بسم الله الرحمن الرحيم..
الصراحة ما أعرف من وين ابدأ.. متضايقة وااااايد وعلشان جذي لت أكتب لكم.. بغيت النصيحة الطيبة منكم و من المشرفين و بالاخص المجاهد..
رح اعرفكم على حالي.. أنا متزوجة جديدة.. يعني ما صار لي الا شهرين.. لكن ويعلم ربي انها شهرين من العذاب .. و السبب زوجي..
ما حسيت في لحظة اني عروس.. من يوم عرسي..
راح اتحسون ان الكلام مو مرتب.. لان الاكلام اللي في بالي كثير و ما اعرف من وين ابدأ و اكمل.. زوجي الحمد لله انسان يصلي و قاعد الحن يحفظ القران و بدل الاغاني كلها بالقران من بعد العرس.. هذا الشي طيب.. و يبعث الطمانينة في النفس.ز لكن مشكلة زوجي ان لسانه طوييل بمعنى الكلمة.. الفاظه سوقية جدا.. اذا عصب نسى نفسه وبدا يتلفظ بالالفاظ اللي مالها داعي.. الشي هذا طبعا يخليني انفر منه و ما اكلمه بالايام عشان ما يكرر الحركة لكن ما في فايده.. احاول اذكره باخلاق الرسول و كيف ربنا وصى الرجال بالنساء.. سمعت معاه اشرطه عن التعامل مع الزوجات و كيف ان الاحترام جزء اساسي لنجاح اي عللاقة.. هذى الوضع الشهر هذا لكن تخيلو الموقف اللي صار بدأ يسب حاولت اسكت مثل كل مرة او اني اقوم من ال مكان مثل ما اسوي كل مرة لكن ما قدرت .. رديت عليه بنفس السبه.. رد علي باني لازم ما ادرد عليه لكن عاندت و رديت عليه بنفس السبه.. كرر كلامه باني لازم اسكت ما قدرت.. تخيلو اللي صار.. ضربني بالنعال.. كنت مصدومة من الموقف لكن الشي هذا مو غريب خاصة اني انا اللي استمريت بالرد عليه.. اتلصراحة المرة هذي ما سكت عن الموقف وخبرت الوالد و احد منة اخوانه الكبار انهم يتدخلون و يوقفونه عند حده.. طلعت من البيت لاني ما اقدر اقعد و اشوف وجهه احس راح اتصير حريجة كبيرة المهم الحمد لله ان الوالد انسان عاقل وحتى اخوه كلموه ونصحوه لكنه كان يهدد و يتوعد.. رجعت اليوم الثاني و انا لاعنة الشيطان و نيتي اني اصلح الامور. اول ما دخلت طبعا هددني بضرب ثاني و لكمات اذا رحت و خبرت اهلي باي شي.. سكت لاني اعرف انه امعصب.. تذكرت لحظتها كلام الرسول يوم ينصح النساء ( هذه يدي بيدك لا ااتركها حتى ترضى عني.. ) اول مرة اسويها من يوم ما ملجت لين بعد العرس.. قلت يمكن اهدي الامور.. طبعا حصلت الصد الكبير منه.. وطرد من الغرفة.. المهم رحت صليت ركعتين و توكلت على الله ومع كثرة الاستغفار.. تجرات و مسكت يده و قلت اني ابغي اكلمك.. كلمته و بينت له ان كيف الاحترام شي اساسي فحياتنا.. طبعا طلعت انا الغلطانه لانمي طلعت اسرار البيت.. على حد تعبيره.. ست عنه وحاولت افهمه انا ليش رديت عليه و اني كنت غلطانه لكن السب هو اللي ما خلاني اتحمل وبديت حزتها بالرد عليه .. قالي انا ماراح اتغير وانا جذي عجبج عيشي معاي او روحي بيت اهلج.. رديت عليه ان التغير لازم يكون من الطرفين مو من طرف واحد.. المهم اذن العصر راح الصلاة و رجع قرا سورة ال عمران ومر على الايات اللي تتحدث عن النساء و حقوقهم.. ما تكلمت معاه لين اذان المغرب.. طلعنا بيت ابوه وهناك فطر وطلع و ماشفته لين الساعة 9 قلت يمكن الوقت هذا ينفع عشان شوي يراجع و اراجع نفسي.. رجع ركبت السيارة و كنت ساكته ما اتكلم.. حاول يكلمني رجعنا البيت و هناك الصراحة الشي ذابحني.. لكنه اخذ مني حقه الشرعي.. الصراحة انا وايد خايفة ما توقعت ان يكون نصيبي بالطريقة هذي الحمد لله على كل حال لكني جد خايفة ان الموقف يتكرر مرة ثانية.. احس كان ماله داعي اكلمه واراضيه.. لاكني في الوقت نفسه شفت ان الامور مشدودة بطريقة ما تتخيلونها خاصة انه قبلها بكم يوم انا ما كنت اكلمه و حرمته من حقه الشرعي 4 ايام غير عن الايام اللي قبل.. ما ادري لكني بشو تنصحوني الحين خاصة انه راح يرجع الفجر من دوامه علشان ياخذني للبيت