السلام عليكم

زرت امي حبيبتي وقرة عيني احس الله يبغى يرسل لي رساله او يخليني اعتبر بزيارتي هذي بالذات
كانت امي منزعجه في بداية اليوم راحت غرفتها وقفلت الباب
وشفت اختي الصغيره عند الباب تبكي دلع حاولت اكثر من مره ابعدها عن الباب عشان امي ماتنزعج اكثر
لكن كل شوي ترجع تجلس عند الباب
المهم رحت المطبخ وكنت اتكلم مع بنت زوج امي
فجأه اسمع صراخ اخواني الصغار ولمحت امي تركض لباب الشقه
خرجت من المطبخ وانا اشوفها بمنظر مخيف جداً ماقد شفتها فيه بحياتي
تحاول تفتح باب الشقه ومن رحمت ربي فينا جميعاً ان امي شالت مفاتيح الابواب من الصباح
صررخت ووانفجعت واخواني الصغار كلهم خافو
رمت نفسهافي الارض لمحت سماعه في اذنها فعرفت انها تسمع الرقيه حاولت افكها من اذنها الا انها كانت ماسكتها بكل قوتها وتبعد يدي
قالت لي بنت زوج امي الاطفال دخليهم
دخلتهم وهم يبكون الغرفه وقلت لهم يقرون المعوذات
ورجعت لأمي
بكيت وانا احاول اهديها وهو يتحكم في جسدها يضرب به على الارض والجدار
ويعريها الحمد لله ان كانت معاي بنت زوج امي قالت لي تراه ضعيف اقري وانفثي
مو زين يشوفك كذا خايفه لاتبكين هذا الضرب امي ماتحس فيه
هديت وصرت احاول امسك امي معاها واسوي اللي هي تسويه
بعدين قامت امي ورحت غرفتها وحاولت تقفل الباب بالمفتاح ودفيته بأقوى ماعندي يبغى يستفررد فيها
حسبنا الله هو وحده نعم الوكيل
دخلت الحمام لثواني والرقيه لسه تشتغل وطلعناها
ولاحظت انها تكرر بصوت عالي ايات السحر والكلمات اللي فيها مرده
وتغير صوتها وسمعت بعض الشتائم اللي يوجهها لأمي
وفجأه انطفئت الرقيه
وهدئت امي وجبنا لها مويت زمزم
وسبتنا وطردتنا من الغرفه

بصراحه لمن شفت امي كذا خفت ومن شدة خوفي نزفت وحسيت ان قوته تفوق قوتنا بالاف المرات
وفي نفس الوقت ايقنت ان سلاحي الوحيد في هذه المعركه هو الدعاء

انا اعرف ان امي تعبانه من زمان ودايم تحكي لي عن رؤياتها
لكنها ماصارت تتعب بالشكل هذا الا في الفتره الاخيره
بمعنى ادق لها 25 سنه والحرب هادئه وماصارت حرب علنيه الا هالسنه
صار يتكلم وتقول امي يهددني اذا سمعت الرقيه اما اوقف او يتحكم في جسدي وهي ماتوقف
انا متقطع قلبي على امي
امي طيبه وحنونه وماقد اذت احد
ايش القلوب هذي اللي تسحر وتفرق وتدمر حياة شخص بكاملها
وتكمل حياتها عادي
معقوله اللي سحرها مايتذكر انه سحر انسانه من سنين ويأنبه ضميره !!!
بس بستوعب هالاشخاص بشر مثلنا ؟

حاجه ثانيه
انا احس اللي في امي يكرره امي في بنت زوجها ولاحظت هالشي في الفتره الاخيره
مع العلم ان امي مررره تحب بنت زوجها وربتها اكثر من ماربتني وانا بعد ما اعتبرها الا اختي
لاحظت هالشي من تعامل امي معاها تغير وعلى اشياء سخيفه تهاوشها
فقلت لبنت زوجها عن احساسي قالت ايه اعرف هالشي
اصلاً مره تعبت وبعد ماهدت قلت لها امي اجيب لك موية زمزم مقريه قال "انكتمي ياكلبه " ودفها بقوه على الدولاب

انا اليوم برجع بيت ابوي ومتقطع قلبي على امي
لأني مو قادره اوقف جمبها

الله يسعدكم اتمنى تدعون لأمي ان ينتهي سقمها

ما شاء الله عليها ... ماسكه في السماعات
هذا دليل انها تعرف طريقها.. الله يثبتها
ويشفيها...
أختي كيف عرفتوا أن ما بها سحر؟
عموماً عليها أن تتخلص منه سريعاً
حتى لا يرديها .. والقرآن سلاح ناجع
مع قوة الايمان في القلب... سيفتك به
لا محالة .. أو سيبقى يعاني هكذا ويتألم
ويهدد ويزمجر ... كم هو ضعيف .. هو يكتوي
بنار القرآن ... ويعرف بأنه لا يستطيع أن يقاوم
لا تخافي .. هم خلق من مخلوقات الله سبحانه
خلق فأبدع .. والأمر كله إليه ... فلا تعطيه
أكبر من حجمه.. ومع الرقية سيضعف ويضعف
ويضعف ولن يكون أمامه إلا طريقين .. إما أن يغادر
جسدها أو يموت.. سيحاول في هذه الأثناء
أن يحتال على والدتك حتى تتوقف عن الرقية
كوني منتبهة فهم يعشقون الكذب كثيراً
ولا يكذب إلا من به ضعفاً ووهناً..

أسأل الله أن يشفي جميع مرضى المسلمين..

وعليكم السلام ورحمة الله وبركاته ..
آلمني وضع الوالدة أسأل الله أن يشفيها شفاءاً لايُغادر سقماً ..الحمدلله بأنها صامدة رُغم كل شيء ..
أسأل الله أن ينتقم منهم هؤلاء ويأخذهم أخذ عزيز مقتدر..
وأن يشفي جميع مرضى المسلمين ويفرج كروبهم ..

بسم الله الرحمن الرحيم
اسال الله العظيم رب العرش العظيم ان يشفيها ويعافيها.
اختى اقراى بالبيت كل يوم سورة البقرة ولو والدتك حفظته يكون افضل.
لانى جربت طريقه الحفظ وشفيت تماما بفضل الله ان كيد الشيطان كان ضعيفا.

__________________