اختي ماختلفنا بالسر عن زوجته وفهمنا ليش
طيب وبالنسبة لاهله
لا اقل من ان ياتي والده واخوانه
لا تقولين كبير في السن وهو يسد عن غيره
الزواج زواج اسرتين
فاهتمي في هالموضوع ولا تتنازلي فتندمي
انت ناضجة
الدنيا مالها امان
والمراة التي تتزوج بدون اهل الرجل يخلون مسؤوليتهم منها في حال صار اي شي

بيحط لج اعذار كثيرة
المفروض ما تقبلينها ولا ترضين بتقليل قدرك

__________________
الحمدلله الذي بنعمته تتم الصالحات

اكيد اختي مثلما ذكرت في ردوودي القبليه هالشرط لازم بشرطه دامه يبي يعف نفسه بالحلال خل يكون قد هالزواج والله يقدم اللي فيه الخير .. تسلمين ع الرد وجزاج الله كل خير .

الله يبارك فيش اختي
زوجها عاقد النيه على الزواج وانا اشوف انش انسانه طيبه ومقدره للظروف ومراعيه لمشاعر زوجته الله يشفيها
بس ابي اقولش انتي داخله على رجل سيعدد وايضا زوجته مريضه فالوضع هنا يختلف
حقش بيكون مهضوم وبشكل كبير وفي هذه الحاله يجب وضع المراعاه بعين الاعتبار
ليس فقط في المبيت بل في امور كثيره
السؤال ؛ هل عندك استعداد نفسي لتحمل ذلك ؟؟ حتى لا تظلميها او تظلمي الرجل او تظلمي نفسك
هل انتي على درايه كامله بما مقبله عليه
المطالبه بالعدل بينك وبينها سيختلف هنا بسبب وضع زوجته الصحي
هل انتي قادره العيش معظم الوقت لوحدك هل تستطيعي التضحيه في بعض حقوقك ؟؟
واضح انه اراد الزواج فقط ليعف نفسه !
اذا لديك القوه والقدره لذلك الله يوفقكم

__________________
وهل من مصير اخر ؟

اكيد اختي امفكره من هالناحيه وما راح يفرق عن وضعي الحالي بشي بس العوض ولا القطيعه مثلما يقولون ومافي وحده ترضى تقبل ع مثل هالحياه والا هي مضطره وشي اكيد اني امفكره بسلبيات وايجابيات ها الزواج بشكل عدل والحمدلله بالنسبه لي الايجابيات اكثر .. وهي مسألة وقت يا انها تشفى وحزتها اكيد بصمم ع انها تدري وهو قابل بهالشي بس حجته انه ما يبي لها تعرف بالوقت الحالي لانها مريضه بس مع الايام بيمهد لها وان شاء الله ما تطلع نسره ع حظي حزتها ههههه وانا اللي قاعده افكر فيها هالكثر وتتقبل قرار زواج زوجها ع خير .. ومع الوقت وشوية صبر ان شاء الله كل شي يتغير ويصير حالها من حالي والعدل مطلوب منه في هالوقت واكيد حزتها ما راح ارضى بالتنازلات الحاليه ما احب الظلم لحد واكيد ما راح ارضاه لنفسي واصلا انا هدفي من هالزواج هي الذريه متنازله عن كل شي الا اني اكون أم بيوم من الايام والحمدلله انا وحده قنوعه وايد وربي بيرزقني ع قد نيتي ومحسنه الظن فيه من يدري يمكن يعوضني عن كل اللي شفته بحياتي ويكون لي نعم الزوج واحسن عن طليقي بوايد .. الله لا يخيب رجا حد فيه بس متفائله ان شاء الله .. ومشكوره ع ردج حبيبتي وان شاء الله ربي يبارك لج بحياتج ويرزقج كل اللي تتمنينه .

ارجو لك السعاده
وتستاهلين كل خير اختي الله يسعدش

__________________
وهل من مصير اخر ؟

تسلمين فديتج ولج بالمثل وأكثر يارب .

اللي فهمته ان كل ذي الاخبار جايبتها من عنده
مرض زوجته وموافقة أهله والى الان ماشفتي شي
على أرض الواقع؟
تأكدي من مرض زوجته .. وأهله لازم يحضرون رجال ونساء
مو شرط كلهم بس من ينوب عنهم من الكبار زي الام والاب الاخ والاخت
ولا تطلعين من بيت ابوك الا على بيت جاهز لك..
والله يوفقك

ايه أختي اتفقنا ع كل شي وقت الشوفه وطبعا ما راح يستمر هالزواج الا لما اشوفه امحقق لي هالمطالب وان شاء الله خير مع الايام راح يبين اكثر وايي اقول لكم .. مشكوره ع ردج فديتج وجزاج الله كل خير .

مريض السرطان يحتاج دعم نفسي فكيف اذا عرفت زوجته
اللهم اشفها واجعلها تربى اولادها
ومن قالت انه مرض مميت بل كثير تشافو بقدرة الله في حين يموت سكته اصحاء
كتب الله لك اختي لك الخيرة في امرك

__________________
اللهم اصلح قلبي وقلب ابنائي

اللهم امين حبيبتي .. مثلما ذكرت اختي هذا مب اول مره تمرض فيه الله يشفيها ويعافيها في احتمال دايم يرد لها السرطان ربي يعينها ع اللي هي فيه بس هذا كتبة رب العالمين لها مالي يد فيه والريال هو اللي جاي لحد عندنا يبي الزواج وهذا شي خاص فيهم مالي النيه اني أتدخل بحياتهم بأي شكل من الاشكال متفهمه لوضعه ولوضعي وياه لو قبلت فيه وهذا المهم عندي اما باقي خصوصياتهم مالي دخل ولا احب اسأله او اتكلم فيه الا لو هو شاركني همومه .. تسلمين ع ردج وجزاج الله كل خير .