حبيبتي لمسه ممكن سؤال
هو كم عمره وانتي كم عمرك ؟؟

لا مسحور ولا عين ولا بطيخ. الرجاااال بايع. ويحاول يطفشك
لاحول ولا قوة الا بالله

ربي يفرج همك ويجبر بخاطرك ويعوضك خير

الحمدلله على كل حال

الرجل بايع ومخلص
شوفي خطوتك الجاية بعد التحليل شنو
ولا تنزلي نفسك له اكثر

والله وجعني قلبي عليك
الله يكون بعونك اختي ويفرج همك
اللهم امين يارب العالمين

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

لمسة انا وانت نتشارك في حجم الحرمان العاطفي نتشارك في حجم الحب الذي نكنه لازواجنا ونتشارك في حجم الاهمال الذي نتلقاه منهم .. نتشارك في نفسياتنا المريضة جراء التصحر والقحط والجفاف النفسي الذي نعيشه باسم الزواج او ربما تكون نفسياتنا عاقلة وطرفنا الاخر هو المريض حبيبتي لمسة تاكدي اننا كلما صبرنا اكثر كلما احترقنا اكثر .. والسنين كلما توالت نتشبث اكثر في ازواجنا رغم كون الطريق مسدودة امامنا لا هم حبونا او انهم احبونا لكن بطريقة مختلفة عنا .. بطريقة غير طبيعية لان الذي يحب يعطي بلا حساب ويحاول اسعاد محبوبه

لمسة لا تتشبثي اكثر في رجل حرمك من الراحة .. حرمك من السعادة وكل ما يفعله سوى اهمالك وانت موجودة امامه كل ما فعله هو استصغار عواطفك فقط لانك احببتيه بقوة واحببتيه بصدق وانك دائما في استعداد لان تعطيه كل عمرك وكل سنينك

افيقي حبيبتي خلاص هو بايع ومقتنع ارجوك اغتنمي الفرصة وحرري نفسك منه والله سيرزقك الراحة والسكينة ان تنازلت عن كل شيء وبحثتي فقط عن الله ورضاه .. وجهي كل عاطفتك الى حب الله لن تضيعي الطريق حبيبتي ولن تغرقي في متاهات الدنيا ستكونين قوية باذن الله تعالى وستبدئي حياة جديدة بعيدا عن ذاك الرجل الذي تفنن في اذلالك
جبيبتي استغلي الايام العشر المتبقية من رمضان وادعي الله ان ينزل على قلبك بردا يطفىء النار الي في قلبك وادعي انا لله وان اليه راجعون اللهم اجرني في مصيبتي واخلفلي خيرا منها

عصبتيني واايد يا لمسة ايش هذا اللي تسوينه في روحك
والله اغلب الرجال يموتون في القوية اللي ما تبين حبها وتعلقها فيهم وعايشة ومبسوطة ما تتسول منهم العاطفة

انت للاسف حطيتي حالك في مواقف بايخة تستنجدين منو الحب والكلام الحلو والعاطفة ليه ما خلليتيه هو يستنجدهم ويتسولهم منك خصوصا انو ما يقدر هذا الشي وما يستجيب لك كان عليك تخلليه هو يحتار فيك وينقهر لانك مو شرياه
وكل الشي اللي سواه معك تروحين تحضنيه وتبوسيه وهو مرة اخرى لم يقدر ودفك ليه تحطين حالك في ها المواقف البايخة يعني هو ملاك عشان تموتين فيه كذا سمحيني بس انت طلقتي العنان لحالك عشان تموتين فيه لان هذا كان قرارك ما تقولين مو بيدي لا يا حبيبتي حتى الحب قرار احنا نتخذو فينا نتحكم في قلبنا وفينا نخلليه هو يتحكم فينا

زوجك تناسبو وحدة قوية وذكية عشان تعيشو اللي عيشك اما الطيبة الحنون والعطوفة ما تنفع معو رح يظل راكب على ظهرها ويتعب فيها وهي اذا ما انقضت حالها اما بتغيير شخصيتها او الخروج من حياته رح تظل معلقة ومحتاارة معه وتبكي على الاطلال على شبابها وحياتها اللي راحت
ابدا ما اتمنى لك هذا الوضع وما ينفع تقعدين على ها الوضع لازم تضعين حل لحياتك وانت ختاري يا انك تحاولين تغيرين من شخصيتك وتخلليه هو يلاحقك ويموت فيك يا اما تنفصلين عليه وتبيعيه لانو واحد ما يستاهل

حبيبتي لمسة
بما أنك مازلت في بيته ياقلبي اكتبي كل النواقص واطلبيه يجيبها لك،
يالمسة اﻷزواج العاديين اللي مابينهم خلاف يحتاجون الزوجة تكتب اﻷغراض ويجيبونها،،المعتاد الزوج مايجيب من نفسه
مقاضي إذا الزوجة ما كتبت،،فما بالك وانتو وضعكم كله مشاكل؟!!
حتى لو البيت فاضي ما فيه شي،،لا تنتظرين منه يجيب لك شي،،اكتبي واطلبي.

لي طلب بسيط يالمسة
إذا سمحت يالمسة لا ترسلي لزوجك رسايل عتاب أو حب أو رسائل تذكريه بحقوقك أو تهديد أو دعاء عليه،،
يالمسة ياغالية
(ولا تنسوا الفضل بينكم)
لا تجعلي نهاية حياتك شينة افترقوا بالمعروف،،
يالمسة لا تسيئي لنفسك أكثر،،
الرجل وإن ظلمك وهضم حقك فهو مازال متحملك ومتحمل انفجاراتك ودعاويك عليه،،وتراه هو مو مجبور يتحمل،
الرجل اللي مازال يوديك ويجيبك المستشفيات،،
الرجل مازال يقول لك اكتبي الطلبات اللي ناقصتك،،
الرجل مازال يجيك البيت،،حتى وإن نام لوحده،،حتى وإن ماكلمك،،حتى وإن دفك بقوة،،
يالمسة هذه كلها نقاط تحسب لزوجك،،

يالمسة ﻷسباب زوجك باعك ونحن لا نعرف أسبابه ولا نعرف وجهة نظره،،وأنت مازلت فارضة نفسك
ورامية نفسك عليه تذكريه بحبك وإنك سويتي وأعطيتي وووو،،،،،،،الخ

يالمسة الرجل لا يريدك ويريد أن يطلقك بالمعروف،،لكن إنت الله يصلحك لاصقة فيه،،
ماذا يفعل؟ كيف يتصرف؟

تلقينه من الداخل منتهي مثلك ،،،

يالمسة ياحبيبة صديقك من صدقك،، وليس من صدقك،،
يالمسة لا ترخصين نفسك أكثر مما رخصتيها،،

أنت أعطيتيه من مالك وذهبك وأثثتي بيتك وووو...... الخ
بإختيارك وبكامل ارادتك هو لم يطلب منك،،،فلم تحاسبيه اليوم حساب الملكين،،

لا بأس طالبي بذهبك ومالك وحقوقك بهدوووووووووء نفس وهدوووووووووء عقل،،وأنا والله من أول المشجعين
تستردي حقوقك،،ولكن ليس بأسلوبك ولا طريقتك الحالية،،
بأسلوبك هذا ثقي لن تنالي شيئا،،،غيري من أسلوبك يالمسة،،

وفقك الله وسدد خطاك،،
وأرجوا إنك تتقبلي مني النصيحة فوالله ما أريد لك سوى الخير.

انا طلعت افطر معه بمطعم
وراح نتفق ونحط النقاط على الحروف
الله يسدد قولي ويفك عقدة لساني
راح ارد ع كل واحد فيكم اذا رجعت البيت
ادعولي

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

مكلومة خطوة الطﻻق صعبه علي بس الله يهون كل صعب
لمن سمعت طلاق بمحكمة جاني خوف مدري ليه
ربي كن معي باصعب الظروف وارني عجائب قدرتك باصعب الايام

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

الله يفرج همك ويفرح قلبك ويشرح صدرك ويكتب لك الخير حيثما كنت.
طمنينا عليك أول ماترجعين.

دندورمه الله يجزاك الجنة على شعورك دعواتك يالغالية
امراة من مكان ما والله عشت كل انواع الحرماان معه ولايعترف بخطأه ابد يقول انا تعبت
كل كلامه انا تعبت

مكلومة كلامك صحيح والصراحة تجرح بس هذه الحقيقة ويمكن تحليلك صح
مكلومة ادعيلي بس ربي يهون علي

قلوب حائرة فعلا زوجي يحب المراة القوية الي مستغنية عنه بكل شى ويحب يلاحق هالنوع
حاولت اكون كذا بس الحرمان يجبرني
حاولت اشيله من راسي عجزت
الله وحدة الي قادر يربط على قلبي

اخيرا تكلمت معه بنقاط عدة وانا بالمطعهم انا اتكلم وهو محني راسه ولا يطالع فيني
قلت طالع فيني قال اسمعك
تكلمت كثير وكثير وقلت كل انفجاري فيك من الظلم الي اتلقاه منك
هو ابدا مايتقبل اني اوجه له الخطأ
لكن اذا قلت عين او سحر يصغي الي

انا بقولك قصة حياتي يمكن اخرج بها عن الموضوع شوي وانتم احكموا
لي اخوال حقودين جدا وخاصا اكبرهم
علاقة جدي الله يرحمه بامي كانت جدا قوية ويموت فيها وحتى احنا حفايده كنا عنده المفضلين
بعد موت جدي اتهموا امي انها استغلت مرض جدي وحبه لها وكتب لها كل شى بيع وشراء
وانها اخذت حلالهم فقامت الحرب على الوالدة وحتى خالاتي صدقوا هالشى وصار الاعداء كثار
وانا صغيرة حاول احد اخوالي يذبحني بسكين بسن عشر سنوات وكنت صامدة قدامه ولا خفت من السكين وقلت اذا ذبحتني راح تدفع الثمن
المهم تعرضت لظلمهم لي كثير حتى لمن كبرت كان بالشارع يحاول يشوه سمعتي ويمر بسيارته ويسب ويشتم والناس تسمع
وكل من حاول يخطبني راح له وفسد علي الخطبة
واستمرت الظروف كذا لين كبرت وصرت اقدر اواجه كل اخوالي وصارو يحسبون لي حساب
والله من الظلم مرة جا يسب عند الباب وابوي ميت وحنا بس حريم نزلت حفيانة وحركت السيارة والعالم كلها تطالع فيني وبغيت ادعسه غير انه طلع فوق الممر ونقد نفسه والا كان في عداد الموتى
صار عندي واسطات وحاولت اسجنه لمدة عشر ايام وبدون تهمة واضحة المهم كنت ابغاه يدخل السجن
وقدرت على هالشى وبعدها صار الكل يحسب لي حساب وكاني انا الرجال في البيت
اذا كنا في عزيمة في بيت جدي واخوالي هناك وامي راحت اوقف بوجه اخوالي كني رجال واقط عليهم نظرات تجلعلهم يهابوني
انا كلي خوف من داخل بس مابغى ابين ضعفي لكائن كان ,,استمر الوضع على كذا لين خلاص فكونا من شرهم وهدأ الوضع
وقتها كنت ادور رجل فعلا بحياتي يسندني يوقف بوجه هالمجرمين
غير كذا زوجة ابوي الي بعد امي جايبة اولاد وابوي وصاني عليهم بس هي مرة طماعة وتحاول تستغلنا باي ثمن ماعندها فلوس واخواني يحتاجون وكذا وكذا
من ناحية اخووالي وزوجات ابوي لانه تزوج اثنين غير امي وحدة طلقها والاخيرة جلست على ذمته وكلهم باولاد مو من مصلحتهم مرة انه يكون لنا ذرية عشان الحلال
اختي مو متزوجة بس حتى هي محطمة ذهنيا وغير سعيدة بس عايشة حياتها وخلاص
وهذه حياتي باختصار لذالك اشك بعض الاحيان ربما يكون بينا عمل او تفرقة زوجين لمصلحتهم اني ابقى بدون زواج وبدون ذرية
وتعالوا شوفو لمن خوالي يسمعون اني تطلقت بتكبر شوكتهم ويوصلوا مرادهم
وهذه كلها عوامل يااخواني وياخواتي تجعلني اتردد بالطلاق لظروف خارجة عن ارادتي وليس ضعف مني ولاني لست اي وحدة عادية لها عائلة تحتويها ويوفقون معها مالي الا امي بعد الله
لكم الحكم انتم

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...