السلام عليكم ورحمة الله وبركاته
انا متزوجه وعندي بنت عمرها 5 سنوات
وساكنه مع اهل زوجي ام زوجي وزوجة عمي وزوجات اخوان زوجي
زوجة عمي عندها بنت عمرها تقريبا عشر سنوات مئذيه بنتي بشكل مو طبيعي طبعا البنت اكبر وحده في اطفال العايله وكل الاطفال يحبونها ويطيعونها باي شئ تقوله
من كانت بنتي صغيره وهي تطردها وتسب شكلها وكرهت الاطفال فيها في اليدايه حاولت معها بالهدايا وبالتشجيع والنصح وكنت اخذها معي اذا طلعت واحاول ادمجها مع بنتي بس ماكان فيه فايده بالعكس البنت تزيد تمرد ويزيد اذاها لبنتي
وكنت اجمعهم يوميا اخليهم يلعبون عندي واوزع عليهم حلويات
واتحمل ازعاجهم عشان بنتي بس مجرد مايطلعون من عندي تجي بنتي تبكي وتشتكي اللي يضربها واللي يسبها واللي يطردها
وصاروا كلهم يعاملونها مثل ماتعاملها بنت زوجة عمي ام عشر سنوات
وفي يوم طفح الكيل ومسكت البنت ضربتها وهددتها وجلست يومين تعاند وبعدها تعدل الوضع شوي
والمشكله الا الان اذا تعاملت معاها بطيبه واخلاق وحست بالامان رجعت ضد بنتي لازم كل فتره اهددها واخوفها
اخر شئ قبل يومين كانت عندي وعيال اخوان زوجي وزعت عليهم اسكريم وسولفت معاهم وبعدين طلعوا يلعبوا في السطح وكل واحد عنده حوض مزروع بعد شوي جت بنتي تبكي تقول فلانه تقول ماتلعبين وحدك خلي فلانه تلعب معاك في الحوض اخذت بنتي وطلعت السطح قلت لها مو كل واحد عنده حوض ليش مصره ان فلانه تلعب مع بنتي قالت طيب خلاص نزلت من عندهم وشوي جت بنتي تصيح سالتها اشفيك قالت طردتني وقالت لي انتي عبده ومانحبك وكلهم قالوا مانبغى نلعب معاك
جيت باصلح بينهم ولقيت الاطفال في السطح كلهم الا هي سالتهم ليش تسون كذا قالوا مو احنا فلانه تقول لاتلعبون معها طبعا هي عرفت اني بجي وهربت عند امها ورحت اكلمها وطبعا لان امها موجوده جلست تصارخ وتقل ادبها وتهدد الاخت وتقولي مالك دخل اصلا هذا بيتنا وانا اكره بنتك وكلام كثير انا انصدمت صراحه من جرئتها ووقاحتها وامها ساكته ماتكلمت اخذت نفسي وطلعت وعرفت انه مافي فايده مع هالبنت
الحين ابغى اعرف كيف اتصرف معاها
للعلم بنتي طيوبه كثير ولاتضرب احد واجتماعيه وحنونه وحساسه بشكل كبير والحين صارت خوافه وماتدافع عن نفسها ابد اي شئ يصير تجلس تبكي
وانا نفسيتي تعبت من المشاكل وفوق هذا حامل واكتشفوا ان عند جنيني مشكله في الدماغ ونفسيتي مره تعبانه ومو قادره اركز وافكر في حلول اتمنى اطلع من البيت بس ظروف زوجي زي الزفت
وماعندي حل الا الصبر
اتمنى القى حل لمشكلة بنتي عندك الله يجزاك خير ..

ابنتي الكريمة:
يظهر إن طيبة واجتماعية وحساسية بنتك وراثة منك بدليل معرفك
الحلول كما فعلتِ تبدأ بالتدريج ثم تنتقل لإفهام أم البنت بالمشكلة لمعرفة السبب وإيجاد الحل فإن عرف السبب بطل العجب له سبب ظاهر وعلاجه مصلحة للجميع وإن لم تبد السبب ودارت بكلام عام فالبنت اداة تنفيذ من أمها لسبب خفي فيه مصلحة لطرف واحد وليس للجميع وهذا الطرف هو أمها وأبيها كالتخطيط على نصيبكم من السكن أو إبعادكم عن أعين الأب لمحبة خاصة لكم وهذا الوضع (بيت الأسرة الكبير زوجتان وزوجات الأبناء) بيئة خصبة للتنافس لوجود عدة شخصيات في مكان واحد واختلاف احترام الزوج لزوجته من شخص للآخر فتتأثر النفسيات بسبب المقارنات فقد يكون زوجك أو والده يعاملونك بأفضل من غيرك وهذا دعاهم للغيرة وتطفيشك عبر ابنتك وأتوقع هناك سبب آخر (عنصري9 قالت لبنتك (ي العبده)).
النصيحة:
تفاههمي مع أم البنت فإن لم تستجب فأنقلي الموضوع لزوجك أو استأذنيه لنقله لوالده ليفرض الاحترام بالقوة أو يجد حل لكم.
هذه الطفلة التي تضرب ابنتك تظل طفلة لا سوء ابتداءً عندها وهي قابلة للتحريض وقد تكون ذات نزعه قيادية وعصبية لذلك يتم تسخيرها لهدف فاستمالتها ليست اقوى من سلطة والدتها عليها وتهديدها يسكته بشكل مؤقت لخوف الأم من انكشاف الأمر إذا كان الوضع كما سبق أن ذكرت.
فرغي كل ضغط منك بالكتابة أو الرسم أو الشعر.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.