احبتي ساعدوني على مشكله ماني لاقيه لها تفسير تأكدوا ماجيت اشكي لكم هنا إلا بعد ماطفح الكيل مني
انا انسانه مؤمنه لقضاء ربي وعارفه انه ابتلاء من رب العباد لاكن تجيني اوقات اضعف وابكي لوحدي ولا احد عارف
متزوجه من ابن عمتي من سنه ونص وعندي نونو حفظه ربي زوجي انسان لا اهضم حقه ونعم الرجل رغم اهماله فيني الا انه رجل لو لفيت الدنيا ما ألاقي بحنيته علي وحبه لي انا متأكده من حب زوجي لي وصدق مشاعره
وانا لا ازكي نفسي لاكني فعلا ماني مقصره بحقه ابدا وقايمه بحقوقه وفي البيت وبأبني وحريصه جدا على مظهري أمامه مهتمه بنفسي حتى أكون جميله بنظره دائما وأسأله بين فتره واخرى اذا نقصره ينبهني اخاف اقصر فيه من غير ما احس نظرا لوجود طفل بحياتي لاكنه كان دائما يقولي ماقصرتي وبحياته ماتضايق مني او رفعت صوتي عليه

موضوع المشكله فقدي الثقه بزوجي العزيز بعد ماعرفت انه على علاقه بأمرأه مطلقه بلاربعين من عمرها على حد علمي انها هي من تلاحق زوجي وكان بينهم علاقه قبل زواجنا بسنتين يعني مده تواصله فيها ثلاث سنين وللأسف زوجي كان يعطيها مجال لما تقوله وحشتني يقولها وانتي بعد وغيره من الكلام كثير اللي ذبحني انا ما اكذب لما اقول اني جدا تحطمت زوجي يحبني وانا ما قصرت بحق من حقوقي ولسى صغيره ومهتمه فيه وتهمني راحته وسوى فيني كذا صرت اقوله كيف كنت تحاكيها وتجي تحط عينك بعيني ما استحيت مني ما يأنبك ضميرك وصارت مشكله كبيره كانت بتوصل للطلاق لولا تمسك زوجي فيني لاكني كنت جدا مجروحه وهو كسرني فعلا وعدم ثقتي بنفسي حلف انه مايتواصل معاها ولا مع غيرها
انا صرت انسانه مهمله قليلا بعد اللي حصل لأني حطمني
وبعد المشكله وتأسفه لي كنت مصدقته من عيونه لما كان يقولي عارف جرحتك سامحيني وابغى انسيك هالجرح بعدها بفتره في بنت تتواصل معاه بموضوع معين عن عمل ولاكن كانت تتمادى بالكلام لما تمدح صورة زوجي بالعرض تقول انك حلو وهو يضحك معاها ويسولفون كأنهم اصدقاء حسيت انه طعني وللمره الثانيه وجرحي من الصدمه الاولى لسى ما ألتئم تكلمت معه بهدوء وقلتله ترضاها مني اتكلم مع غيرك اذا بتظل على هالحال صدقني بتلاقي عقوبه من ربك فيني ولا ببناتك بالمستقبل ندم وقالي انه غلطان بس كان مضطر يتكلم معها عشان شغله وهو يأخذ عليها مبلغ مادي
حاليا زوجي حاط رقم سري ويتعمد اني ما اعرفه وانا متأكده انه في مصيبه اخرى مخبيها عني لاكني ملتزمه الصمت واحاول اتناسى كل خاجه وابني الثقه اللي هو عدمها بتصرفاته واحاول ارجع ثقتي بنفسي وفيه
حاليا شكي بزوجي تعبني جدا جدا يحبني ويسوي فيني كذا ليه
هل استغبائي حاليا تصرفي صحيح ولا لازم انبش وراه نفس قبل واتعب نفسي وصحتي
ثقتي بنفسي خلتني اقارن بيني وبين البنات اللي يكلمهم وصرت اقول ممكن فعلا تجذبه اي بنت ويهملني انا وولده
اتمنى تساعدوني بالتصرف الصحيح للمعلوميه اني احل مشاكلي بالتصارح معه واللي ما اقدر اقوله له اكتبه بمسج واشرح وش اللي ضايقني احاول احل مشاكلي معه اول بأول حتى ماتتراكم
ساعدوني الله يجزاكم خير كيف اتناسى خيانته لي وانا بعز شبابي معه وكيف اتعامل مع وضعه لرقم سري على جواله واحساسي انه فيه حاجه مخبيها عني اتمنى تعتبروني اخت وترشدوني

نفس قصتي ونفس احساسي

خلينا نساعد بعض ونشجع بعض لما الله يفرجها علينا ..
باحكيلك من تجربتي اشياء سويتها وجابت نتيجة ..

بالنسبة للجرح اللي يجينا بسبب الخيانة اتوقع ما نقدر ننساه .. لكن احمدي ربك واعتبريه ابتلاء من الله لانه يبتلي من عباده اللي يحبه
واحمدي ربك انه ما ابتلاك في صحتك او في طفلك .. في ناس يتعذبون من الامراض و الحروب والمجاعة ويموتون بابشع الطرق.. الحمد لله انتي مشكلتك سهله وممكن تنتهي متى ما اردتي بقرار الانفصال


لكن انتي الآن تحبين زوجك وتريدين اصلاحه حاولي وحاربي حتى يتحقق لك الي تبين انتي في تحدي مع الشيطان اللي بيخرب بيتك .. وبتربحين لانك معك الله وانتي مؤمنه بالله



انا زيك تحطمت وفقدت الثقة بنفسي في البداية لدرجة صرت اقارن نفسي بكل وحدة تطلع بالتلفزيون .. بس بعدين وقفت وشفت انه مو ناقصني شي ولا قصرت بشي .. وهو لما اخذني وحبني كان شايفني واعجبته


يعني الغلط والنقص فيه هو .. لانه ضعيف قدام الشيطان وقدام شهواته

تاكدي انك انت القوية وانتي صاحبة الحق وهو الضعيف واللي لازم يقلق ويخاف

اذا سكتي وما واجهتيه مو لانك ضعيفة لان المصارحة في هذي الامور مالها فايدة بالعكس تخرب عليك نقاط قوتك لانه ممكن يقول انتي السبب لانك مقصرة معي


ان كنتي صارحتيه وانكر لا تجادلينه خلاص ..قوليله انك واثقة فيه وبحبه لك .. وانصحك ما تنبشين وراه عشان ما تتعبين


. بس لا تخلينه يحس بالامان .. يعني حسسيه انك واعية ومفتحة اساليه وين راح ووش يسوي من باب الاهتمام مو الشك .. واذا استغباك باحد ردوده لا تجارينه لا مثلا اذا قال لك جاي من الحلاق وانتي حاسه انه يكذب .. قولي وش موديك الحلاق توك محلق من يومين
وبين يوم ويوم خليه يحس انك ساكتة على شي وعندك كلام كبير بقلبك بس لا تنطقين .. هذا الترقب يخفف استهتاره فيك ويخاف شوي ..




وانتبهي انتبهي تتسولين حبه واهتمامه .. مرة غلطت بكيت قدامه قلت له انت ما تحبني .. في كل مرة يشوفني ابكي يتاثر ويحضني هذي المرة احس انه ما تحرك شي بقلبه بالعكس يمكن اشمأز مني

اذا بتكسبين حبه لانك تستحقينه مو لانه اشفق عليك


خالة بيتا نصحتني اني اثقل عليه .. وانشغل بنفسي وجاب هذا الاسلوب نتيجة جيدة
افضل من اني الزق فيه كل وقت واصير جاهزة باي وقت ..
لا تقصرين بحقه عشان ما يتشجع يدورهم اكثر .. بس لا تصيرين سهلة


خليه يعرف انك مشغولة باشياء مهمة بدون ما تحكين له .. انا مثلا اكلم اخواتي بالجوال عن هم الماجستير وكيف ناوية ارتب اموري .. انتي شوفي شي بحياتك مهم يشغلك عنه .. اقري كتب مثلا .. اقري بضمير واهتمام مو تصفح مجلة او جوال ..
اول شي بترتاحين من التفكير فيه وثاني شي فضوله وغيرته بتجيبه لك .. وتخليه يدورك لان الرجال اناني ما يحب تصيرين مشغولة بشي غيره


اذا فتح جواله يتفرج على شي قربي منه قولي باتفرج معك .. عشان تصعبين عليه يخبي بلاويه ويضطر يحذفها سواء ارقام او افلام او صور

ان شفتي شي بالتلفزيون او سمعتو قصة عن الخيانة استغلي الفرصة وعلقي .. قولي الدنيا دواره والله ماراح يخليه


ادعي ادعي ادعي ..اقري قرآن وصلي الوتر ووكلي امرك لله عشان تنامين بدون هم


وان شا الله لاننا قويات ولان الله معنا بيرجعون لنا بالنهاية

وعليكم السلام ورحمة الله وبركاته ..
مرحباً بكِ أختي الحبيبة ..
أحببتُ صدقكِ في وصفكِ عن زوجكِ رغم الخيانة ذكرتيه بأوصافه الحقيقية كثّر من أمثالكِ ياحبيبة ..
ضعي في بالك مصير الطيور تعود لأعشاشها ..
مهما كان يخون الرجل فهو لايثق إلا بإنسانة شريفة نقية عفيفة هو أنتي ياإمرأة ..
بمثلما قالت لكِ فجر ..
ولا تجعلي هذا الأمر يؤثر على علاقتكم إنتبهي كي لايقول إنكِ قصرتي وأنك وووو لالا بالعكس اهتمي فيه جداً واهتمي بنفسكِ كذلك ..
وأسأل الله أن يُسخره لكِ ..والدعاء من دعا الله لايخيب أبداً أبداً ..
ورده الله إليك رداً جميلاً ..

الله يعيني ويعينك وأنا اختك ...
هالخيانة صارت مثل الطوفان ,
إنتي عندك طفل وزوجك شخص جيد معك على حد وصفك , وهذولا يستحقون التضحية ..
شوفي الإخت متفائلة35 إذا حابه ترسلين لها في قسم ساعدني عندها ثقافة عالية في التعامل مع الذكور الخونة ..

الجأي إلى الله وابكي له وقولي كل مل يختلج قلبك من مشاعر فما أرحم منه أحدا سبحانه ..
فرج الله كربك وأصلح زوجك ..

__________________
{ اللهم صلي وسلم على محمد وآله وصحبه تسليما كثيرا }

اشكركم ماتدرون ردودكم كيف اثلجت صدري
انا موكله امري لله
هاليوممين خلاص ماعاد اقدر اتحمله يكلم متزوجه ويتعمد يبعدني عشان يرد عليها صارحته وقالي اني انا غلطانه قلتله يحلف على القرآن ومستعده ماعاد افتح معه الموضوع ورفض وبلاخير زعل وصار هو اللي معه الحق وانا الظالمه
حاليا ادعي ربي ينزع حبه من قلبي ويصرفه عني اذا هذا خير لي ويعوضه بشخص افضل منه من كل النواحي انا ماتحمل الخيانه ابدا وحتى لو بظل عايشه معه بكون عايشه بشك وعدم ثقه فيه وانا مافيني اظل على الحال هذا صابره هلاسبوع معه وادعي ربي ينزع حبه من قلبي حتى اطلب الطلاق وارتاح هالخيانه مو مره ولا مرتين هذي رابع مره وما ادري علاقته لوين وصلت معه

مرحباً أختي الحبيبة ..
الله يجبر خاطركِ بكل ماتحبين ..
اصبري ولا تتعجلي بأي قرار وأنتِ حزينة ..ولا تنسي الدعاء ادعي بقيام الليل بقلب صادق ودمعة حارقة بالهداية ..
لو مررتِ عالقسم هذا ورأيت أحوال أخواتكِ فو الله مصيبتكِ ستكون أهون ..
الإنسان دوماً يحتاج صبر ..هل فكرت بأن الرجل يثق بوحدة خائنة عبر الهاتف أو وووو ..لا والله بل مهدىء وسيأتي يوم سينتزع هذا المهدىء المخدر ويفيق مما هو فيه ..
فيه أنواع لاتحب المواجهة واجهية بطريقة التلميح ..
إذا يحبكِ لاتخسريه أبداً صفاته جميلة جداً ..صبر يحتاج منكِ فوالله لن يخذلكِ الله أبداً ..
وأنتِ لاتضعي شغلك الشاغل هو انشغلي بأمورك ولا تظلكِ تتبعيه ..اتركي الأمر لله وادعي ..
الله يجبر خاطرك بما يسر قلبكِ ..

يمنع فتح موضوعين بنفس المحتوى


يغلق

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014