04-03-2014, 11:24 PM
|
المشاركة الأصلية كتبت بواسطة ماعليهم حسوفة
السلام عليكم ورحمة الله وبركاته،،،
عزيزتي اونا،،، المهلة اللي اقصدها تعطى للطرف الاخرتمتد من شهرين الى ثلاث،، اربع،، الى عشر شهور،، خلي نقول سنة غيرة مافية يبي يتغير اهلا وسهلا،،، مايبي مع السلامة، لانه وبكل صراحة بذمتكم لو كان الموقف العكس يعني الزوج يتفاجأ بخيانة زوجته له،،، او انها مدمنة مخدرات وهي موظفة. وراتبها يروح في تعاطي المخدرات بذمتكم وبكل صراحة وامانه ايش راح تكون ردة فعلة هل بيلزم الهدوء والروية ويتعامل مع الموقف زي ماكل زوجة تتعامل مع زوجها يقعد يصبر عليها شهور وسنين،،، لا والله العظيم اصلا مايمدي انه يدري عن الموضوع الا ويجي البيت والشر راكبة وتوقعي اي ردة فعل منهم الرجال زين اذا ماقتلها وقال هذي دنسة شرفي وعرضي هذا ماهي كفو تكون زوجة وام،،، او بيضربها ضرب يخليها تروح في غيبوبة،،،، وارحم واحد فيهم وهو الحنون يرمي عليها يمين الطلاق دون اي تفاهم وطبعاً بعد ما يعطيها المقسوم من الضرب ويرميها في بيت اهلها ويشهر فيها وفي اهلها ،،، صح ولا انا غلطانه؟؟؟ ابي اعرف بإي حق ولية حكم على المرأة انها تسكت وتصبر وتمهل وماتبقي حل او رأي ماتجربة مع الافندي،،، بصراحة عجبني رد وتعليق الاخت كوكي،،، فعلا من قال اني مجبرة امثل دور الزوجة والام والطبيبة ووووو......الخ من قال. بالعكس زين وهذا كرم من الزوجة انها اعطته الزوج مهلة ولا تتعدى الشهور،،، يااونا اعطيك امثلة حية موجودة في المنتدى صبرت سنوات الى ان تفاقم الوضع واصبحت المسألة مستحيلة الحل عندك على رأسهم الاخت اللي معرفها ((الاسرة والمجتمع))،،، صبرت 11 سنة وهل تعدل شي في حال زوجها؟؟؟ ابدا إلا زادت وتدهورالوضع وتأزم حتى اصبح الحل ((الطلاق)) وهي بصراحة تتحمل كل الغلط ايش اللي جبرها تتحمل شخص بذا الاسلوب والشخصية المريضة والمصيبة انه صارحها من اول زواجهم وانا اتعجب كيف ولية صبرت حتى صار عندها منه اطفال وتأزمت الامور،،، فهذي مثال على الصبر وعندك انا كذالك ،،،الى الان الاحظة اذا رخيت الحبل رجع على حاله الاول واذا شديت معاه ضبط وضعه،،،المهم انه للاسف المطلوب من الزوجة اللي هي الانثى اللي ربي مااعطاها القوامة ربنا سبحانه قال في القران الكريم (( الرجال قوامون على النساء بما فضل الله بعضهم على بعض))يطلب للأسف منا نحن النساء ان نقوم بدور الام الحنونه والزوجة وتحتوي الزوج بالحنان وتصبر عليه رغم انها هي التي خرجت من بيت اهلها الى بيت رجل غريب لاتعرف اي شي عنها سو انها تنتظر ماذا تخبء لها الاقدار وهي المفروض اللي الزوج يوفر لها الطمأنينه والراحة والحنان والحب والامان لماذا نحمل عبء كل شي؟؟؟؟؟؟ الاخت مبتعثة متفائلة اي رجل يرفض التغيير ويهدد بالطلاق بالطقاق اللي يطقه ويفلقة هذا دليل على انه لايكن للزوجة اي احترام اوتقدير ولاحتى احترام للرباط المقدس اللي بينه وبينها. فمع السلامة والباب يفوت جمل والله يعوض على الزوجة وينصرها. |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
