه

اهم شيء التنفيذ ويارب تنبسطين بالدورات وتعرفين كيف تكتسبين مهارات جديده وتتغير طريقة تفكيرك
الله يشرح صدرك يارب
وخبرينا ايش يصير معك لانه يسعدني اسمع اخبارك الحلوه واتمنى تكونين انسانه ناجحه لانك تستحقين هالشيء يا مصونات

ويا مصونات انتي تحتاجين لتشجيع واحنا موجودين تقدرين تكتبين لنا ايش صار معك واحنا نتابع معك يعني مثلا اذا حضرتي دوره وحابه تتكلمين مع احد عادي نزلي موضوع ايش استفدتي من الدوره اللي حضرتيها وكمان تفيدي غيرك

تعرفين انا مره حضرت دوره تخيلي فيه حرمه تقول انا و اختي واخوي متفقين انه كل واحد يحضر دوره نجلس مع بعض ونشرح لبعض ايش استفدنا من الدوره وهم كبار متزوجين بس ماشاءالله عليهم حابين يتثقفون

الاستفسار بشأن حذف أو تعديل موضوع تكون في أركان المراسلة المتوفرة في أقسام المنتدى
الإشراف