لو انت اللي الله لايقدر مريض وفي لحظه احتياجك لوقوف زوجتك جنبك وانت تمر بظروف نفسيه أو عضويه صعبه وهي طلبت الطلاق عشان مالها خلق تساعدك وانت مريض بالأمانه الشديده تجاوبني ساعتها وش راح يكون موقفك لحظتها؟؟
الحياه تبدأ بأثنين(زوج وزوجه) وتنتهي بأثنين(لأن الأولاد بيكونو استقلو عن الوالدين بالزواج) يعني مالكم الا بعض وحرام تزيد مرضها مرض والواحد لازم يرضى بقسمه الواهب ولو كان علشان الولد فصدقني العيال مايدفعون مرض او موت لأن هذه بيد الله..
ولا وش رايكم ياعيله المنتدى؟؟ توافقوني الرأي ولا لا...
أم مودي

هل تعرف ان لا رد لي غير ان العقل راحه................فسبحان الله كيف قيم اموره والى اين ينوي الوصول.

__________________
امك واختك وابنتك وزوجتك وامراة لاانثى فقط

إذا كان يحب زوجته يتخلى عنها في الوقت اللي هي في امس الحاجه له ؟اجل وين الحب وين التضحيه ..إذا ماحبها وراعا مشاعرها في مثل هذا الظرف فما اظن انه يحبها لان الحب الحقيقي مايبان إلا وقت الشدة وإلا وقت الرخاء ياكثر اللي يحبون
ومن ناحية زواجه باخرى هذا من حقه ولانستطيع ان نحرم شيء الله احله
لكن قراره اتى في وقت ماهو مناسب بالنسبه لحالة زوجته النفسية واظن لو عرفت راح تتدهور زياده والاطفال بيتعبون لما يشوفون امهم تعبانه وابوهم بعيد عنهم

لاحول ولا قوة الا بالله
انا اقترح على هالزوج ان يذهب بها الى احد
المشايخ ....هذا هو علاجها
منها تترك العلاج ومنها تجيب له عيال......ولا انا غلطانه..............

الاخوه والاخوات الكرام اشكر جميع من شارك برأيه .. ولكن لاحظت ان اكثر الردود جاءت من نساء .. وفي رأيي من المستحيل ان تشعر المرأه بشعور الرجل عندما يرغب بالابناء وتحديدا الاولاد خاصة اذا كان يامل بعمل مشروع خيري يشرف عليه ابناؤه من بعد مماته .. فلو اراد هذا الرجل ان يوقف جزء من ماله بعد موته لوجه الله تعالى هل يصح ان تكون احدى بناته وهي امراه ناظره على هذا الوقف .؟!!.. لم ارى في حياتي حاله كهذه .. ولا ادري ماحكم الشرع في هذه المساله .. قد يقول قائل ان هذا الرجل عنده ولد .. اقول نعم عنده ولد ولكن هذا الولد له ظروفه الخاصه التي تجعل هذا الرجل يفكر بجديه بان يكون له اخ يشدد به ازره ويشركه في امره ..

السلام عليكم ورحمة الله وبركاتة
الانسان طماع لو وش عطاه ربه مايقول الحمد لله يقول ابي اكثر في ناس ماعندهم ولد واحد وانت عندكم اربعة ماشاء الله في ناس يتمنون ولد ولو كان معوق وانت ماشاء الله حولك عندك خير والمرأة مو قصرة الله سبحانة وتعالي مايسوي شيء الا فيه الصلاح للعبد يمكن الله ماعطاك الا ولد واحد صلاح لحالك
بس انا اتصور ان سبب تفكيرك في الزواج مو عشان العيال لا يمكن انت من النوع اللي ماتروي عينه مرأة وحدة يبي اكثر من زوجة بس هالمسكينة اللي قايمه بواجبها الله يعوضها
الرجال يوم ينوي يتزوج يدور له اعذار من تحت الارض واخر شيء يفكر فيه زوجتة وشريكته اللي تتحمله وتصبر عليه في وقت محنتة ومرضة بس يوم تمرض المرأة يركض يدور غيرها

__________________

اخي مهد .. هذه نوايا والله وحده العالم بها ..