السلام عليكم ورحمة الله وبركاته
مضى على زواجي شهرين مشكلتي في إهمال زوجي وخروجه في أوقات متأخرة من الليل
الحجة ( عندي شغل - بوصل مشوار قريب) طبعا هذا الكلام يكون الساعه 1 ليلا واحيان 2 ويرجع من الفجر في رمضان يطلع الساعه 3 الفجر واوقات بعد الصلاة
يشهد الله ان اسكت ولا اناقشه ولا ادق عليه وينك وما وينك ومع ذلك عادي عنده الوضع الصدمة صارحني الاسبوع الماضي انه بيطلع للاستراحه وبينام هناك مع اصحابه رفضت وبشدده وقلت له تبي تسهر اسهر ماعندي مانع لكن ارجع ونام ببيتك وش اللي يخليك تنام برا البيت قال مشوار بعيد وانا اذا رحت ما حب ارجع اختلفنا اصريت على رأيي وقال خلاص عوفتيني بالطلعه كلها انتي دايم تفرضين رأيك قلت انت سألتني الشور وهذا شوري وقناعتي ما اتنازل عنها ولك قناعتك ما طلع بعدها باسبوع البارح تكرر نفس الشي بطلع الاستراحه كنت اقل انفعال من المره الاولى سكت ولملمت اغراضي وانا ساكته لبست عبايتي وقال تعالي بكلمك ليش مو راضيه علي قلت ايه مو راضيه تنام برا بيتك ما شوف سبب مقنع للنوم برا اسهر واستمتع وارجع بيتك لو الصبح قال خلاص نوم ما انام بس بطول هناك إلى الظهر قلت وبتتكرر كل اسبوع قال لا وانا بقرارة نفسي عارفة من اطباعه انها بتكرر قال ليه ماتردين علي انا صراحه كنت ماسكه اعصابي ولا تكلمت قال انت ماتلاحظين انك تحاولين دايم تجبريني على رأيك ولاتحترمين زوجك انا هنا انصدمت وبكيت قلت له كيف ما احترمك قال راجعي نفسك سكت وضاق صدري بكيت وبكيت وبعدها جاء قال وش فيك جالسه لحالك قلت اراجع نفسي قام يعتذر انا اسف انا بس انفعلت حاول يراضيني وبعدها طلع من الساعه 1 وقبل الفجر اتصل ورديت قال نايمه قلت لا رديت ببرود ولا رحبت فيه كالعاده قال حبيت اسمع صوتك وانا راجع بغيتي شي وسكر رجع وقابلته عادي ونمت وصحيته للصلاة الجمعة وكملنا يومنا بالليل قال بروح الاستراحه ويمكن أتأخر انا هنا تعبت نفسيا من كثر النقاشات العقيمة وداني بيت امي و ودعته قلت له استمتع
اخر الليل ارسل مسج احبك ورديت عليه بكل حب ! وانا احبك وسبقتني كنت برسل لك ! انتبه لك
فعلا كنت ابي ارسل له مسج قلت يمكن ينفع معه مستقبلا اذا شافني متقبله السهر انه يهون عنه .
الآن محتارة وبشده لاني اعرف طبعه بيتكرر الموضوع كل اسبوع بينزلني ببيت اهلي ويروح الاستراحه ينام فيها !
انا اشوف انه تصرف عزابي ولا فيه ذرة احساس بالمسؤليه والحياة الزوجيه خاصه من اولها كذا كيف بعدين !! واول نقاش لنا بالموضوع قال انا متعود كذا انام عندهم قلت كنت عزوبي والان انت تغير وضعك ولنا سنة مخطوبين وانت عارف انه طبيعي تغير من بعض عاداتك بعد الزواج !
طبعا مثل ماقلت لكم يطلع دايم ساعتين ثلاث ولا ادق عليه وكنت ولازلت اتهيأ له اذا رجع والله اني مهتمه فيه اودعه للباب اذا بيطلع واحن عليه قايمه بواجباتي كم مره اثناء خلافاتنا اقوله صارحني اذا في شي مضايقك مني او مو مرتاح له اتقبل بصدر رحب ! ويرد لا حبيبتي انا مرتاح مبسوط معك
بس بالعقل لو مرتاح ليه يطلع ويتركني اوقات اكون مهيأه جو رومانسي باليت وشموع ولابسه ويطلع ويتركني ابكي اذا طلع وامسح دموعي قبل يرجع اوقات كثير انهار وابكي قدامه ابي اهتمام
بالبيت اغلب وقته ساكت يا بجهازه ي يتابع فيلم صامت اغلب الاوقات يقول هذي طبيعتي ولاحظته انه يعاند اذا يبي شي الا يسويه زي السهر يحسسني دايم ان الخطأ مني اثناء الخلاف ويجرحني عشان ارضخ له المره الثانيه وقدامكم موضوع الاستراحه لانه عارف اني اذا انجرحت اتنازل والله تعبت ماحس انه فرحان فيني للعلم انه بيننا فروق ماديه طبعا كنت في بيت اهلي عايشه افضل من حالي معه بكثير من الناحية الماديه
بالعلم انا اعلى منه تعليم وبالسن اكبر منه بسنتين عمره 27 سنه لكنه كسول جدا حتى بالدوام كثير الاستئذان وله مشاكل كله بسبب عدم الانتظام بالدوام وحجته انه مايحب العسكريه ودخلها إجبارا .
الحق يقال هو حنون ما يشيل بقلبه لكن مايهتم الا اذا شافني ابكي يتأسف ومجرد حكي احسه احبك لكن مافي قدامي شي يثبت حبه لي والله تعبت مدري كيف اتصرف معه ببوصلة الشخصيه اعطيه نمط الجنوبي
انصحوني كيف اتعامل معه اوقات بالفعل احس اني ندمت بزواجي منه مو حاسه بأي فرحه للزواج
24-08-2013, 04:46 AM
ضوابط المشاركة
العرض العادي
