الحب يا اخي لا ياتي كثيرا .. الحب ليس جنس او فتاة تخدمك .. الحب هو احساس بالبهجه عندما تري شخصا ما حتي لو لم تلمسه ..
رأيت في حياتي مئات الفتيات و لم اشعر بأي رغبة في توطيد العلاقة بهن بالزواج بل بالعكس كنت اشعر بمقاومه داخليه تجاه ذلك .. و لم احب الا فتاة صادفت ان قابلتها في مكان ما و لم اشعر بداخلي اي احساس يقاومني للارتباط بها .. بل اشعر بالبهجه و السعاده حين اراها و لم اشعر بذلك مع غيرها قط

اقول لك انتظرها بكل تاكيد .. فالحب قد لا يأتي ثانية ..

شكرا يا اخي على جوابك هاد
الله يعلم انه بحبه بكل جوارحي ما عم اتخيل يتركني
هو رجع اعتذرلي بس قلي بدي مره جنبي و انا والله العظيييييييييييييم بدي اكون معه بهالثانيه بس ما قادره ظروفنا كتير صعبه لدرجه ما رح تتخيلها اللي مات من العيله و اللي اعتقلوه و اللي مطلوب
هاد كله خلا رجعتنا عسوريا عهلا صعبه
ما بقدر استغني عنه
بس بدي هو اللي يصبرررررر
عشاناسحبه لعندي و نعيش بالامان وولادنا بالمستقبل
و مشكلتي انه ابوي مانعني انزل
و بتوقع اي ااب مكانه بعمل متله
كتيييييييير اشتقتله و الله ما عم بغيب عن بالي لحظه
حياتي مقضيتها بالدموع و الانتظار
و هلا زياده خوفي انه يتخلى عني
شكرا يا اخي و فعلا نيال حبيبتك عليك

شوفي حبيبتي
اذا بينتي له كل اشواقك هذه وحبك واندفاعك
اكيد الرجال بيتعب ويشتاق لك اكثر واكثر
لذا في مكالماتك معه حاولي تمسكي نفسك

اذا قالك مشتاق ومن هالكلام قولي له هانت حبيبي
كلها كم شهر ونجتمع باذن الله هنا ونستقر

لا تزوديها عليه بكلام الحب والشوق لانه يتعبكم الاثنين
فا امسكي انتي الموضوع واتكلمي بالعقل

اذا قالك خلاص بتزوج وكدا
ابدي استعدادك انك تروحي لكن ابلغيه ساعتها انه ذنبك
برقبته واي شي يصير لك بيكون بسببه
وانه راح يضطر يفتح بيت ومصاريف والحالة صعبة
وافرض صار حمل كيف بنسوي. ؟؟ صحصحي عقله
ولا تخلي العاطفة تغرقكم الاثنين

الله يجمعكم عن قريب ويلم شملكم ويسعدكم
ويفك كربة سوريا بالقريب العاجل

__________________
سبحانك لا اله الا انت اني كنت من الظالمين

لما الانسان اللي وققفتي معه طول عمرك و ساندته و تخليتي عن الدنيا كلها عشانه
و اجا بوقت ظروفك صعبه تركك و تخلى عنك لانه ما قادر يصبر
وانت باشد الحاجه لكلمه تصبير منه
اذا ما قدر يرحمك وقت ضعفك و تخلى عنك لانه سافرتي لظروف صعبه زي ظروف سوريه مع انه هو قلك سافري وبلحقك
انا عم احكي عن زوجي خطيبي و حبيبي و كل عمري
الليي تخلى عني من اول عقبه بعد سنين خطبه و حب
ليش عم اشتقله ليييييييييش
معقول يروح يحب غيري
معقول كلل اللي كان يحكيلي اياه يحكيه لغيري
ليش و انا ضحيت بسنين من عمري عشانه
و هو ما قدر يضحي بسنه انتظار ليوصل لعنديي
انا منهااااااااااره

الله يصبرك حبيبتي، أسجدي واحمدي ربك أنو ظهر على حقيقته الآن، تخيلي لو تخلى عنكي وطلقكي بعد الزواج... عارفة مش سهلة صعبة كثيييييييير لكن الحمد لله أن سقط قناعه الآن.

__________________
مآ هي إلآ سآعآت ، ۈ يقآل : رمضآن دخل ۈ مآ هي إلآ إيآم ۈ يقآل : رمضآن خرج ! ۈ بين ' دخول ۈ خروج ' فآئزون ۈ خآسرون : ) فيآ ربّ ، اگتب لنآ حضور شهر الصيآم ۈ أصم جوآرحنآ عن الآثآم ۈ اجعلنآ من المقبولين ۈ الفآئزين

؛؛
تم دمج الموضوعين لتطابق المحتوى ..

__________________

مشكلتي اني مخطوبه من سنتين و نص و بسبب ظروف سوريا سافرت و بعدت بمواقه خطيبي
و ما عارفه ايمت رح نلتقي بجوز تطول القصه سنتين كمان و انا مكتوب كتابي
وخطيبي هلا بلبنان ووضعه المادي صعب للزواج ما عنده بيت و لا شي و فاتح بسطه صغيره
المشكله بدو انزل عنده و اهلي رافضييييييييين رفض قاطع
هلا بضغط علي لاهرب لعنده و هالشي صعب
هددني يتزوج غيري و بساير فيه
و انا عم انظلم و ما الي ذنب بشي و عم اعمل كل شي بقدر عليه لاحافظ عخطيبي
انا ما مصدقه اكون معه و ما بتخيل حياتي بدونه
عم احسه مل و خايفه يتخلى عني و يتركني
مع انه الحب اللي بجمعنا كتييييييييير قوي
اهلي رافضين انزل و بقولولي اصبرو لتمشي وراقه و يجي لهون عالسويد لاني مقدمتله لم شمل بس بياخد وقت عشان في ضغط كتيييييير
انا تعبت كتير صار يفتح نت و يطنشني يكتب للكل و ما يكتبلي حتى سلام كاني عدوته
مع انه بعرف اديش بحبه و محتاجته يصبرني و لو بكلمه منه
ما عارفه اتعامل معه خايفه اخسره و الله خايفه
ما بتخيل حياتي بدونه وما توقعت بحياتي يفكر يتخلى عني او يفكر يتزوج غيري
ساعدووووني كيف اتصرف معه
تعديل / حذف المشاركة

تصريحه لعندكم للسويد كم ممكن ياخذ وقت؟؟ تقريبا يعني

برأيي أنك تمدحي بالبلد عنكم وتشرحي له عن فرص العمل وبأنك حابه تنتظري لحتى هو يجي عندكم عشان مصلحته ولأنه مستقبله هناك راح يكون أحس بكثير وأن الحياة هناك أربح بكثير واشرحي له عن كل هاد

من اليوم وطالع لا تجيبي سيرة أن أهلك رافضين تروحي لبنان لأنه وضعه هناك سيء وخايفين عليكِ ... قولي رافضين أروح لأنه هنا أحسن لك ولأنهم حابين تلاقي شغل مريح لك هنا .

طريقة الكلام بتفرق .. فرق بين ما تقولي أن الرفض بسبب مصلحته هو وبين ما يكون السبب هو شعوركم بفشله وخوفكم عليكي من الحياة معاه . فهمتي علي؟

اشرحي له كل مشاوريك وكل محاولاتك لتسريع معاملته واذكري كل التفاصيل . وقولي له كل هاد ما يهم وأعمله وأنا مبسوطه لأنه اللي يهمني نكون مع بعض ويكون لك شغل مريح لك .

لو أنتي عم تدلعيه وتتحملي ثقله عليكي ومش نافع معاه وحس حاله شي كبير فمن رأيي أنك تقلبي على الوجه التاني وانتي اللي تعصبي عليه لأنه هو زعلان منك بدون سبب وجيه ....أنتي عم تدوري على مصلحته وبدك حياة أفضل له وهو بيزعل منك ؟؟؟؟؟ كلميه بهذا المنطق وانتي اللي تزعلي عليه وتطنشيه .

عليك بهذا الدعاء (( اللهم هب لي من زوجي قرة عين لي واجعلني للمتقين إماما ))

__________________

ما انا دايما بقله لمصلحتنا و مصلحه ولادنا بكره
بس هو ما قادر يتحمل
معاملته الي بالمره صارت
و الله العظيم كتير بجرحني و بسامحه و بضحك معه
المعامله ما بعرف اديش بتاخد وقت بجوز شهور قليله بجوز سنه بجوز سنتين
كل مره بسال الهجره بحكولي ليجي دوركن في ضغط كتير
و ما عم يحددولي وقت
وراقه جاهزه و مقدمتها من ست شهور و دافعه مصاري بلاوي عليهن بس بدهن وقت
انا مقهوره بفكر يتخلى عني و انا باشد الحاجه لوقفته جنبي
ما انا مشتاقتله كتيير كمان

؛؛
؛؛

تم دمج الموضوعين لتطابق المحتوى ..
ونأمل عدم تكرار طرح المواضيع لعدم تعرض عضويتك للإيقاف !

__________________