ما شاء الله تكفي وليه ما تكفي !
أغلب الشباب عليهم قروض والتزامات وبعضهم ملزوم بأهله بعد
قسّم راتبك زين والقرض فترة وراح ينتهي وأنصحك تاخذه من الحين وتحفظه قبل ماتجي الزوجة وتزيد المصاريف
عندي كم سؤال
كم يستمر بنك التسليف يسحب من راتبك ؟
وكم مدة القرض اللي راح تاخذه ؟
ولو قدرت تاخذ موظفة راح يطيح عنك شيء كبير لكن مو شرط كل الموظفات يساعدون أزواجهم فلا تأمل كثير
لكن احرص تكون جامعية لو تتوظف بأهلية بداية حياتكم .
وكلها فترة ينتهي القرض وتجيك علاوات وبيغنيك الله توكل على الله وتزوج ولا تنس الاستخارة .
الله يوفقك وييسر أمورك .
__________________
سيهديني سيشفيني سيمسح ما على قلبي ومن همّي يُنجيني وينزع ما اعترى صدري وعن ضيقي يسليني
فيا ربي ويا حسبي ويا سندي ويا ثقتي ، اكفيني . http://cutt.us/pcav
وعليكم السلام ورحمة الله وبركاته ..
مرحباً بك أيها الأستاذ الفاضـل نعم تكفي بإذن الله ،
نصيحتي لكِ عندما تُريد الزواج ، حاول أن تبتعد عن الديون بقدر الإمكان وتبني حياتك من مالك فقط ..
وفقك الله لكل خير ..
أنا تزوجت رجل بسيط وماكان يصفى من راتبه الا 800 ريال وكان وقتها يستلم 4000
وهو كان صريح مع اهلي واهلي ماخبوا عني اي شي
استخرت الله فيه وكنا واثقين بإن رزقنا عند الله وانا مو موظفة ولا شي
يده وبيدي وسنتين الحين
يصفى من راتبه بعد مامن الله عليه بوظيفة احسن
ماشاء الله بعد الفواتير والايجارات
7000 ريال وجالسين نجمعها عشان نبني بيت
وبدون ديون ماشاءالله
والله يا أخي اقولك الحقيقة
وماكتبتها الا عشان تزيد ثقتك وحسن ظنك بالعزيز القدير ولاتنسى دعاء الليل بأن يرزقك الرزق اللي يغنيك عن البشر ماتدري وش بيتغير حالك ان يرزقك بالزوجة الصالحة اللي تحفظ لك مالك وتشوفك انت كل دنيتها
نصايح ان شاء الله تفيدكم
1- حياتكم خلوها ملككم لحالكم لا أحد يتدخل باموركم المادية غير بعضكم
2- اذا بتقترض حاول تدخل في الجمعيات بدل القروض الكبيرة اللي تكسر الظهر سنين
3- اذا عندك سيارة زين واذا ماعندك لاتشتري سيارة تقسيط جديدة ترى كمان هذي هم كبير تجلس 10 سنوات تسدد
انا زوجي اخذ سيارة مستعملة تقسيط سنتين وخلصنا ومفكرين الحين نشتري جديدة والحمدلله كنا ( ندخل جمعيات دايما ) ونبعد على قد مانقدر من مؤسسات النصب والنهب
4- اذا على الطلعات ادخل على مواقع العروض زي كوبون اذا انت بالرياض او جدة ترى فيه عروض حلوة دايما للعرسان سواء فنادق رحلات مطاعم سفريات ادخل وخذ منه الكوبون اللي يعجبك واسعارها توصل خصم 70% احيانا هذي عشان الترفيه وماتضيقوا على حالكم مرة
5- انبسطوا بس خلوكم اذكياء في التوفير وهذا مو بخل بالعكس حطوا لكم هدف 5 سنين مثلا عشان يكون عندكم بيت ملك وسيارة جديدة وتستقروا نوعا ما ووقتها راح ترتاحوا بنسبة كبييييرة وتنسوا كل التعب وانتوا لسه بعز سنواتكم
الله يوفقكم جميعا ويرزقكم الزوجات والازواج الصالحين يارب
التعديل الأخير تم بواسطة ديــنا ; 05-03-2014 الساعة 05:13 AM